قبل تبدا المسابقه الصيفيه ردو علي بسرعه,, اسئله مهمه

السلام عليكم ورحمة الله وبركاته


المسابقه الصيفيه بتبدا بعد يومين وعندي استفسارات قبل ابلش فيها وانا عارفه انكم اجوديات وماراح تردوني وانا داخله على الله ثم عليكم <----- داخله ديوانيه الاخت :42:


وزني 63 وكان 62 لاني اكل واجد هاليومين بتهنا شوي بالاكل قبل الحرمان وابي انزل بس 10 كيلو <---- ابد مو طماعه :hahaha:

وقدامي شهر ونص عشان انزل

عندي جم سؤال بس ابي اجابه وتكون من ناس مجربين

1- شرايكم بالحبوب الصينيه لقطع الشهيه ؟؟ هل تؤثر على المخ وتدوخ ؟ عل فيها بيوض الدود اللي ياكل الاكل؟

لان وحده فيها فقر دم تقول ماتحملتها لكنها تخليها تكره الاكل واستعملها رجال ونفعت معاه


2- شرايكم في زهورات زين الاتات اللي علبتها وردي واخضر للتنحيف ؟؟ هل تفيد او تضر ؟

3- شنو افضل رجيم مافيه حرمان ولاتعب نفسي ويركز على الشحم وينزل 10 كيلو بس في شهر او شهر ونص ؟

على فكره قريت واجد رجيمات بالمنتدى لكني ابي شي مافيه حرمان ولاتقولولي رجيم جوليا او اتكنز لاني احب الكاكاو ولاتقولولي تخفيف لانه مو مضمون مع العلم اني مااكل عيش واقدر اخفف خبز

4- شرايكم في " دايت سنتر " ؟ عالاقل فيه اكلات سنعه تجيني للبيت وحلويات ؟ يسوا فلوسه او لا ؟

5- شرايكم في مساجات التخسيس الصينيه وغيرها ؟ مفيده او لا ؟؟

تكفووووووون ردو بسرعه قبل تبدا المسابقه تكفوووووووووون <---- تكفى تهز حريم :42:

كلي عشم انكم تردون وان شاء الله غيري يستفيد

واللي ترد الله يجزاها الجنه ويوفقها ويرزقها ويسعدها ويعطيها الصحه ويعافيها ويرزقها الذريه الصالحه ولايحرمها من حبايبها واهم شي زوجها مايتزوج عليها :22: واللي ماتزوجت ان شاء الله تتزوج

آآآآآمين