.بسم الله الرحمن الرحيم ..
السلااام عليكم ورحمة الله وبركاته :
مقال كتبته لعيوون اعضاء المنتدى ... عسى الله ان ينفع به يآآآرب ويستفيد منه
الجميع وياليـــــت تقروونه الى الاخير < ع الطاير بس افهموا وش الكتوب
بدون مقدمااات .. ياناس اللي عليها حق ترجعه واللي متزاعله مع احد تسامحه
واللي تسئ المعامله لاحد تحسنها .. سواء مرت اخو او صديقه او خادمه .. الخ
واللي قاطعه بصلة الرحم تزورهم تشوف وش حالهم على الاقل لو وقفة 5 دقاايق بس
.. حتى لو ماتحبهم مثلا تزورهم لأجل ان ترضي ربها
وأي وحده يابنات عاقة بوالديها تطيعهم وتحتسب الاجر من الله بعضهم تناديها امها
وهي تقرا قرآآن ولا ترد الا اذا خلصت الصفحه ؟ طيب رضى الله في رضا الوالدين
تبغين ربي يرضى عليك بقرآة القران وانتي مارديتي على امك .. وغيرها كثير وكثير
.. اي شي تسوينه وهو غلط وانتي عارفه .. << فرصتك رمضآآآآن >> ..
استغليه والله ترى اخرتها كلنا بنموت وكلنا بنبقى في قبورنا مايبقى لنا غير العمل
الصالح .. اعزمي من الآآن على التوبة لعل الله يتوب علينآآآ ...جددي التوبه واكثري
من الاستغفاار والصلاة على النبي ويوم الجمعه لا تنسون سورة الكهف حالوا قد
ماتقدرون .. بعدين استغرب من قضية المسلسلات في رمضان .. ؟؟.. مرات والله اسأل
نفسي اقول ليــــــه في رمضــــــــــــان بالذاااات ؟؟؟ ليه ماحطوها بداية عيد الفطر
مثلا ولا بداية الاجاازة يبدون عرض المسلسلات ليه بس رمــضآآآن ... ؟؟ ... طبعا
مالقيت الا اجابة وحده بس اللي هي يشغلونا عن طاعة الله ويحاولون يجيبون اشياء تخلي
الواحد يقلب سلوكياته و تدمر اخلاقه ؟؟ ليه كل هذااا لييه ؟؟ آثآآآم وذنوووب حتى في
الشهر الفضيل :44: يابنات انتبهوووا لانفسكم الفروض احنا مانعطيهم وجه ونناظر
سخافاتهم واذا مرة ماتقدرين شوفي برامج قناة المجد ادري بعضهم بيقولون بايخه ولا
مملهـ المسلسلات احلى ؟؟؟؟ طيب احتسبي الأأجر .. افتحي التلفزيون وشوفي بس الحرم وش لون
مليان من الناس اللي تتنافس ع الخير ناس تبكي وناس تدعي ربها في تضرع وخشوع
ومن جميــــــــع انحاء العالم كلهم جايين واللي تاركيـــن عيالهم عشان بس يدركون
الصلاة وفي الوقت هذا انتي تتابعين مسلسل .؟ وعن ايش ؟؟ كله برامج مستهدفينا فيها
والله وقلة حيااا بالله ماقد استحيتي من نفسك ؟ اذا مثلا صرتي في ازمة لا قدر الله <
بتتابعين هالمسلسل وانتي تصيحين من هالازمة اللي مضيقة بخاطرك ؟ والا بتصلين وتدعين
ربك ؟؟ طبعا اكيد الاجابة راح تكون الثانيه لانك في ازمه وبتلجئين لربك والمسلسل
مع الف سلاامه صح ولا لا ؟؟؟؟ يعني الحين وانتي بوقت الرخاء مافكرتي تصلين او
خل نقول رحتي تصلين التراويح بس بملل شوي مو مثل اذا اشتدت بك الحاجه .. صح !!!
