السلام عليكم و رحمة الله و بركاته
بنات أنا عضوه بحواء من سنة جدّي كانت لي عضويه قديييمه مررره ما اتذكر ايميلها و كلمة مرورها
عضويتي كانت للمتابعه فقط ما كنت أشارك و استفدت كثير للـأمانه
و رغم إني سجلت عضويه جديده أحاول أفيد ماش عجّـااازه اتكاسل أكتب
المهم
أمس قررت إني أرد بعض الجمايل
ابيكم حولي و تطبقون اوعدوني ابي أشوف حماااس و تفاعل عشان ما يكون أول و آخر موضوع 😝
موضوعي ذا بإذن الله راح يخلصكم من مشاكل البشره بنسبه لا تقل عن 70% بشرط تمشون ع اللي بقوله بالحرف الواحد
كلكم تعرفون إن مشاكل البشره و الشعر داخليه خارجيه أنا بختصر لكم الحلول قد ما أقدر من غير تفصيل عشان ما أطولها و هي قصيره
أول شيء اللي ما تشرب مويه أقل شيء 8 أكواب يومياً تبدا تشرب مويه و إلا تعتبر نفسها عجوز و تصف على جنب ( خارج نطاق التغطيه )
المويه شرط أساسي غير قابل للنقاش
ثاني شيء التغذيه اهتموا بتغذيتكم نوعوا بأكلكم احرصوا ع الطبيعي قاطعوا الوجبات السريعه و ابتعدوا عن كثرة الزيوت و السكريات و الغازيات
و قللوا من الكافيين الموجود في القهوه و الشاي و الشوكولاته و المشروبات الغازيه
و عندكم مشروبات ساخنه تساعد على حرق الدهون و مفيده لصحة الجسم مثل شاي القرفه و شاي الكركم و غيرهم اعتمدوها من وقت لوقت
نجي للبشره و عقدتنا الأزليه غالبيتنا نعاني من السيلوليت و التشققات بنسبه تختلف من وحده لوحده
انا كنت متحطمه من هالشغلتين بس صدقوني يبغالكم مع النظام الغذائي عنايه و تتخلصون منهم بشكل تدريجي
بقولكم السر
الترطيب + التقشير + المعالجه
أحس كم وحده بيصفقوني ما جبت جديد صبركم علي
بالنسبه للترطيب اختاري لك مرطب اي نوع يناسب بشرتك و استخدميه بشكل يومي أو ع الأقل يوم عن يوم
اقترح عليكم جرجنز ترطيب يومي بس أكرر مو شرط اي مرطب يناسبك استخدميه
أما المعالجه
ممكن كثير منكم سمعوا عن مقشر فرانك هالمقشر يحتوي ع بودرة القهوه المحمصه و الكاكاو و السكر البني و بودرة القرفه و زيوت مرطبه و معطره مثل زيت الزيتون، زيت جوز الهند و زيت البرتقال ممكن فيه إضافات غير بس هذي أهم المكونات
تقدرين تسوين هالمقشر في مطبخك يعني مو شغله تعجيزيه
و استخدميه مره مرتين في الأسبوع و استمتعي بنتائجه المستقبليه
بس يا بنات قبل انسى الله يجزاكم خير المقشر اللي من هالنوع أو اي خلطه فيها مواد من مطبخك ابراء للذمه لا تستخدموها في دورات المياه
نجي للتقشير و هذا الأهم بالنسبه لي
تعرفون إن البشره بطبيعتها تتجدد و إن الجلد بإستمرار تتكون على سطحه خلايا ميته لازم نتخلص منها
ما أخفيكم كنت أعاني مع الحمام المغربي و يضيع وقتي ع الصابون و الفرك و كل مره شاريه قلفز تقشير
من فتره حصلت شغله في النت و طلبتها من حساب في انستقرام و جربتها و من بعدها تركت الحمام المغربي
هي أداه تشبه الشفره تزيل طبقة الجلد الميت بس ما تشيل الشعر
هذا شكلها
استخدمها بعد البخار او بعد ما استحم بمويه دافيه و اكمل روتين استحمامي عادي
هالأداه تنظف من قلب و تعطي نعووووووووومه عجيبه ودك بس تلمسين بشرتك
و بعد فتره من الاستخدام تحسون البشره أحسن من قبل بدرجااات
خلصنا من البشره نجي للشعر ما عندي نظام طويل عريض اقدر اقولكم حمام الزيت كافي بس نوعية الزيت هي اللي تأثر ع الشعر
سووا لكم خلطة زيوت خاصه فيكم حسب ما يناسب نوعية شعوركم
عندكم زيت جوز الهند ينعم و يطول و يعطي لمعه و يقولون يسود الشعر بس ما لاحظت سواد
و زيت الخروع هذا معجزة تطويل الشعر اللي تبي شعرها يطول تخلطه مع زيوتها المفضله
زيت الزيتون و هل يخفى القمر يكفي إنه مذكور في الحديث
زيت السمسم و زيت الذره ينعمون الشعر
و كثير زيوت لها فوائد ابحثوا عنها
المهم في موضوع الزيوت انك تختارين الزيوت اللي تناسبك حسب حاجة شعرك و يعتمد الاختيار على نوعية شعرك
و أقل شيء تسوين حمام زيت لشعرك مرتين في الاسبوع
في نقطه مهمه دام الله هداني و نزلت موضوع بتكلم عنها
الأقدام يا بنات يا أقدامنا آخر اهتمامنا ليييش ؟!
ودي تهتمون برجولكم قبل خششكم ههههههههه امزح
لا جد لا تهملون الرجول أحس ما تكتمل انوثة المرأه و رجلها نفس خف البعير
اشتروا جوارب مخصصه للرجول و رطبوها يوميا و قشروها
شايفين الأداه اللي قلت لكم لتقشير البشره تنفع لتقشير الرجول بعد ما تنقعوها في مويه دافيه
ما أدري اذا باقي شيء مهم نسيت أقوله
اعذروني موضوعي سايح على بعضه بس زين اني تلحلحت و نزلت موضوع
و زي ما قلت لكم في البدايه ابي اهتمام و تنافس ابي اشيك ع الموضوع بعد فتره احصل تجارب واقعيه لبنات تحسنت بشرتهم بنسبة 90%
اوعدوني و بنفس الوقت ادعوا لي بأطيب الدعوات
الله يوفقنا وياكم لكل خير
الله ييسععدك ويخليك يارب