قبل لا تحكمين حطي نفسك مكاني

الأسرة والمجتمع

السلام عليكم بنات حواء ورحمة الله وبركاته
أكتب لكم قصتي وأنا على ثقة بأنكن من سيقرأها يابنات منتديات عالم حواء يامن عرفت عنكن الصدق والحكمة وأنتن من لا تأخذكن في الحق لومة لائم أحسبكن والله حسيبكن ....
تبدأ قصتي بزواجي من رجل متزوج لديه زوجة وأولاد كبار وبنات المهم حين تزوجني أخذت منه وعد أن لا يظلمني ويعدل بيني وبين زوجته في كل شيء فأنا لا أرضي أن ينقص من حقي بأي شي بعد الزواج تفاجأت بزوجته تطلب منه عدم مقابلتي بأي شكل كان بمعنى أن لا يجمعنا في مناسبة أوسفر قبلت بهذا وإحترمت رغبتها بل وبررت فعلها أمامه مما جعله يتقبل هو أيضا رغم أنه كان معارضا ويطالبها بجمعنا في السفر والمناسبات المهم زوجي له بيت في ديرته وقبل الزواج متعودين يذهبون إليه قبل عيد رمضان بيوم أو يومين ويقضون العيد هناك ليس له أب وأم وإنما أخوة وأخوات بعد زواجي يذهبون هم مع أولاده ويلحق هو بهم ليلة العيد ويقضي معهم أول يوم العيد ثم يأتي إلي أي أنا أبقى في بيتي لا أذهب معه إلى الديرة بحكم أنها لا تريد الأجتماع بي لم أعارض من أجل أبناءه بل قلت له من الأفضل أن لا تكسر بخاطر أبناءك وفكرت أكثر بالصغار فهم متعلقين فيه وهو أيضا أستمرينا هكذا مدة ثلاث سنوات التي لم أحمل فيها وبعد أن حملت وأنجبت إبني الأول طلبت منه أن يبقى معنا هذا العيد او أن أذهب أتعيد مع أهلي فقال لأ أذهبي مع أهلك بعدها بسنة رجعنا لنفس السالفة بقيت في بيتي وهوذهب معهم وبعدها بسنة أنجبت إبنتي فطلبت منه في العيد أن أذهب لأهلي فرفض بحجة المصاريف والسفر يبيله ... قلت طيب لا تروح عيد عندنا قال لا لازم أروح قلت أنا في البداية أقولك روح عشان عيالك بس الحين صار عندنا عيال حرام ليلة العيد والعيد يقعدون لحالهم قال لا لازم أروح المهم بعد مشاكل تعوذت من أبليس وقلت بس ترى عيد الأضحى بيكون عندي نسيت أقول إن عيد الأضحى كل سنه عندهم عشان يذبح الأضاحي قفال تم جا عيد الأضحى وأتفاجأ فيه يقول بروح عندهم عشان الصبح الأضاحي قلت والوعد قال أي وعد ماعليه وتكفين ماني فايق للمشاكل وهوشة كبيرة ومن بعدها صار كل ما نفتح أي موضوع يتحول لمشكلة منه ومني أنا حاسة إنه هضم حقوقي وهو يحس أني أبيه يفضلني على عياله المهم اليوم جلسنا جلسة مصارحةوطلعت كل اللي في قلبي وقلت له إنت متغير علي قال وش اللي يرضيك لأنه كان مستعجل قلت له عيد رمضان هالسنة أنا وعيالي بنروح معك للديرة قال خلاص حقك وطلبتيه أبشري هالسنة أنتم تروحون وطلع ..... بصراحة في البداية فرحت لأن معنى كذا إن أنا وعيالي متساويين معاهم وماهومفضل أحد على أحد بس بعدين حسيت بغصة وتأنيب ضمير لأن يمكن هم يزعلون لو قالهم أو يحز في نفسهم أو تحصل مشاكل بسببي .....
أنصحوني اللي سويته صح أو خطأ أنا يعلم الله ما أبي إلا حقي وحق عيالي أبي يحس بوجودنا أخاف أسكت مرة على مرة واللي من حقي اليوم يصير بكرة ماهو من حقي تعبااااااااااااانة ياناس والله إني ما أبي شي إلا عشان عيالي يكسرون خاطري صبح العيد بالبجامات لا يلبسون ولا يطلعون ولا أحد يشوفهم وش رايكم ياناس أتراجع ولا أستمر قلبي يعورني آسفة على الأطالة
75
6K

