um sa3oodi :

الله يسلمكم لي يا حبيباتي ويخليكم لي ولدي الحلو.. عمرة 3 سنوات .. الله يحفظة ويخليه كنت في الحمام (عزكم الله) وسمعته يصيح ويقول ماما تعورت بس المرة صيحته غير عن كل مرة.. في خاطري قلت اكيد متضارب مع اخوه او طايح بس طلعت من الحمام لقيته ثمة كل دم والارض ويصيح بحرقة... تحسبته طايح على اسنانه.. وخذته اغسل ثمة بس الدم ما وقف وهوه مو من جدام... حطيت ملح في الماء وخليطة يمضمض ثمة.. اثاريه كان حاط عصايه في ثمة واظني انه كان يركض وطاح عليها... وصاير في حلجة (سقف الحلج) جرح وبعدين حفرة.. والله تيبست من الخوف وما اعرف شو اسوي فيه وهوه ما يسكت ولا رضى يمضمض مرة ثانية بالملح... اخذته للعيادة.. بس من البيت لين العياده كم مرة بدعم بالسيارة.. وما عندي حد في البيت بيروح معاي (ابوه مش موجود) وخدامة اختي تركتها مع العيال في البيت .. وهوه يريد حد يوقف الدم لين نوصل العياده اول ما شافته السيستر قالت بسرعة للدكتور.. المسؤول عن العياده.. الدكتور اول ما شافة قال لازم خياطة بس لازم تروحي للطواري .. اطلب الاسعاف لج عشان تروحون.. قلت له بروح بروحي عندي سيارتي وصلنا المستشفى الكل كان يقول بسرعه .. وصلنا غرفة الطواري الدكاترة يطلبون كل مرة دكتور.. وفي الاخير دكتور سوداني دخل وشافه وقال روحي البيت وعطيه مضاد يعني كل هذا الجرح وبس مضاد كان عطيته بروحي في البيت... قلت له سووله صورة شوفوه زين قالي والله هوه يحتاج طبيب اسنان عشان يشوفه وإذا بيسووله خياطة لازم تخدير كامل اتصلوا على طبيب الاسنان... وتمييت انتظر.. وفي الاخير اعتذر انه ايي.. ورجع الدكتور قالي روحي البيت وعطيه مضاد ودواء حرارة وباجر الصبح روحيبه طب الاسنان وخلي الدكتور يشوفه لو يحتاج جراحة بيسووله...(عقب شوه) حسبي الله ونعم الوكيل المهم فليل تم متألم والصبح رحت عند طبيب الاسنان (كان الجرح الحمد لله بادي يلتئم)... قالت الدكتورة لازم طبيب جراح... بعد ما ييه الجراح... اعتذر.. لا حول ولا قوه.. شافته دكتورة الاسنان.. وقالت شوفي كان المفروض ايسووله خياطة .. بس مدام انه الجرح بادي يلتئم خليه وخلي الطبيعة تاخذ مجراها... وتعالي لي الاحد وان شاء الله افحصة مرة ثانية ولو احتاج شي بنسوويله اياه... يا حبيباتي هذي قصة وليدي الحلو الله يسلمه ويسلم عيالكم

الله يسلمكم لي يا حبيباتي ويخليكم لي ولدي الحلو.. عمرة 3 سنوات .. الله يحفظة ويخليه كنت في...