السلام عليكم ورحمه الله وبركاتة
انا هحكيلكم حكايتي بس انا عايزة منكم النصيحة الصادقة لله ورسولة . انا سيدة متزوجة منذ سنتين تقريبا تزوجت عن طريق الصالونات زي ما بيقولوا انا كنت مغتربة بعمل في بلد عربي وتعرفت علي زوجي في نفس البلد وتزوجنا بعد فترة خطوبة دامت تقريبا سنة ولحظت خلالها انة انسان كويس ملتزم بيحب عملة وبيحب ولدة بي كان هناك بعض التحفظات علي اسلوبة معايا انة شوية حساس من اي كلمة انا بقولها عايزني اقوله علي كل حاجة بمنتهي الصراحة والصدق وعايزني زي مبيقول الكتاب يعني امشي بالورقة والقلم وانا انسانة فيه عيب ووالله انا مش عارفة دة عيب ولا اية اني انسانة هلهلية يعني مبزعلش من اي حاجة كل مشكلة مبخدهاش بجد يعني علي امل ان كل حاجة بتتصلح مع الوقت المناسب
بحب شغلي جدا جدا ودة بقي المشكلة الكبري في حياتي زوجي كان عايزني اقعد في البيت وانا بساعد اهلي وحاسة بالتزام نحيتهم المهم قبل الزواج انا فهمتة الموضوع دة واتفهم لكن كل شوية يتلكك علي اي حاجة ويقولي انتي مبتهتميش ببيتك عايزني 24 ساعة مروقة حاطة مكياج وعلي سنجة عشرة وعايزني اعمل البيت زي الوردة طول اليوم وان قعت شوية يقولي قومي اعمليلي كذا وكذا المهم انا بحب كدة يعني معنديش مشاكل وزي ما قلتلكم انا انسانة ضحوكة جدا حتي في وسط ما بزعل مبشلش بردة بضحك وبقول معلش حبي ليك وانك زوجي يغنيني عن كل المشاكل دة
المشكلة بقي انا اسفة اطلت عليكم المشكلة ان اجازة الصيف نزلنا بلدنا وبعدين انا جلست عند ولدتي وهو جلس عند ولدتة عملت عملية حضر معايا العملية وتاني يوم سافر ومكنش بيتصل بيا ولا بيسال وكنت احطلة العذر واقول اتصل انة اصله مش رومانسي وولدتة متصلتش بيا ولا مرة تسال عليا عملت اية في العملية ولا حاجة وبعدين قبل رجوعي باسبوع طلبت مد الاجازة اسبوع كمان علشان العملية وعلشان ارتاح شوية هو في الاسبوع الاخير قالي انة هيعمل عملية الزايدة قولتلوا انا هقعد واطلب اجازة قالي لا لا انا هقعد وامي هتاخذ بلها مني زي امك بيني وبنكم انا ملحتش علشان انتو عارفين الحموات يعني ممكن تقول كلمة كدا ولا كدا يعني العملية مش ناقصة وكمان علشان خفت علي شغلي وخاصة اني العائل لاهلي
ووصلني جوزي للمطار علي اساس انة هيلحقني بعد اسبوع لان عملية الزايدة مبتخدش اكتر من3 ايام وبعدين انا العملية الي عملتها اخذت مني حوالي 40 يوم في البيت ممنوعة من الحركة والدكاترة قالولي ان الزيدة مسالة سهلة
المهم الموضوع اتطور مع جوزي وهما من النوع الي بيهول بردة المهم تعب زيادة وقالو الدكاترة التهاب رئوي المهم قعد في المستشفي اسبوع يدخل ويخرج
وادولو دوا غلط عملتلو التهاب في الكلة وكل دة وانا مش في بلدي وقاعدة في الغربة ومش عارفة ايه الي بيجرا المهم قولتلوا انا هنزل قالي تنزلي اية خليكي انا هكون كويس واجي علي اخر الاسبوع وبعدين اسبوع جر اسبوع المهم الحمد لله هو كويس دلوقتي بس بيقولي انتي بتحبي شغلك اكتر من اي حد في الدنيا ودة مش صحيح انا مشكلتي ان بساعد اهلي
وكمان هو علي الفاضي والمليان يقولي انتي مش نفعاني انا مش لازمني الجوازة دة والكلام دة بيجرحني كتير وبيحسسني في بعض الاوقات اني مش عايزة الجوازة كلها وهو عايزني دايما اقولة حاضر ونعم وميسمعليش انا بقول اية ابدا عايزني البيت زي الساعة وانا زي العروسة كل يوم والشغل كويس وانا مش عارفة اعمل اية ارجوكم
ساعدوني وقولولي اتصرف مع زوجي ازاي وانا عارفة وحاسه اني بحاول ارضية بشتي الطرق وبردة مش عاجب
ووصلي احساس ان انا مش فارقة معاة وان البنات الي بيعرفوا يعملوا ازوجهم كويس علي قفا من يشيل
معلش طولت عليك ارجوكم ساعدوني
معلومة انا بساعد من راتبي في التحويش وكمان بيتفضلي مبلغ صغير لمصاريفي ومصاريف والدتي .
