قبله مع التحيه على راس كل زوجه اولى مسالمه

السلام عليكم
اخباركن يالغاليات
اشتقت لكن حيل غبت فتره لظروف خارجه عن ارادتي لكن الموده والحب موجودات بقلبي لكل عضوه
المهم مابي اطول عليكن ببدا بالموضوع على طول
بما اني زوجه ثانيه مع كل الاحترام والتقدير لكل زوجه اولى صار لت مشكله بسيطه وبشوف اغلب الاراء
قبل مااابدا بالمشكله
بقول لكن وش الوضع انا من تزوجت من كم سنه ماشفتها ولاشافتني. بس من كم اسبوع قالت لزوجي ابي ازور فلانه ببيتها وقال لي زوجي قلت حياه الله مع اني كارهه جيتها بس عملت باصلي وتربيتي وضيفتها باحلى ضيافه ومشت بعد المغرب وعدى الموضوع بسلام
المهم الحين بقول المشكله
صار زواج قريب لزوجي وزوجي نشب لي اروح مع ان ماكان لي خاطر بالروحه لكن يقول فلانه لزمت الا تجين الي هي ام العريس ووافقت ورحت ماكنت داريه اني بلقى ام عيالوه هناك ماجاب لي طاري انها بتحضر
المهم واروح واسلم على المعازيب . واجلس على ذيك الطاوله ويجن خوات زوجي ويجلسن معاي وام العريس وزوجه اخوه وزوجه خاله المهم كل الجماعه جلسن بنفس الطاوله الي جلست عليها الى هنا والامور تمام
وجا دوري بالرقص ورقصت انا وخوات زوجي
وسرينا من الزواج وسالني زوجي شفتي فلانه الي هي ام عياله قلت لا ماشفتها. بس خواتك يقلن انها على طاوله بالجهه الثانيه وماشفتها بيننا الممر وانها هي باقصى القاعه هي واختها يمكن هن شافني بما اني رقصت لكن انا ماشفتهن وسكتنا ونمنا ذيك الليله
وافطرنا من بكرى وطلع وشوي ويجي الا متغير
وش بك يافلان تعبان ولا تحس بشي قال لا
وتغدينا وبعد الغدا قال ترى مافي روحه لعرس خالي الاسبوع الي جاي قلت على راحتك
قال انا راحتي انك تجتمعن وتسلمن على بعض وانا جبتها لحد عندك ببيتك وسلمت عليك
قال هي تقول انها بس تمرمر من ب الممر وتروقص بالمنصه ولا سلمت علي
قلت انا ماشفتها حنا كلنا مجتمعين الا هي واختها باقصى القاعه وهن مايبن احد ماجن على طاولتنا علشان انا موجوده فيها
وانا حاطه ببالي مااراح ادورها دام ماشفتها. على طريقي
قال خلاص مافي روحات لل مناسبات قلت مايمهني رحت او لا لكن يهمني المبدا انه يحشرني علشانها
وهي اساسا مادقت الصبح تحرش زوجي علي الا من الغيره والقهر لاني كاشخه اخر شي ولابسه ذهب وحاطه ميكب روعه وشعري طويل ولله الحمد
انا اقولكن هالكلام لاني مقدره غيرتها مني لكن مو تروح تشيش زوجي علي مدام ماغلطت بشي ماحد له حق يحاسبن على شي انا ارقص وامشي بالممر على كيفي محد له حق يحاسبني
المهم انتن وش رايكن