يلزم عليك تسجيل الدخول أولًا لكتابة تعليق.

تسجيل دخول

مضاوي الشرقية
اتتي مكبرة الموضوع

عيالك اطفال يعني مايعرفون وش معنى عيد او بالأصح كل يوم عندهم عيد اذا وديتيهم ملاهي ومطعم بيكون عندهم عيد

يعني انتي لا تسوي مشكله اذا زوجك وافق من طيب نفس روحي اما اذا هالشي بيسوي مشكلة فبلاها احسن

وبعد العيد خذي حقك خليه يوديك لأهلك او يطلعكم طلعه محترمه
دلع اطفال
دلع اطفال
والله اختي حره ماقصرت انتي فكري بنفسك اولا وبعيالك والباقي اوووووووت لان مافي بالدنيا شي غصب
moonaa2009
moonaa2009
مااتوقع انك علطانه ماطلبتي الاحقك
تولين ضوء القمر
اتتي مكبرة الموضوع عيالك اطفال يعني مايعرفون وش معنى عيد او بالأصح كل يوم عندهم عيد اذا وديتيهم ملاهي ومطعم بيكون عندهم عيد يعني انتي لا تسوي مشكله اذا زوجك وافق من طيب نفس روحي اما اذا هالشي بيسوي مشكلة فبلاها احسن وبعد العيد خذي حقك خليه يوديك لأهلك او يطلعكم طلعه محترمه
اتتي مكبرة الموضوع عيالك اطفال يعني مايعرفون وش معنى عيد او بالأصح كل يوم عندهم عيد اذا...
بسم الله الرحمن الرحيم
اول شــــــــــــــــــــي يأختي مدام انووو تزوجك لازم يعدل بكل شئ لأنو محاسب عند رب العالمين
وموو مشكلـــــــــه لو تنازلتي
عن حقووقك عشان اولادوو بس في العيـــــــــــد المفروووض يكون عيد عندك وعيد عنـــــد الأولى
وهوه المفرووض الي يكــــــون ليلتها يكون عندها هذااا العدل .....بس مدام انووو من البدايه كذاااا
خلاص ايش تسوي و ***** الله يتعدل حالكم ,وولا تسببي مشكلـه عشان ليله مدام انو يجيكم ثاني العيد
ويطلعكم خلاص سلمي امرك لرب العالمين ومنا ليوم العيد ربك يحلها ليش تنكدي:( على
نفسك من الحين خليها على ربك وربك يحلها ***** الله

:26::26:
وسامحيني على الإطاله
المزاجية جت
المزاجية جت
عادي ليش مكبرة الموضوع
اهم شيء ما يقصر معك بالمبيت وتلبية حاجاتك لا تخلين الغيرة تملاء قلبك وتخرب بيتك
وترى انتي اخده واحد متزوج ووافقتي على شروطه من البداية
ومن كلامك اتضح لي ان زوجك عادل بينكم وما يحب المشاكل فلا تخسريه عشان قولت عيد عندنا ولا تعيد
ويمكن تاخدي حقك عن ليلة العيد ماديا كاءن يعطيك عيديه حلوة او ادا جاء يخرجكم وتقضوا اليوم كامل مع بعض يعني خودي حقك عن هدة الليلة بس بطريقة دكية بعيدة عن المشاكل والنكد
ترى الرجال يمل منك ويدور على راحة باله