قام يصارخ وايد

أختي أنا برد عليج من تجربة ..

النقاش في وقت الزعل مابتحصلين منه اي نتيجة بالعكس بتتأزم الأمور خصوصا ان الرجل الشرقي صعب انه يعتذر وصعب انه يتقبل عتب زوجته إلا ماندر حاولي تتناقشين وياه بعد مايتتخلصين من حالة الغضب وفي وقت يكون هو هادي فيه وعاتبيه بأسلوب هادي وبتشوفين النتيجة وحاولي تسمعينه وتشوفين وجهة نظره وبعدين انتي تكلمي يعني بيني له انج تسمعين وتحترمين رايه وبالذات في اللحظات الحميمة قولي له انا احبك مثلا وياليت ماتعصب وتصارخ عليه مره ثانية وان شاء الله بتحصلين نتيجة إيجابية.:26:

اختي جميرا حاولت في الاوقات الحميمه كلامه يكون غير


اصلا هو استوى من يشوفوني بزعل ولا انبه على شي يضايجني يصارخ احس ماخذنها حركه عشان يسكتني ويرتاح

حبيبتي آنه مشكلتج اتشابه مشكلة رفيجه لي

أنصحج انج تكونين باردة الاعصاب خلج كووول ولاتخلينه يتوقع ردة فعلج يعني حتى اذا نرفزج سكتي ولاتبينن له زعلج جذيه بيدور راسه ويفكررر ويحس صراخه واسلوبه راح في الهوى
خلج هاديه وبيني له إنه ماكو شي يعفس توازنج حتى ولو حاول يعفسه انتي صامده

صدقيني الريال يحب المره اللي تحسسه برجولته بضعفها بس ضعفها يكون مصدر لقوه يحترمها
وان شاء الله اكون افدتج

قمر يناير مشكورة بس يمكن ما فهمتيني

اقصد يوم اكلمه في موضوع يتم يصارخ علييي وما يعطيني فرصه اتكلم يعني انا الي اتضايج لاني اخاف يوم يصارخ لعدة اسباب واهمها عيالي فديتهم ما اباهم يتأثرون


وايد متعبني هذا الشي والله ما يخليني اتكلم يا رب ساعدني وسخر زوجي لي

بله حبيبتي والله فاهمتج وعاذرتج

زين بسألج يعني اهو يصارخ في كل موضوع تفتحينه او مواضيع محدده؟؟