قبل اي عزومه تسوينها <<<<<<

بسم الله الرحمن الرحيم
اولا : احب اشكر الاخت كرزايه طعمه لانها الهمتني اكتب هذا الموضوع
ليه كتبته لاني اشوف ناس كثيره تعرف تعزم وتكرم وتطبخ...........................................................................................................
...........................................
................................
...............
لكن ماتعرف وين تودي الاكل بعد العزيمه او كيف تصرفه
تغسل يديها وتطير للضيوف تجلس معهم وتترك باقي الاكل للشغالات هم يصرفونه على كيفهم وبالنهايه الشغاله تبي تخلص بسرعه وتريح فتكون نهايه الا كل بالزباله والله المستعان

طيب الحين بتقولون كيف نصرف باقي الاكل والاكل الملمس ....مانقبله! صح حتى انا والله مثلكم ما اقبله
لكن قبل العزيمه اللي انا بسويها افكر بفائض الاكل اللي بيطلع معنا فأجهز التالي:

صحون قصدير بغطاء
صحون بلاستيك عاديه
اكياس
حافظات طعام بغطاء للثلاجه
والان نجي للشغل الصح
1/خلصت العزيمه واكلتو وشبعتو بالعافيه على طول جيبي معك كيس واجلسي عالسفره وفرغي بقايا الاكل من صحون الغرف بكيس وعطيه الشغاله تنشره بالشارع جنب الله يعزكم حاويه القمامه لانها مكان تجمع القطط والله ان تلقونه بعد ساعه ممسوح
2/نجي للباقي اللي بالصواني لسا ما احد لمسه ونقسمه لغدانا بكره بحافظات الثلاجه اللي بغطاء والزايد نقسمه بصحون قصدير ونعطيه اللي نمون عليهم من ضيوفنامن سلطات ورز ولحم وصواني ومعجنات
3/الرز واللحم الفائض وانتم عارفين عاداتنا يالسعوديين دائما مانقدم اكثر من حاجة الضيف واقلها ذبيحه خذي الرز النظيف واللحم وحطيها بقدر بالفريزر ومتى ما اشتهيتها بكره ولا بعده سخنو الرز بنفس القدر على النار مع اضافه بياله ماء واللحم حطي عليه تتبيله ودخليه الفرن من تحت وشوي من فوق والله ولا احلى
وباقي الرز بصحون الضيوف انشريه بحوش بيتك وياكلونه الحمام والعصافير من بكره كله واذا ما عندك حوش فرزنيه وبعدين وديه معك لحوش اهلك وانشريه
4/ حلويات السفره خذي قطع بسيطه لكم بكره وحطيها بالثلاجه والباقي لضيوفك قسميها بصحون قصدير ووزعيها عليهم
5/حلويات القهوه خذي حاجتك منها والباقي وزعيه بصحون يلاستك ووزعيها على ضيوفك
6/الديكوريشن اللي فوق صحون السلطه جمعيه بعلبه بالثلاجه ومن بكره غسليها ونشفيها واستخدميها للسلطه
7/القهوه اذا هي زايده على طول قبل لا تبرد فرغيها بالدله اللي طبختي فيها القهوه ودخليها بالثلاجه ومن بكره سخنيها على نار هاديه والله ولا احلى ولا يتغير طعمها

والحمد لله وبكذا تكونين ريحتي ضميرك واديتي اللي عليك واكرمتي ضيوفك من غير بذخ او اسراف
واتمني اني اكون ما اطلت عليكم