السلام عليكم ورحمة الله وبركاته
هذا يا طويلات العمر
كان عند احدى قريباتي زواج....وحبينا نساهم معها لو بشي بسيط
ونعيش هاللحظات الحلوه سوا وتبقى ذكريات حلوه
اخذنا عدتنا ورحنا عندهم وماخذت اكثر من ساعتين مع السوالف والشاهي والقهوة..خلصنا سلة التوزيعات
وطبعآ هذي تنفع للي تحب تقتصد في هالامور
اللي نحتاجة
1- قماش تل ابيض ناعم ,,لاني عملت سلتين اخذت اربع امتار تقربآ (المتر بـ 5 ريال)
2- تل ابيض لماع خشن .. (المتر بـ 10 ريال)
3-شريطه بيضاء ساتان عريضه
4-غصن ورد << من محلات الخردة او من ابو ريالين
5- اي قطع قماش عندك ماتحتاجيهم
انا كان عندي تل احمر ناعم...وكان على لون فستان اخت العريس اللي بتشيل السله
6- مسدس والصمغ بكمبة كبيره الى حد ما
7-اي سلة قديمة عندك يمشي حالها
8- مقص
/
/
الطريقه:
افرش قماش التل اللماع الخشن وحط السلة على طرف القماش..عشان ارضية السلة من برا ابيها تتغطى
امسك طرف قماش التل والزقه بـ طرف السلة من الداخل ..
واعمل ثنيات من الخارج داير مادار السلة
/
بعدين اجيب الشريط الساتان واعمل ثنيات ..وبرضه داير مادار السلة
/
/
بعدين جيبت غصن الورد مثل ماهو ..ولزقته من جهة وحده ..
طبعآ الغصن بيكون طويل ماقصيته خليته ..لاني بحتاجه
/
/
والباقي من القماش التل الخشن حشيت به السلة من الداخل
/
/
اخذت قماش التل الناعم (4 امتار) وقصيته بالنص صار مترين مترين حق سلتين
اخذت منه مترين فردته ومسكت جزئية بسيطة من الزاوية ولفيتها بشكل دائري ونفشت القماش
على اساس يعطي شكل ورده
ولزقت زاويه القماش بطرف السله ..وحطيت وسطها ورده او وردتين..
وطرف القماش لفيته على غصن الورد..مو انا قلت لكم ماراح اقصه عشان هالشغلة
وصاير باقي القماش طايح
ويمكن تلاحظون الغصن كيف شايل القماش
يتبــع إن شاءلله
/
/
نجي عن قطع التل الاحمر قصيت منه قطع على شكل مستطيلات صغار
/
/
عملت منها فيونكات وربطتها بتيب اخضر قصيته من غصن الورد اللي تغطى بالتل الابيض
ههههههه محد يشوف :p
/
/
وبعدين لزقتها باطراف التل الابيض اللي طايح مسدول من زاوية السلة
وكذا كانت النتيجة..
طبعآ السلة احتجناها لتوزيعة الدهن والبخور ورقصنا فيها :42:
ياخسسسارة ليتني صورتها وهي مليانه ..لكن مع رجة الزواج نسيت
و تنفع للحلويات كمان ..تحطي صحن الحلويات زي ماهوه وتغطي اطرافه بالتل
واخيرآ اعتذر اذا التصوير مش واضح
المكان كان مليان حريم ويالله قدرت اخذ كم صورة من بين هالحوسه اللي كانت موجوده
يارب قدرت افيدكم ..وبذات للي حابة تقتصد في مثل هالامور بزواجها
للجميع :26:
/
حفظي عيالك هذا الدعاء..ولك اجر كل ماذكرة..طول حياته الجايه وعمره الباقي :27:
قال الرسول صلًّ الله عليه وسلم
من أكل طعاماً ثم قال
( الحمد لله الذي أطعمني هذا الطعام ورزقنيه من غير حول مني ولاقوة غُفر لهُ ماتقدم من ذنبه)
/
:26:
اختي:
حملي بجوالك اذكار النوم
اضغطي هنا
وتوضي قبل تنامين
قال رسول الله
صلى الله عليه و سلم
من بات طاهراً بات في شعاره ملك .
فلم يستيقظ إلا قال الملك .
'اللهم اغفرلعبدك فلان فإنه بات طاهراً'
رواه الطبراني
وقال صلى الله عليه وسلم : مَا مِنْ مُسْلِمٍ يَبيتُ عَلَى ذِكْرٍ طَاهِراً فَيَتَعَـارّ مِنَ الّليْلِ ، فَيَسْأَلُ الله خَيْراً مِنَ الدّنْيَا وَالآخِرَةِ إِلاّ أَعْطَـاهُ إِيّـاهُ . رواه الإمام أحمد وأبو داود ، وهو حديث صحيح .