قبل الوقع في الرذيله

السلام عليكم اخواتي

انا محتاره وابغى تساعدوني لاني مو قادره اتصرف في هذي المشكله

شوفوا انا امي وابوي متوفين وكل اخواتي متزوجات يعني مافي البيت الا انا وولدين يدرسون بالكليه وهم مقربين لي يشكون لي امورهم وقايمه بدور الام لهم بالرغم من دراستي بالكليه لكن مرة فتره انشغلت عنهم والان اكتشفت ان اخوي يكلم بنت بالتلفون والبنت ترسل له رسائل حب يعني اكيد هو يبادلها بنفس الرسائل وهو اشوفه يقول لي دوري لي بنت حبابه وماتكلم انه يبي بنت معينه على شان اخمن انه علاقته بهذي البنت تنتهي بارتباط من هذي البنت وخايفه يكون يتسلى مثل هذول الشباب والبنت مو هاينه علي حتى لو كانت بنت مو محافظه والله قلبي تفتفت عليها تخيلت نفسي مكانها وانهارت اعصابي لان احنا عائله محافظه ومارضى بهذا التصرف حتى لو من اخوي يعني لو بيتزوجها اوكى نبلع السالفه شوي واحس البنت رسائلها بريئه وانها تحبه تتوقعون يبغاها او يتسلى ويرميها
خايفه اذا لعب عليها تدور الايام ويصير لي زيها الله يخليكم علموني كيف افاتحه بالموضوع وكيف اخبره اني اعرف بعلاقته لان هو عصبي واخاف يهاوش ولا يعترف ومابي ادخل اخواني بالموضوع مابي اهز شخصيته قدامهم
والله منقهره على امي وابوي الطيبين الطاهرين بعد وفاتهم يطلع ولدهم يكلم بنت

ارجوكم ساعدوني