اذا كنتي كذا رجاااء حاولي تغيرين من وضعك شوي للاحسن يعني اذا كنتي من النوع
اللي مايصلي الوتر ولا تروايح ويتابع مسلسلات حاولي انك تصلين التروايح لو مرتين
برمضان بس ابدي بالتدريج .. اقري اذاكار الصباح والمساء صلي الوتر ركعتين
يانآآآآآآآآآآآآس والله الامطاار معاد نشوفها الا ناادر ورزقنا ربي بجور الحكام والكسوف
والخسوف اذا جو والله مانحس فيها ولا كن شي صاير والصلاة يالله قولي بها وبسرعه
واذا صرنا مستعجلين ماندري احنا قرينا الفاتحه او لا !! ( طبعا إلا من رحم ربي ) :44:
وفي الاسوااق << الله لايسخط علينا بس >>
طبعا كلنا عارفين وش يصير ياليت نشوف نااس زي قبل 10 سنوات او اكثر
وياااكثر مانسمع منهم قولت < ياليتني مولوده في عهد الرسول ؟؟.. < الله يتوووب علينا بس
ويكفر خطايانا :44: ..... انتهى مقااالي واتمنى الكل يستفيييد والله ماكتبت هذا
المقال الا عشاانكم ولا انا من النووع اللي يالله ينزل موضوع في المنتدى :icon33: بس بما
اننا في شهر رمضان (عبرت عما يجول في خاطري ) :hahaha: الله ينفع به وياليت
تنشرونه ع الايميلات لعل الله ينفع به ياااارب ...
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــ
إضاافه :
أتينا إلى هذه الدنيا ونحن أطهار من الخطايا والذنوب
حتى إذا بلغنا مرحلة الرشد ,وبدأت الأقلام في الكتابه ,
أخذنا نتمادى بالأخطاء الروحيه , نكتسب السيئات وننساها
ولكنها في الصحف لا تنسى , خطيئة تتبعها خطيئه , وذنب ٌ يتبعه ذنب
ونحن ُ غارقون في بحرِ الشهوات إلا من رحم الله ,
ألا متى ونحن ُ نتنجس بهذه الخطايا , لقد أقترب القدومُ على الله
ولم يبقى في العمر ِ إلا أيام ٌ يعلمها الله , قد تمر ُ سريعاً كما مرت
إخواتها الأولى.
أنها دعوه لكل مسلم , هلم إلى التطهر , إلى النظافه , قم واغتسل
من تلك الأدران , لتقابل الله وانت نظيف , فقد أقترب اللقاء
هيا إلى الإستغفار ( استغفر الله )
هيا إلى التسبيح ( سبحان الله وبحمده)
هيا إلى التوبه ( بالأقلاع عن الذنب )
هيا إلى الحج والعمره ( فأنها كفاره)
هيا إلى الصلوات ( فأنها كفاره)
أكثر من السجود ( فكل سجده تمحو خطيئه وترفع درجه )
أمشي إلى المسجد ( فالخطا تمحو الذنوب)
أحتسب عند الله المصائب ( فأنها كفارات)
أكثر من الحسنات ( فأنهنّ يذهبن السيئات )
أدعو للمؤمنين بالمغفره (فدعوتك لهم في ظهر الغيب مستجابه)
وإحرص على نظافتك أمام الله فإن الموعد قريب واللقاء مهيب
غفـــــــــر اللهــــــ لنا ولكـــــــــــم
يلزم عليك تسجيل الدخول أولًا لكتابة تعليق.
سمارالليل
•
جزاك الله خير
هيووونه؟
•
جزاك الله الف خير واسأل الله لي ولك الفردوس الاعلى من الجنه وأن يتقبل الله منا صيام رمضان وقيامه
اللهم اجعل خير اعمالنا خواتيمها
اللهم اجعل خير اعمالنا خواتيمها
حبيبتى الله يبارك فيك ويكثر من أمثالك
ماشاء الله عليك ...كلامك صحيح وكثير من الاخوات غافلات عنه
الله يجمعنا على طاعته ومحبته ويجعلنا من أهل الفردوس الاعلى
كتابه رائعه وكلمات تدخل القلب
الله يجزيك كل خير
ماشاء الله عليك ...كلامك صحيح وكثير من الاخوات غافلات عنه
الله يجمعنا على طاعته ومحبته ويجعلنا من أهل الفردوس الاعلى
كتابه رائعه وكلمات تدخل القلب
الله يجزيك كل خير
الصفحة الأخيرة