السلام عليكم ورحمت الله وبركاته
كل وحده منا قاعده تلم افكارها وش تشري وش الاطباق اللي بتطبقهاا وش الاغراض اللي ناسيتهاوش الاواني اللي ناقصه
بس نسيتووووووو شي مهم وهو الاهممم تفطير الطائم واجره
اتمناااا من خوتنا يفكروووون شلوون يتصدقون ويكسبوون اجر في رمضان لانه رمضان فرصه لاتعوض
ابطرح بعض الافكاااااار عليكم وان شاء الله تستفيدون
اولا ممكن تجمعين فلووس من الان لو100ريال والموظفات واللي عندهم حافز وش تسووون بالفلوس اذا رحتي تقضين من السوبر ماركت تشرين فهم شوووربه او تانج اوفيمتووو اوعجينه سمبوووسه اوخضار لاتركزووو كثر على مقادير الحلا لانه مو شي اساسي الشوربه والعصائر اهمم لانك تقدرين توزعين ممننهاا على جيرانك وعلى المساجد
ثانيا اذا شريتي مقاضي حاولي تشرين كم علبه شووربه وكم علبه فيمتوو ترسلينهم على بيت واهلك لامك وخواتك او اذا فيه ناس فقرا او ايتام وبهذا اذا سوو منهم بتكونين كسبتي اجرواللي ماعندها فلوووس ترا 100 ريال تقدرين تشرين فيها اكثر من شي موصعبه بس احنا مشغولين
ثالثا لاتنسووون الصحون البلاستيك فهي مهمه ورخيصه وتوزعين فيها حتا تريحين الناس من الغسل وانهم يشيلوون هم مواعينك وقدورك لاتضيع فيه رخيصه وتوفي بالغرض
رابعاااذا انتي طباخه ماهره والناس تحب طبخك فلوو ترسلين لهم راح يقولوون من ام فلان ويعطون الاولويه ويفطرون على طبخك اذا تعرفين ناس يحبوون اكلك ارسلي لهم وتكسبين اجرهم
خامسا ممكن تدقي على البقاله وتقولين الخبز كله اللي عندك بشريه وتدفعين قيمه واذا جاء احد يشري منه ويعطيه بلاش يقول مدفوع مايتعدى قمه الخبز بالبقاله 40 ريال وبكذا اكلووو الحاره كلهمم والاجر اكبر
سادسا اذا عندك جاره نافس او توها والده اول مايستوى فطورك والاشياء اللي تسوينها بدري ترسلين عليها والله تكون بحاجه لاتغركم لو عندها شغاله لو تسويلها اكل الخدم سامج بتدعيلك واذا ماعندها شغاله بتكونين تصدقتي عليها وعلى عيالها انتو عارفين النفاس وانتو اخر خصوصا برمضان الناس ينسون النافس مع ان عليها الصدقه
سابعا لاتسرفون وتكثرووون حلا ومقالي وطبخ على الفاضي الدنيا الحين حر الناس تعتمد على الشرب اكثر شي ومايكلوون الا بعد التراويح بمعنى انو من وجهه رايي تسوون شوربه وسمبوسه وعصير وبعد التراويح تسووون اي طبخه كبسه مكرونه مرق اللي انتم حابين والسحور خفايف
واخيرا اللهم بارك لنا في شعبان وبلغنا رمضان لافاقدين ولا مفقودين واجعلنا من العتقاء من الناراللهم صلي وسلم على نبينا محمد
اللهم اغفرلي ولوالدي ولجميع المسلمين امين
والله كتبت الموضوع بلغتي العاميه ما ارعرف انسق بس اتمنا وصلت الفكره والناس اللي بعلقون على اسمي والله ناس مسجليني مو اختياري ولا يعبر عني لا ني كل ما اكتب موضوع يقولون ليش اسمك كذا فا اختصرررت الموضوع عليكم هههههههه
ودي اموت @ody_amot
عضوة
يلزم عليك تسجيل الدخول أولًا لكتابة تعليق.
قمر حائل 2010
•
جزاك الله خير
افكار حلو
خصوصا الخبز اعجبتني وممكن حتى كرتون مويه علب تدفعين حقه ويعطيه مجانا تكونن فطرتيه
جزاك الله خير
خصوصا الخبز اعجبتني وممكن حتى كرتون مويه علب تدفعين حقه ويعطيه مجانا تكونن فطرتيه
جزاك الله خير
الصفحة الأخيرة