dinaalouzi @dinaalouzi
عضوة جديدة
يلزم عليك تسجيل الدخول أولًا لكتابة تعليق.
وديعة
•
ان شاء الله الخوات مايقصرو ويكتبو الي يفيدك الله يفرج همك
أختى العزيزة أنا بنت من بنات بلدك وزعلنى حالك أفهمينى ياست البنات أى راجل فى الدنيا لما بيتجوز سواء جواز تقليدى أو غيره بيكون عاوز مراته تكون حبيبته وأمه و صديقته شىء جميل أنك بتاخدى الأمور ببساطة لكن أصحى وفوقى جوازك فى خطر كون أنك تعملى عمليه وجوزك مايكونش جنبك وأنه بيصارحك بعدم سعادته فى جوازكم ده شىء ماتسكتيش عليه.أنتى بتحبى جوزك؟ أكيد بعد العشرة فى شوية حب حسسيه بحبك ده أقعدى معاه فى قعدة صفا وقولى له أنك بتحبيه وعاوزة تعملى أى حاجة تسعديه واطلبى منه يقولك بصراحه اللى مزعله منك أسمعيه وبلاش تقاطعيه وخليه يخرج اللى جواه وبعد كده قولىله حقك عليا ماتزعلش منى أنا هاصلح كل اللى مزعلك منى وبوسى على راسه وماتستكبريش ده جوزك والرسول (عليه الصلاه والسلام)أنه لو كان يأمر بأن يسجد شخص لشخص كان أمر الزوجه تسجد لزوجها مش عشان أستعباد لا سمح الله لكن لأن الزوج هو ستر الست واللى قايم على كل أمورها شوفى جوزك بيحب أيه وأعمليه من حقه عليك أنه يشوفك دايما قمر أزاى بقى مع ظروف الشغل والبيت دى مشكلتك مش مشكلته أتصرفى نظمى وقتك لازم تكونى ماليه عين جوزك وألا هيدور عاللى تملاهاله حسسيه دايما أنه أهم حاجه عندك أعملى له الأكل اللى بيحبه بمعنى تانى أهتمى بيه أنا بصراحه وصلنى الأحساس ده من كلامك أنك مش مهتميه بجوزك صح يا أختى أنتى أكيد مش عايزة تخسرى جوزك وبيتك لو جوزك لسه ما رجعش من بلدكم كلميه قوليله أنك قلقانه عليه وأنه لو مش جايلك قريب أنتى هتروحيله عشان وحشك وش قادرة تعيشى من غيره بصراحه مش عارفه أفهمك أزاى أحساس المرأة وقدرتها على شد جوزها ليها مابيتشرحش لازم يكون جواكى وأسرعى لأن جوزك بيبعد عنك.وبخصوص رفضه لعملك لو كلمتيه بهدوء وبالراحه وبحنان هيفهمك أنا بيتهيأ لى أنه عايزك تقعدى فى البيت عشان يمكن لما تفضى شويه تهتمى بنفسك ويحس بحبك ليه وأهتمامك بيه .بسرعه ياأختى الحقى بيتك وحياتك وافتكرى دايما أن جوزك لازم يكون له الأولويه فى مشاعرك وأهتماماتك أتمنى ان كلامى مايكونش زعلك بس أنا بانصحك بالخير ويارب يهديلك جوزك ويهديكى ليه وطمنينى عليكى.:26:
الله يعينك
بسم الله على رجاجيلنا وشبابنا شصاير لهم
اعوذ بالله ،،،، توني امس كاتبه موضوع صاير وايا اختي
