قبل رمضان يهل بالخير..تعالوا نتعاون على الخير...

السلام عليكم ورحمة الله وبركاته

عزيزاتي انا من اهل جده وابحث عن اسر سعودية محتاجة لأن اغلب السعوديين
المحتاجين يتعففون الله يعينهم من عنده يارب

فساعدوني وتعالوا نساعد بعض الي تعرف احد محتاج جدا سوا اكل او ملابس
ترسلي والي تدور بعد تعتبر هالموضوع مرجع لها

صدقوني نصرف كثير على متع الدنيا فلازم نتقرب من الله لو بشئ بسيط ترى
الأيام تجري وماينفع الا العمل الصالح

اتمنى تتفاعلون مع الاسر السعودية المحتاجة ونحاول نقدم لهم العون بدون جرح
لكبريائهم ومشاعرهم ...وعندي بعض الافكار الي ممكن تساعدك.
*مثلا لو عندك ملابس وحبيتي تتصدقين فيها اختاري احدثها واجملها اغسليه بالمغلسه واكوية
وغلفيه بنايلون وارسلي كهدية صدقيني تكسبين الاجر بدون مانزيد جرحهم وكفايه عليهم اكبر
جرح الحاجة الله لايحوجنا ولايحوجكم
*ثانيا برمضان انصدم لما اروح السوبر ماركت الناس تشتري بشكل مرعب كأنه صيام دهر
وكأن رمضان لإعداد الولائم ..انا ما احاسبك بس اقترح عليكِ لو تشتري مقاضي بالاحتياجات
الأساسية مثل رز وماء وتوت ودجاج ولحم وسمبوسه وغيره وترسليها صدقة عن نفسك..عن اولادك
عن والديك عن من تحبين لأي أسرة لاتجد مايسد جوعها.!

اتمنى مانتهاون بالموضوع ونحاول نساعد الي نقدر عليه وراح يكون لك الأجر الي يقينا شر العذاب والحساب بإذن الله
اتمنى التفاعل مايقتصر ع الكلام وبس اتمنى نشوف فعل ورمضان ع الأبواب شهر الرحمة والمغفره والعتق من النار.

وتقبلوا تحياتي وانتظر رسائلكم وتفاعلكم ...