اذا انك منتي متزوجه المفروض يكون الشغل مقسم بينك انتي وخواتك يعني وحدها عليها الغداء والثانيه تجهز العشاء اخنا كذا لما نكون موجودات في البيت ومحنا نايمات ولا شي .......... صح هي المفروض ما تدفك بس اكيد انها كانت بلحظة غضب انك مساعدتيها

والله مدري عن هالجيل البنات جالسات والأمهات يطبخون ويحضرون والمزيونة ما عليها الا تجلس ع السفرة وبعد تنقد الام ليش تزعل وتعصب ليش الوحدة ما تروح تشوف امها وش تسوي وتحلف ما يشتغل غيري كفاية تعبك علينا من يوم إحنا صغار الحين دورك يا الغالية ترتاحين وأنا لي الشرف اني اخدمك وألبي طلباتك

يا خوفي يجي اليوم وتتمني زولها الله لا يحرمك منها ولا يحرمني من أمي والله إني أتمنى اعيش عندها خدامة
بس خسارة ما اشوفها إلا من السنة للسنة لا تزوجتي ورزقك ربي بالعيال بتعرفين قدر أمممممممممممممك

والله امك ماتنلام هي تعبت عليك انتي واخوانك ليل نهار لما كبرتو صار الوقت اللي تريحينها فيه
وهي اللي لها حق عليك مو انتي
انتي تعالي اساليها يمه شساعدك فيه
يمه بحضر العشا عنك اليوم
ايش تسوى لما تسمعين دعوات حلوه منها

مادام ان امك في صحتها وعافيتها فاحمدي ربك واشكريه واجلسي تحت رجليها فهي جنتك وانا اختك

الله بس يعينا على برهم ياررب

طيب وش رايك يااختي انا بقول لك قصتي انا واختي في البيت

وانا كل شيء علي من طبخ غسيل تنظيف غداء عشاء والحمدلله رب العالمين محتسبة الاجر في ذلك والله يقدرنا على برهم ومهما سوينا مانرد لهم ولو جزء بسيط مما قدموه لنا

اما من ناحية تصليحها للعشاء فهي معها حق في ذلك تروح تصلحه قبلك وتقولين ليش ؟؟؟

انا يااختي ادخل المطبخ بعد صلاة العشاء مباشرة عشان اسوي العشاء

والغداء بعد صلاة الظهر

صحيح انه تعب كل شيء فوق راسي بس الحمدلله لازم نحتسب كل شيء اجر ان شاء الله

بكرة تتزوجين وتعرفين وشلون الضغط صدق فعشان كذا تعودي الحين في بيت اهلك عشان ماتتفاجئين

واخيرا

تكفوون ادعوا لامي بالشفاء والعافية وان الله يطلق عوقها ويخليها لنا يارررررررررررررررررررررررررررررب

يا حليلك
شوفي حبيبتي الام لما تشتغل تتوقع ان بنتها بتحس من غير ما امها تتكلم
وتتخيل ان بنتها الحين بتيجي وتساعدها
لكن لما البنت تسأل تبغين آساعدك هنا يقهر...
يعني بدل ما تمدين يد العون بطيب خاطر تستنيني آقولك اعملي وشيلي
يمكن لأني زي امك مو اقصد في اهانة بنتي
لا.... في إني انقهر لما اكون تعبانة بدل ما بنتي تساعدني تلقائيا تلقينها واقفة كأنها ما تشوفني كيف تعبانة وتسألني
اكره هالسؤال (( تبغين اساعدك))
طيب تشوفيني تعبانة ساعديني سوي الي تعرفين لازم ينعمل
لأن الأم دايما تفكيرها في اشغال لازم تعملها وتخلصها وتتخيل انه بعد ما تسوي وتحط وتشيل راح ترتاح شوي عالكرسي
لكن لما تكتشف انه بعد هالشغلة لازم تغسل وبعد كذا ترتب وبعد كذا تنظف
وبالأخير بعد ما يكمل وقت الأكل تغسل الماعين
متى طيب الام ترتاح
ولا تبغون تسهرون كمان بالاجازة
طيب راحتنا تبتدئ بعد ما ينامون العيال بساعة او ساعتين تقريبا
واذا سهرتو الشغل والكرف را يتواصل لي الصباح
واذا اهملت البيت علشان تروح الام تنام
يجي ابو الشباب ويطلعها مهملة
ما يشوف عيالها الي من لحمه ودمه جالسين مثل الأمراء ياكلون ويشربون ويلعبون وما عندهم احساس تاركين كل شئ عالأم

ههههه كأني إنفعلت شوي وفضفضت في موضوعك
بس الصراحة الحياة متعبة والأم عندها احساس
زي ما العيال يبغالهم رعاية وإهتمام الأم كمان تبغى من يبادلها هالشئ