نفس المعاناه تقريبا ،،، ما اقول غير الله يهديهم ويصلحهم و يصلح باللك اختي
بسم الله على رجاجيلنا وشبابنا شصاير لهم
اعوذ بالله ،،،، توني امس كاتبه موضوع صاير وايا اختي
نفس المعاناه تقريبا ،،، ما اقول غير الله يهديهم ويصلحهم و يصلح باللك اختي
شكرا ليكو كتير يا بنات علي نصحكم ليا وانا والله حاسة اني مش مقصرة في حاجة ووالله انا كنت ملهوفة علية وهو بيعمل العملية في مصر وهو رجع تاني للبلد التي نعمل فها وطول الوقت عمال يقولي موقفتيش جنبي يا بنت الاصول انا مش زعلانة منة ابدا وليه حق يقول اكتر من كدا بس المشكلة اني مرضتش اسافر علشان محملوش مصاريف وكملن علشان انا كنت بشتغل ولسة جاية من سفر وزي ما انتو عارفين الرجوع من الصفر بيضيع كل الفلوس الي مع الواحد علي العموم انا هعمل بنصيحة princesscarina وهحاول علي قد ما اقدر اني اسعدة وانا معنديش مشاكل ابوس علي راسة معنديش حتة الكبرياء والكلام الفاضي دة بنت الست والراجل مفيش فرق لو هو انسان كويس وبيستاهل وانا دايما بحمد ربنا علي نصيبي الي كتبة ليا الحمد لله مليون مرة
وانا بشكركم مرة تانية ويارب كل المشاكل الزوجية تتحل لكل الازواج وميبقاش فية خلاف ابدا
وانا بشكركم مرة تانية ويارب كل المشاكل الزوجية تتحل لكل الازواج وميبقاش فية خلاف ابدا
السلام عليكم و رحمة الله و بركاته،،،
اختى الفاضلة،
يبدو من كلامك ان عملك يأخذ كل وقتك و جهدك ثم يجدك زوجك بعد ذلك مجهدة و ليس كما يحب ان يراك، و كما يحب اى زوج ان يرى زوجته و هذا امر طبيعى،،،
فكل رجل اختى يحب ان يرى زوجته جميلة و نظيفة و مرتبة و قد قال رسول الله صلى الله عليه و سلم فى وصف الزوجة الصالحة "اذا نظر اليها سرته"
فوظيفة المرأة الاساسية هى ان تكون الراحة و السكن لزوجها و الام الصالحة للابناء، لا ان تعمل طوال الوقت ثم لا يبقى وقت لزوجها، خاصة اذا لم تكن محتاجة لهذا العمل.
انت متمسكة بعملك لانك تصرفى على والدتك كما قلتِ.
لكن اخيتى انت لست ملزمة شرعا بالصرف على والدتك، فان كان لك اخوة فهذا واجبهم.
و طاعة الزوج مقدمة على العمل،،،
اما اذا كانت والدتك لا عائل لها، يعنى ليس لك اخوة رجال يتكفلوا بها فتستطيعى ان تستأذنى زوجك فى استقطاع جزء من مصروف البيت "يعنى من راتب زوجك" لترسليه لوالدتك و بالطبع هو لن يمانع دون ان تحتاجى للعمل، خاصة ان مصاريف والدتك قليلة لان معظم راتبك تدخريه كما قلتِ و تصرفى جزء فقط على والدتك.
