حي الله بناتنا اللي يبن يعرسن << مسوية طالعة منها :35:..
تعالوا انتم ملاحظين ان بنات هالوقت صاروا ودهم يعرسون ويتشوقون لهذا الزواج بشغف
و أنا ما اقول وش تبون بالعرس لا أنا أقول طيب انتِ عندك المؤهلات للعرس ؟ << تحسونها بتوظفكم هههههه..
لا جد جد
فكرتي قبل تقولين ودي أعرس أنتِ مؤهلة للعرس ..هل أنتِ فعلا حرمة سنعة ..
بدل ما تشغلين وقتك بـ متى أعرس تعالي أعلمك وش تسوين ..
هل تعرفين تسوين مكياج في خشتكِ ؟
هل تعرفين تسوين كشتكِ ؟
هل تعرفين تتعاملين مع شخص كهذا ؟>> :arb:
هل تعرفين كيف تتعاملين مع أهله ؟
هل تعرفين تربين ؟
هل تعرفين تطبخين و تنظفين السيراميك ؟
هل دورتي كيف تصيرين جذابة ؟
ترا العرس مهوب سفر وسعة صدر دايم وفستان وزفة ..
ترا بيواجهك مشكلات و يبي لها حل .. لازم يكون عندك خبرة
كبر قريح في التعامل مع المشكلات منها الصبر والتريث ومشورة ناس أهل للمشورة مب تشاورين مل من هب ودب ..
اقري وتثقفي في أمور دينية تربوية إجتماعية تجميلية :27:..
اعتبري نفسك طول حياتك في دورة تدريبية والحياة هذي كلها معادلات بعضا بسيط وبعضها معقد يبي لها حلول منطقية مستعينة بالله بالصلاة و الاستغفار والدعاء والصبر ..
قال تعالى : ( واستعينوا بالصبر والصلاة إن الله مع الصابرين )
لا تحطين في بالك إنه كل شيء بيلبى لك وطلباتك أوامر ..
فيه مسؤوليات و إلتزامات و رجال جديد من كوكب ثاني << بتكرههم في العرس ذي هههههههه
لا جد خلونا نطور من أنفسنا بدل ما نشغل وقتنا متى بعرس ومتى بعرس ..
الله يرزقنا وياكم بالأزواج الصالحين الأتقياء الأنقياء الأغنياء يا رزاق يا كريم آميييييين ..
ترا كتبت الموضوع قبل ذا المرة وانمسح :44:
وبغيت أهون ولا أكتبه بس تعوذت من بليس ورحمتكم
وأعدت اللي تذكرته ..
عاد ارفعوا من معنوياتي هل يستاهل اني اعدت كتابته
ولا تتمنون إني ما دخلت المنتدى اليوم وانطميت :35:
انا متزوجة الحمدالله بس افكر في هالبنات اللي مشفوحين عالعرس
واقول قعدتها في بيت اهلها احسن من زوج مدمن والا خاين يبط كبدها.