قبل توافقي ع الزواج انتبهي

السلام عليكم
نصيحتي لكل بنت هنا
قبل تتزوجين
اسالي عن زوجك زين اسالي بكل مكان
وكل الناس وحاولو تعرفون من اصحابه
وخاصه اللي يتقدم لها مطططططلق
انا تقدم لي مطلق واول ماسالنا عن سبب طلاقه
بالذات تخيلو طلق من ثاني شهر اعتقد يعني البنت
ماجلست معاه
قالو لي امه وخواته الله لايوفقهم
مشاكل بينهم وتدخلات اهلها فرقتهم
ولا هو ولد حلال
راح ابوي سال اصحابه بالدوام بما انه معلم
مدحوه ووصلوه للسماء لان ماله علاقه
الا بالدوام معهم فما لهم الا الظاهر
شخص واحد نصحني ماخذه لانه ع كلامه
حق مغازل لاكن ماصدقته
وقلت لابوي موافقه
نصيحه نصيحه اي رجال تسالين عنه
ويقولون لك حق مغازل حق سفر
ابعد ددددددي عنه
بقولكم ليش فيه ناس يقولون يتعدل
كذب كذب
اتحداكم راعي الحريم وراعي السفر يتعدلون
غصب يحنون للماضي
والحين مالوم طليقة زوجي يوم هجت عنه
من ثاني شهر بعد صدمتي فيه
دايم كنت اسمع لاتاخذون الجمال والفلوس
ركزو على الاخلاق هي اللي بتعيشك بسعاده
لو كان زوجك شين
لو كان زوجك فقير يكفي انه ماكلم مايخون
بيشوفك كل الناس بعيونه ولا راح يقارنك باحد
لانه عاقل ومو حق علاقات وغراميات
والله يابنات ندمت ندمت
تقدم لي زمان
رجال والنعم فيهم بس رفضت مرنين
مره قلت فقير راتبه قليل
ومره قلت سمين بس كلهم كانو عاقلين بمعنى
الكلمه رجال صح وعيال اصول ولا يعرفون
طريق البنات
وطحت بواحد نسونجي حق حريم
فيه شغف للحريم بحياتي ماراح اشوف مثله
نصيحتي لك
ترا الخيانه تذبح وتحرق
لو يمليك فلوس ولو فيه جمال يوسف
بتكرهين نفسك باليوم الف مره انك عايشه مع خاين
لاتسالين اذا جاء احد يخطبك الا شي واحد
اخلاقه
حق مغازل
حق سفر
اجلسي وعجزي ولا تضيعين عمرك مع خاين
بقولكم امثله
زمان قبل سنين
كنت استغرب
كيف بنات قريباتي مو حلوات وماشاء الله رجالهم
مايشوفون غيرهم
اكتشفت ان رجالهم اصلا بحياتهم كلمو بحياتهم
عرفو حريم فكانو بمعنى عامي ناشفين مو شايفين
حريم فقدرو قريباتي يعلقوهم فيهم لانهم عاقلين
ورجال ولا تطرقو للحرام وحصلو لذة الحلال
مع زوجاتهم
وبنت ثاني صديقتي فقير زوجها ورضت فيه
عشان سمعته واخلاقه وسكنت بشقه فوق اهله
مافيها الا غرفتين
واقسم بالله انه يعاملها كملكه من حبه لها
الجوال مرمي عندها تفتشه بكيفها
مستحيل يقدر ينام زوجها الا عندها واذا
راحت لاهلها تقول يحرقني اتصالات تعالي تعالي
وهو قالها وحلف لها انها اول بنت بحياته
وعمره ماحب لامن بعيد ولا قريب
مع ان صديقتي عاديه وفيها عيوب العصبيه
وغيره وغيره لاكن شوفو كيف لانه الرجال
اخلااااااق
مو حق حريم وبلاووووي
وصديقتي هاذي بالذات كانت تقول اتمنى اخذ
شين او فقير بس اهم شي ماله اي علاقه
عشان اقدر اعلقه فيني
ويحبني من قلبه
انا كنت عكس تفكيرها واستاهل كل اللي يصير لي
الحين
كان يهمني المظاهر وغير وغير
فانتبهو بنات انتبهو