ماشاء الله عليكم اولا اهنيكم على بركم بجدتكم وابوك مهما سوا هذي امه وبرا فيها يدور راحتها >>حتى لو مادرى عن الحقائق

يعتبر ونعم الرجال الاصيل الكريم مهتم باهله ويعاملهم بكريم طبايعه

اما والدتك ليس ضعفا منها وانما لحب الخير وعمل الطيب >> اميمتك اجوديه وراعية واجب الله يرزقها بر عيالها ونفعهم

تذكري دائما ان الاشجار المثمرة هي من ترمى

اصبري فسيأتي يوما يعرفون قدركم

يجي يوم تشوفي ثمرة بركم واجتهادكم في رضى ابوك وجدتك بس اصبروا

كل قوي فيه الي اقوى منه
وربي عاقبهم بضليمتهم لامك

شوفي عزيزتي

ام زوجي كانت تجي عندي فتره وتروح عند عيالها

انا طبعا زوجة ولدها القعده


وكبرت خالتي ومرضت وتوفت الله يرحمها

وربي زوجي يعظ يدينه ندم

انا ماقصرت مع خالتي ولا مع خالي الله يرحمهم

وتخيلي كل اخوات زوجي يسبون فيني

ويتكلمون علي

ماتسوي وماتتحمل

ومخليتها في غرفة البزران

مع العلم انا ماعندي بزران ابد ابد

لكن الغرفه مجهزه كذا

الله يرزقني يارب

وكانوا اذا جوا عندي بكل شيء اركض لهم

وآخرتها ماسوت وماحطت وماتعرف والشغاله تكرف عنها

مع ان الشغاله مالها دخل في الطبخ

ووالله لو تشوفين كيف خالتي بتقوم للحمام بصعوبه

يصوتون علي فلااانه تعالي شوفي امي تبي الحمام

ولا وحده منهم تفكر تساعدها

مع انها امهم هم مو امي انا

ويوم راحت خالتي كلهم ندموا على اللي سووه

ومااحد يقدر يفتح فمه بكلمه

ولو قالوا شيء ذكرتهم انا بسوالفهم

مشوا معي مضبوووط