قبل الزواج وش كانت احلامك ..وهل حققتي شي منها ...؟؟
كل وحده فينا كانت تظن العرس هو المنفذ الوحيد لكل شي
انا مثلا كنت احب ارسم وكانت امي الله يعطيها طوله العمر تقولي تعلمي طبخ احسن من الرسم :(
واخواني الله يهديهم ماكانوا يريحوني ارسم ازعاج......
((كنت اقول في بالي متى اتزوج واسكن بيت بلحالي وافضي لي غرفه كلها الوان واسوي لي مرسم وش زينه ويدخل على زوجي وانا ملطخه بالالوان ويجي من ورى ويمدح رسمي))<<خيال:42:
وكنت بعد احب اسافر كثير وشفت فلم مدري وشو يقولها غمضي ويحط قدامها الكره الارضيه ويخليها تدور ويقول حطي يدك ..وتحط يدها اطلعت قال الا نروح هالبلد عاد انا اقول بالي بسولف لزوجي اذا اعرست بهالسالفه يمكن يغار منه ويسوي حركات ازين
وه بس كانت حياتنا احلام
وتفاجئت عقبها بالزواج
والحين افكر وين احط خلاقينا واغراضنا بلا مرسم ولاهم اصلا ماعاد اعرف شلون امسك الريشه الشقه 2سم*2سم يالله القى مكان انام فيه اذا زعلت مع زوجي الله يالدنيا بس
اقول ليتني تعلمت الطبخ لان الرجال مايقدر الفن وخساره متزوج فنانه ولاهو مهتم
والسفر ماعاد هو بالي ابد ..ان قلت اسافر طلعت الف شي ضروري غير السفر اااه ياحلامي
اتذكر احلامي قبل وش كنت اقوطر برائه ياقلبي ماكنت اعرف صخره الواقع تعور
وكنت احسب اذا تدلعت خلاص ماعاد يقدر يرفض لي طلب خخخخخخخخخخخ يازين احلامي بس
يلا كل وحده تتحفنا وش الفكره اللي كانت ملازمتها اذا تزوجت وانصدمت زيي
وش كانت تظن الزواج:26:
ام لين ولانا @am_lyn_olana
محررة برونزية
يلزم عليك تسجيل الدخول أولًا لكتابة تعليق.
ام لين ولانا
•
الله لايجيب الهم حبيبتي وسعي صدرك :26:
نونو.كوم
•
ههه احلامي كاانت من كثرهاا لاتوصف ولااكن لم يتحقق منها شي عداا لحظه الزفه ويووم الزواج فقط لاكن الحمدلله
همسه فجر
•
اه يا ام لين دستي على الجرح بقوة بالنسبه لاحلامي الورديه اللي صارت سراب اول حلم لي اني اكمل الجامعه وحملت من اول شهر وصار يتعذر بالحمل وحرام انا حاس فيك كيف تتعبين نفسك وقدمت اعتذار وولدت وصار يتعذر بالولد كيف ماعندك قلب تتركي ولدك للشغاله وووووبعدين تبين تدرسين كملي في بيت اهلك,,,,,,,,,
وثاني سراب كنت اتملل في بيت اهلي واقول متى اتزوج ولف الدنيا الحين يا دوب اشوف الشارع واذا شفته اموت من الفرح لان زوجي مجنون عمل يعشقه وبالنسبه لي كنه ضرتي
وياكثر احلامي اللي سارت مع الايام وهم وسراب بس الحمد لله اللي يقتنع بحياته راح يحس انها جنته
والله يحفظ ازواجنا ويسخرهم لنا
اامين
وثاني سراب كنت اتملل في بيت اهلي واقول متى اتزوج ولف الدنيا الحين يا دوب اشوف الشارع واذا شفته اموت من الفرح لان زوجي مجنون عمل يعشقه وبالنسبه لي كنه ضرتي
وياكثر احلامي اللي سارت مع الايام وهم وسراب بس الحمد لله اللي يقتنع بحياته راح يحس انها جنته
والله يحفظ ازواجنا ويسخرهم لنا
اامين
الصفحة الأخيرة