قبل العزومة بيومين ايش خطواتكم لتكون الاطباق يم يمي وانتي وبيتك تلمعون

اول يوم نظفي البيت كامل
وثاني يوم راح يكون لتجهيز الاكل القابل للتفريز
مثل اللحم والدجاج الصاج وبعض الفطاير وتتبيله البروستد
وبعض انواع الحلى

حبيبتي الله يعينج

شوفي اول يوم نظفي المطبخ خليه يلق وكامل البيت
ثاني يوم سوي الحلى كله جهزي البيالات والكاست وقلبيهم على صينية
سوي السلطات بس بدون الطماطم والتتبيلة
جهزي العصير وخليه يبرد بالثلاجة

اذا بتطبخي بالبيت
افرمي البصل وغلفيه بنايلون حتى ما تطلع ريحته
قطعي الخضروات واغمريهم بالماي
الدجاج لو اللحم نظفيه وقطعيه وغلفيه بنايلون
واذا مشوي تبليه وغلفيه

يوم العزومة عيدي مسح خفيف على البيت
جهزي الاكل والطماطم والتتبيلات
وبيكون عندج مجال وايد وما تتعبين

موفقة

ربي يبيض وجهك امين
نظفي البيت كامل مسح وترييب
نظفي الدجاج واللحم واحفظيهم بالثلاجة
جهزي الحلويات والسلطات قبل بليلة
ثاني يوم كل شي جاهز فقط تطبيق الاكلة
المعجنات والسمبوسة قبل بيوم جهزيها واحفيها بالبراد
ولاتنسي تصوير العزيمة لنا

الله يعينك وان شاء الله كل شي يكون تمام وماتتعبين فيه
اول يوم نظفي البيت وجهزي الكاسات والفناجيل وكل صحون التقديم اللي بتستخدمينها كأن العزيمة اليوم حتى التقديم بعد العشا والفاين المعطر وكلش جهزيه وخليه على جنب وثاني يوم جهزي الحلا اللي تحتاجينه وبالثلاجة وغسلي الخضار للسلطة او الطبخ عشان تكون جاهزة ثاني يوم والبصل افرميه وبالفريزر و ابدي بنفس يوم العزيمة بدري عشان يمديك قبل صلاة العشا بشوي يكون كل شي جاهز او على وشك وتقدرين تجهزين نفسك وتستقبلين ضيوفك والله يوفقك

ما شاء الله لا قوة الا بالله

كثيييييييييير استفدت من ردودكم الرائعة حبيباتي وبالفعل اليوم بدات بالتنظيف

الي عنده اي اضافه تفيدني