شوفي عزيزتي

حاولي ترتبي كل يوووم شي مثلا ابدي بترتيب أهم شي شنطة المستشفى

ورتبي الاشياء الظاهره للناس
مثل مجلس الحريم وحمامه وسكري عليه وحطي على الطاولات سماط او اي شي عشان مايغبر

وبعدها الصاله
والمطبخ اذا فيه أحد بيدخله
الاشياء المغبره واللي مراح أحد يدخلها قفلي عليها وخليها بعدين على الراحه
حمامات البيت وأنتي بكرامه غسليهم وقفليهم وحاولي ماتستخدمين الا حمام واحد
لاتتعبي نفسك في الطبخ عشان ماتجهدين نفسك
حاولي ماتطلعين لاأحد حتى اهلك عشان يكوون الوقت في صالحك
جهزي اغراض البيبي كلها عندك

وتقومين بالسلامه
بس لو كنا نعرف هل بتكونين في الاربعين فين؟وبيتك وش كبره ومن بيدخله في الاربعين عرفنا نساعدك...

بس لو كنا نعرف هل بتكونين في الاربعين فين؟وبيتك وش كبره ومن بيدخله في الاربعين عرفنا نساعدك...
مشكوره اختي طوق الياسمين ولكل من شارك الشكر
بس لو كنا نعرف هل بتكونين في الاربعين فين عند الأهل ان شاء الله
؟وبيتك وش كبره والله ماعليه صاله مطبخ 3مجالس 2 دورة مياه وغير الأسور
ومن بيدخله في الاربعين
هذي المشكلةيمكن احد من خواته يبغون ينظفون ويمكن محد يدخله

اها اذا انتي في الاربعين عند اهلك
حرام تنظفيه ويتوووسخ

الغبار خليه مش مهم المهم ترتيب الاغراض مثل المطبخ وغرفة العيال ماتكووون حوووسه
وغرفتك

والغبره عادي ممكن تنظفيه وترجع تتغبر ثانيه
وأنتي اذا مانظفتي الغبره عادي ممكن يقولون نظفت بس رجع اتوسخ...

والله ياعزيزتي الحال من بعضه

انا اللحين بالاسبوع 39 ومع ذلك اصبر واجي على نفسي وارتب كل يوم شي

والحمدلله اللحين نفسيتي مرتاحه لانو بيتي نظييف

وفي اي وقت تجي الولاده انا مستعده لانو مااحب حد يدخل بيتي بعدي وهو وسخ

السلام عليكم ورحمة الله وبركاته


الله يهون عليك ويقومك بالسلامه

انا بكل ولادتي انظف بيتي بنفسي قبل اولد لأني نفس وضعك مقد استعين باحد

لكن اهم شي استعيني بالله وماراح تحتاجين لغيره

وانا بقولك على نظامي بالتنظيف

اول شي ابدئي بالمطبخ نظفي الدواليب ورتبي المواعين ومسحيه زين

ونظفي الثلاجه والفريزير ومسحيهم

واحمسي بن واطحني كميه منه وحطيها بعلبه بالفريزر

وجهزي كل شي للتقديم وحطيه بدولاب لحاله عشان يكون سهل الوصول له عند الحاجه

لأنك لو ولدتي ببيتك اكيد احد راح يدخل المطبخ مدام ماعندك شغاله

ولو ولدتي عند اهلك اكيييد زوجك راح يحتاج يدخل المطبخ ومهي حلوه يلقاه حايس


باقي البيت يعتمد على مكان ولاتك :

اذا ببيتك :

ابدئي بغرفة الاستقبال والمجلس وحمماماتهم

وبعد ماتخلصينهم رتبي باقي البيت على راحتك

واذا بتولدين عند اهلك :

ابدئي بمجلس الرجال لأن ممكن يجون ضيوف لزوجك وانتي منتي موجود

وبعدها رتبي غرفة النوم ودولاب زوجك وبخريه عشان لافتحه وانتي منتي موجوده يدعيلك

ورتبي اغراضه وخليها بمكان واضح " اقلامه وكبكاته وشراريبه " وكل شي يحتاجه باستمرار عشان لاحتاجها يلقاها

هذي اولوياتي بالتنظيف والباقي ارتبه على مهلي

وداي اأجل ترتيب دولابي لبعد الولاده لأني اشيل ملابس الحمل وارتب الملابس اللي تناسبني بعد الولاده

والله يقومك بالسلامه ياقمر