و لو كان لابد من العمل لمصاريف اساسية جدا لا يستطيع زوجك ان يوفى بها فحاولى البحث عن عمل اخر ساعات الدوام فيه اقل،،،،
و اذا كنت تحبى عملك جدا كما قلت فبالتأكيد انت تحبى زوجك اكثر و اكثر.
اختى لقد طلبت النصيحة الصادقة، و ما فعلتيه كان خطأ جسيم، حتى ان كان زوجك لم يرعاك اثناء تعبك فما كان يجب ان تعامليه بالمثل، كان لابد ان تتواجدى معه عند امه و تظلى معه و تتحملى اى مضايقة من امه لاجل القيام بواجبك تجاه زوجك و ارضاء الله.
و هذا الموقف قد يحدث الم فى نفسية زوجك و يشعره انك لا تعتنين به.
و اذا كانت والدته لا تهتم بك كما قلت فقد يكون هذا راجع لما تسمعه من ابنها عن عدم اهتمامك به و غيرها من الشكاوى الكفيلة بأن يسود قلبها تجاهك،،،
فغيرى ما يضايق زوجك و اهتمى به و ستجدى ان امه ترضى عنك.
وفقك الله و اسعدك.
اختى الفاضلة،
يبدو من كلامك ان عملك يأخذ كل وقتك و جهدك ثم يجدك زوجك بعد ذلك مجهدة و ليس كما يحب ان يراك، و كما يحب اى زوج ان يرى زوجته و هذا امر طبيعى،،،
فكل رجل اختى يحب ان يرى زوجته جميلة و نظيفة و مرتبة و قد قال رسول الله صلى الله عليه و سلم فى وصف الزوجة الصالحة "اذا نظر اليها سرته"
فوظيفة المرأة الاساسية هى ان تكون الراحة و السكن لزوجها و الام الصالحة للابناء، لا ان تعمل طوال الوقت ثم لا يبقى وقت لزوجها، خاصة اذا لم تكن محتاجة لهذا العمل.
انت متمسكة بعملك لانك تصرفى على والدتك كما قلتِ.
لكن اخيتى انت لست ملزمة شرعا بالصرف على والدتك، فان كان لك اخوة فهذا واجبهم.
و طاعة الزوج مقدمة على العمل،،،
اما اذا كانت والدتك لا عائل لها، يعنى ليس لك اخوة رجال يتكفلوا بها فتستطيعى ان تستأذنى زوجك فى استقطاع جزء من مصروف البيت "يعنى من راتب زوجك" لترسليه لوالدتك و بالطبع هو لن يمانع دون ان تحتاجى للعمل، خاصة ان مصاريف والدتك قليلة لان معظم راتبك تدخريه كما قلتِ و تصرفى جزء فقط على والدتك.
و لو كان لابد من العمل لمصاريف اساسية جدا لا يستطيع زوجك ان يوفى بها فحاولى البحث عن عمل اخر ساعات الدوام فيه اقل،،،،
و اذا كنت تحبى عملك جدا كما قلت فبالتأكيد انت تحبى زوجك اكثر و اكثر.
اختى لقد طلبت النصيحة الصادقة، و ما فعلتيه كان خطأ جسيم، حتى ان كان زوجك لم يرعاك اثناء تعبك فما كان يجب ان تعامليه بالمثل، كان لابد ان تتواجدى معه عند امه و تظلى معه و تتحملى اى مضايقة من امه لاجل القيام بواجبك تجاه زوجك و ارضاء الله.
و هذا الموقف قد يحدث الم فى نفسية زوجك و يشعره انك لا تعتنين به.
و اذا كانت والدته لا تهتم بك كما قلت فقد يكون هذا راجع لما تسمعه من ابنها عن عدم اهتمامك به و غيرها من الشكاوى الكفيلة بأن يسود قلبها تجاهك،،،
فغيرى ما يضايق زوجك و اهتمى به و ستجدى ان امه ترضى عنك.
وفقك الله و اسعدك.
الصفحة الأخيرة