بسم الله الرحمن الرحيم
في البداية أحب أقول ان هذي أول مره أكتب فيها موضوع أو اني أشارك بمنتدى المهم أحب أقول لكم قصه أو اعتبروها عبره لكل بنت وأتمنى من كل قلبي اني أتلقى ردودكم عليها .
في البدايه تقدم واحد من جماعتنا لخطبتي وفي هذا الوقت كنت مشغوله بدراستي وكان كل همي اني اخلص من الثانويه العامه .
وكان الكلام بخطبتي ما يتعدى كلام حريم ورفضته ولكن سمعت انه مصر على هذا الزواج وطبعا نفس كل البنات اللي في سني قلت لأعز وحده من صديقاتي أشكيلها همي وأقولها ان ابوي اذا سمع راح يجبرني على هذا الانسان ووصلني من اختي انه ولد مستهتر وراعي سوالف وبصراحه خطر في بالي اني ادق وأكلمه بكل صراحه وأقوله
يا فلان أنا ما أبي اتزوجك
وكانت رفيجتي تقولي وتنصحني يمكن يكون الكلام هذا مو في مصلحتج ويضرج بس ما أقتنعت بكلامها وفعلا جتني الجرأه ودقيت على هذا الشخص بس المشكله ما جاتني الجرأه اني أصارحه أو أقول أي شي وسويت نفسي مضيعه بالرقم وطبعا نفس ما توقعت راح يدق علي ويزعجني باتصالاته
وكان غصب علي ما ادري شلون أخذت وعطيت معاه بالحكي
المهم تطورت العلاقه وتحولت لحب ما كنت أحلم فيه طول عمري المهم.
اكتشف هو ان أنا اللي كان يبي يتزوجها و عرفني وطبعا قالي انه هالشي هذا ما راح يأثر على حبنا وتميت وياه حوالي السنه وكنت أرفض اللي يتقدمون لي على أمل انه يرجع ويتقدم على حسب كلامه
ولكن وبكل وقاحه خطب وحده ثانيه من الجماعه ولما صارحته اني متضايقه وحاسه انه في شي خاشه عني. صارحني وقالي ان الملجه تمت غصب عنه وطبعا كرامتي ما سمحت اني اتم وياه ولكن قالي اصبري علي وعدني بوعود مالها اول ولا تالي واكتشفت عقب الملجه انه مشهر فيني وقام يتكلم عني مع انه واعدني انه يصوني ويحافظ علي بس اكتشفت انه انسان واطي ولما سمعت هذا الكلام ما حبيت اني اصارحه وقلت له رجاء لا تدق علي مره ثانيه واللي بينا انتهى ولكن راح يترجاني شنو السبب ومع اخر المكالمه طلع على حقيقته وقالي انه ما يشرفه انه يكلمني وراح يجرحني بالكلام ما حبيت اهين نفسي أكثر من جذي وانسحبت من حياته وندمت على الغلطه اللي سويتها بحق نفسي وأهلي .
وبعد فتره سمعت ان عرسه قرب وكان لازم اني أحضر وفعلا حضرت عرسه وماراح تعرفون التجربه اللي مريت فيها بس بالصدفه واهو ماخذ عروسته لمحني والله ما أدري شلون من بين الحضور طاحت عيني بعينه نظرني بنظره استغراب ما أدري ليش يعني لأني جيت والا شنو
المهم رديت البيت وأنا بحالة صدمه ما أدري شلون طاحت عيني بعينه ماأدري شنو كان يعني بنظرته ما أدري استغراب من حضوري والا يبي يعلمني اني غلطت لما كلمته والا شنو؟
المهم اللي محيرني ومضايقني انا تمينا مقاطعين بعض قبل عرسه بأكثر من 8 شهور وبعد عرسه ب 20 يوم تقريبا داق علي هذا اللي محيرني وأبي أعرف السبب ليش وشنو السبب اللي يدفعه انه يكلمني ؟؟؟
والسلاااااام ختام .
أخر غرام @akhr_ghram_1
عضوة جديدة
يلزم عليك تسجيل الدخول أولًا لكتابة تعليق.
الله يهيك
اصلا الغلط من اساسة انك دقيتي علية وصديقتك حذرتك من الشي هذا
قاطعية واكثري من الاستغفار لان مافعلتية ذنب لمحادثتك رجل اجنبي
اصلا الغلط من اساسة انك دقيتي علية وصديقتك حذرتك من الشي هذا
قاطعية واكثري من الاستغفار لان مافعلتية ذنب لمحادثتك رجل اجنبي
انصحك ياأختي لاترديني عليه ابداااا ولاتحاولي تكلمينه
اتركيه من ترك شئ لله عوضه الله خير منه
والله يرزقك بالزوج الصالح اللي يسعدك
اتركيه من ترك شئ لله عوضه الله خير منه
والله يرزقك بالزوج الصالح اللي يسعدك
رهوفة
•
لا تردين عليه مهما كان وقلبك دوسي عليه اسمحي لي بهالكلمة لكن لازم تتحملين ..
انت فترة اغضبت رب العالمين وانت تكلمين انسان غريب عنك والحمد لله الي اظهره ربي على حقيقته والحمد لله انه ما تزوجك لا تزعلين وتقولين راح مني لااااااااااااا افرحي واشكري رب العالمين لأنه لو تزوجك صدقيني طول عمره بيعايرك وبيشك فيك وفي اخلاقه ربي يعوضك احسن منه تقربي من رب العالمين وعليك بالصدقة والاستغفار اسأل الله ان يبدلك خير منه ولا تراسلينه ولا تكلمينه ولا تردين عليه مهما صار ومهما دق ولو دق وعرفت انه هو قولي عفوا مين الرقم غلط يعني كأنه واحد غريب ما عمرك عرفتيه .. والله يهون عليك مصيبتك يارب
انت فترة اغضبت رب العالمين وانت تكلمين انسان غريب عنك والحمد لله الي اظهره ربي على حقيقته والحمد لله انه ما تزوجك لا تزعلين وتقولين راح مني لااااااااااااا افرحي واشكري رب العالمين لأنه لو تزوجك صدقيني طول عمره بيعايرك وبيشك فيك وفي اخلاقه ربي يعوضك احسن منه تقربي من رب العالمين وعليك بالصدقة والاستغفار اسأل الله ان يبدلك خير منه ولا تراسلينه ولا تكلمينه ولا تردين عليه مهما صار ومهما دق ولو دق وعرفت انه هو قولي عفوا مين الرقم غلط يعني كأنه واحد غريب ما عمرك عرفتيه .. والله يهون عليك مصيبتك يارب
الصفحة الأخيرة
زين
وخليه يولي ولا تدقين عليه
كافى انه شهر فيج
يبي يقص عليج ويقولج زوجتى مو مثلج ومن هذى الديباجه
لا تردين على تلفوناته
ارتاحي منه
وشوفي حياتج
والله يرزقج بخير منه