قبل الزواج كانت لي علاااااااااقات وااااااااااايدة بليييييز ساعدوني

السلام عليكم

شلونكم خواتي عساكم بخير :)

بصراحة أنا ترددت واااااااااايد قبل لا أكتب مشكلتي بس بالفعل أنا مليييييييييت من الوضع وأبي أرجع مثل أول وأعيش لنفسي شوي ومشكلتي أني ما أقدر أفضض لأحد حتى خواتي أحس صعبة أتكلم عن شي يخص زوجي وممكن يشوه صورته في نظرهم فقلت مالي الا خواتي بنات حواء أكيد ما راح يبخلون علي بالمساعدة والرأي الصائب


السالفة ومافيها إني كنت قبل زواجي اجتماعية درجة أولى وعندي صديقااااااااااات ما شاء الله ولله الحمد والمنة أنا من النوع المحبوب وكنت ما أترك مناسبة ولا طلعات الشلة واذا كنت في البيت فسماعة التلفون طول الوقت مع رفيجاتي

بعد الزواج صار زوجي يتضايق من مكالمات التلفون وكل ما تتصل على وحدة يتنرفز ويسوي لي حركة أن خلصي بسرعة وأنا أكره هذا الاسلوب حتى الأول كنت أهاوش اخواني لمن يوقفون على راسي يبون التلفون
المهم ومنعا للاحراج صرت ما ارد ع التلفون وهو موجود أو أتعذر بس للأمانة لما كنت أقوله أبي أزور رفيجاتي أو أسوي واجب كان يوديني ما يقول شي

المهم بعد سنة صرت أم والمسؤولية زادت على راسي كنت أطلع مع رفيجاتي مرة وأطنش مرات كان لازم عشان أوفر جو مريح وسكن نظيف ومرتب اني أنسى نفسي وبالفعل مرت السنين ولقيت نفسي ما أشوف ربعي ولا أكلمهم الا في المناسبات وحتى هم في البداية كانوا حريصين على الاتصال بي وبعدين ملوا الموضوع

والمشكلة أن زوجي من النوع الاجتماعي وله انشطة اجتماعية ويعرف من كل ديرة ماشاء الله
وبحكم وضعه فهو ما يجلس بالبيت كثير
مرات كنت أهاوشه وأقوله مليت من كوني خادمة وزوجة تستنى زوجها متى يرد عشان تقوم بواجبه
ساعات يعتذر ومرة قالي شسوي لج اذا ما عندج ربع !!

عبارته هذي حزت في نفسي وااااااايد يمكن قاله في حزة زعل بس هو يعرف تماما شنو اللي وصلني لهذا الوضع


المهم قررت اني ارجع لسابق عهدي وأروح ,اجي وأعيش حياتي بس شفت المسألة صعبة اذا طلعت معنى كذا شغل البيت راح يتعطل
واذا خلصت شغلي وطلعت عيالي ما يقصرون راح يخلى لهم الجو بغيابي فيسووون الشقة مزبلة تكرمون
فشلون أوفق بين شغل البيت وأولادي والطلعة ؟؟؟
أنتوا يالاجتماعيات وماعندكم شغالات شلون توفقون ؟؟؟

تدرون أنا حتى النت ما يمديني أكتب وأشارك لأن عيالي يحولون الشقة الى خرابة في الوقت اللي ماشاء الله أشوف معظم اللي في المنتديات ستات بيت وقايمين بواجبهم على اتم وجه وفارضين وجودهم في المنتدى شلوووووووووووووون علموووووووووني ؟؟؟


المهم المشكلة الثانية تتعلق بالأولى بس رجاء لحد يفهمني أني أحب المظاهر بس أنا أحب الجمال والترتيب والكماليات أحسها تخلق جو غير في البيت

وانا عايشة في شقة ضيقة صارت مهترئة عدمانة وزوجي الله يسامحه مو راضي نطلع منها
هي لواحد قريبه وعاطنه وياها بنص ايجار
حاولت معاه بشتى الطرق نشوف لنا شقة نظيفة جيته بالطيب بالغصب بالتوسل بس مافيه فايدة يقول أنا ما أطلع منها الى لبيت ملك وأحنا الله العالم حتى أرض ماعندنا وصحيح راتبه ماشاء بس ما يعرف يحوش منه شي لذلك احنا على هالحال من 14 سنة زواج

قلت له طيب نصبغ الشقة ونغير الحمامات تكرمون ونسوي لنا مخزن لأن أغراضي مكدسة مو لاقية لها مكان فرفض وقال لي أنا مالي خلق وجع الراس شلون أرمم الشقة وأحنا عايشين فيها ومليانة أغراض
المهم أنه مو فاضي وأنا حتى أثاثنا مو طايقة أغيره كل ما شفت الجدران مقشرة والأبواب مكسرة :(


فكيف الواحد يقدر يستقبل الناس في بيته وهو بهالوضع بصراحة فشلة مو حلوة بحقي ولا بحقه وخصوصا أنه زي ما قلت لكم وضعه الاجتماعي والمادي ماشاء الله

والقهر والله ما أناظر الناس بس أحس بحسرة أن أهله وقرايبه كلهم عايشين في قصور ماشاء الله كل فترة وغيروا الديكورات والأثاث
مو بس أهله حتي أهلي ومعارفي

فشلوووون أقنعه أنه يأجر لنا شقة ثانية واسعة ونظيفة بليييييييييييييز شوروا علي أدري طولت عليكم بس أنا نفسيتي تعبانة ولو بيدي آخد عيالي وأحرق الشقة باللي فيها


ادري صدروكم واسعة خواتي فلا تبخلوا علي بالنصيحة جزاكم الله ألف خير في الدنيا والآخرة وسلااااااااامتكم