بنات انا ابي زوجي يحس بغلطة وفكرت اكتبة له هذا الشعر برساله وش رايكم تكفون عطوني ارائكم قبل الساعه 6 الصبح . بكتب لك مـع ابياتـي كـلام مشفـرٍ تشفيـر ...
لعلـك تفهـم المعنـى ورمـزٍ صاغـه السانـي
انا اللي عاشقه خلٍ عشق غيـري بـلا تقديـر ...
تمنيتـه وهـو ناسـي واحسـب انــه تمنـانـي
سقاني كاس بيدينه طلع كاس الهـوى تخديـر ...
احسبـي مالكـه قلبـه وهـو مـع واحـدٍ ثانـي
انا نفسي على الذله تعاف الزين لو هـو غيـر ..
واباطـا قلـبـي برجـلـي إذا إنــه تحـدانـي
أنا أبنسى عنا الماضـي وأبرحـل دونمـا تبريـر
عسـى الله يسعـد أيـام العزيـز اللـي تمنانـي
تبي تدري وش القصه , وش المعنى , وش التفسير
وش اللي سهّر عيوني وخـلا النـوم مـا جانـي
وش اللي كسّر الخاطر كسـورٍ مـا لهـن تجبيـر
وش اللي أرخص دموعي بجـوف الليـل بكانـي
أبرسل لك مـع ابياتـي علامـاتٍ بهـن تبصيـر
وابوصف لك معالم جرح ينـزف وسـط وجدانـي
ابرسـم لـك شظايـا خافـقٍ متكسـرٍ تكسـيـر
وابنظم لك قوافـي شعـر فيهـا قصـة احزانـي
وابكتب قصتي معها عـذر وارفـع لـك التقريـر
انـا المظلـوم لكنـي بمفهومـك انـا الجـانـي
أنا شفتك على دربي ومن اجلـك عكسـت السيـر
وانا مـدري وش اللـي يـم ذاك الـدرب ودانـي
لمحت اسمك مثل نجمٍ على نـوره يطيـر الطيـر
وانا من يوم شفت اسمك فرحت وجيت لك عانـي
تقابلنـا انـا وانتـه علـى صفحـه بهـا تسطيـر
تهلي بـي مـن اولهـا وبآخـر سطـر تجفانـي
لقيتـك تنتظـر غيـري حقيقـه مابهـا تـزويـر
وانا اللي كنت اظن انك علـى الصفحـه تحرانـي
تعيش الحلم مع صوره علـى التصغيـر والتكبيـر
تعـزي قلبـك العاشـق وفيـك القلـب عـزانـي
سبحت بداخل اعماقـك وغصـت بغبـة التفكيـر
ولاتحسـب هواجيسـك مـع اللـي راح تخفانـي
حملت المسك باليمنـى وباليسـرى نفخـت الكيـر
تـداوي جـرحٍ بقلبـي وتفتـق جـرحٍ أشقـانـي
بخفـي جرحـك الدامـي وابدفـن سرنـا بالبيـر
وابنثـر ذكرياتـك شعـر للهاجــس تغشـانـي
واذا نادمت هاجوسـي ابذكـر عشرتـك بالخيـر
وابدعي لك إذا هب الجنـوب وهيـض اشجانـي
عسى دومٍ معك يمشـي رفيـق بدربـك التيسيـر
وأنـا ماضيـع مـن بعـدك ولـي رب تولانـي
أنا يا صاحبي برحـل وسامحنـي عـن التقصيـر
أنا نفسـي تعـاف الزيـن إذا مـا كـان يبغانـي
وتبي أفرز لك المعنى على الصافـي بـلا تكثيـر
واسّبِك صافـي المعنـى بقالـب بيـت وحدانـي
خلاص الوقت علمني حفظـت الـدرس بالتكريـر
نصيحه لا تجـي وان جيـت مـا ظنيـت تلقانـي :44::44::44::44::44::44::44:
مس بسووم @ms_bsoom
عضوة نشيطة
يلزم عليك تسجيل الدخول أولًا لكتابة تعليق.
فرح نواف
•
اللي فهمته انه خاينك ؟؟؟
فرح نواف
•
شووفي الرجال يحسون بغلطهم بس احنا رجالنا مو من النوعيه اللي يجي ويعترف لا يمشي الوضع ويعتذر بطريقه ثانيه بس مستحيل يجي يقول اسف ): بس اعتذااره بطرررريقه ثانيه
اكتبين لزوجك شعر هذا طوله في مسج حتى يعرف غلطته ..!؟
مبالغ فيه، لأن القصيدة تخص عدم تقدير ماتكون بين المحبين ابدددد
فنصيحة تخيري ابياتك افضل من كذا
والله يوفقك
مبالغ فيه، لأن القصيدة تخص عدم تقدير ماتكون بين المحبين ابدددد
فنصيحة تخيري ابياتك افضل من كذا
والله يوفقك
الصفحة الأخيرة