قبل لا يقطني في مستشفى العجزة!!!!!!!!!

السلام عليكم ...

خواتي العزيزات.. ولدي عمره سنتين الا شهر..
وابي اربيه على الاخلاق الاسلاميه.. بس خايفه اني ماعرف اربي او اقصر في تربيته لانه عصبي ويحب يخرب كل شي وانا وياه طووول اليووم لاتخرب وهو يعاند ويخرب ...

خايفه من المستقبل ..من التلفزيوون .. مسحت كل القنوات اللي بالدش وحطيت قنوات القران والاخبار ... مابيه يسمع اغاني بس الاغاني في كل مكان نرووح له ...وانشاء الله قريب بركب رسيفر المجد

ابي اعلمه حفظ القران..وادعيه ماقبل النوم والاسيقاظ((شريت له كبيوتر لعبه فيه الادعيه بس خبر خير مايحبه))

ابي اعلمه الادب والاخلاق
((ابيه يحترم الكبير))
ابيه يكون قوي وما يناكل حقه
ابيه عزيز النفس
ابي اربيه نفس تربيه ام الامام احمد بن حنبل
((بعيد عن عيني))
مابيه يكون مدير يوم يكبر.. ابيه يكون امام مسجدحاففظ للقرآن والسنه


مابي ادخله مدرسه اجنبيه حتى ما تنمسخ هويته ويصير عادي عنده اللي ماكان عادي عندنا..ويصير يكلمني مثل صديق له ويرفع الكلفه بيني وبينه
لانهم يعودونهم على الحوار والمناقشه


ابي اربيه عدل عشان الاقي تربيتي هاذي يوم انا اعجز ((مب اول ماصك الاربعين يقطني في مستشفى العجزة والمسنين))

ابي اربيه عدل حق نفسي لاني بلاقي تربيتي يوم امووت بيكون لي صدقه جاريه ((اذا مات العبد انقطع عمله الا من ثلاث.. منها ولد صالح يدعو له..

لا لاء مابي يوم ايدش الاعداديه يتفشل يمشي معاي ويدخن زقاره

مابيه يتزوج ويصير خاتم بصبعها

مابيه يسوي اشاياء واييييييد

ياااااااااااااااالــــــــلـــــــــه
احسن لي اموووووووووت قبل لايسوي فيني شييي ومايطلع مثل مابي &&

تدرون ليش اقول هالكلام((لاني كنت عنيده ..وماسمع الكلام بس الشهاده لله محترمه .. كنت اسمع اغاني .. وبالاعداديه ماسمع كلام امي بس وابوي احبه بس اعانده وايد..امي ربتنا عدل بدون دش ويالله يالله تربينا عدل واشلون انربي عيالنا بالدشوش..امي علمتنا قران وادعيه النووم بالغصب يوم صغار والحين الحمدلله مانرقد الا نقولهم.. امي كانت شديده بس حنونه كنت اشووف انها شريره بس الحين اشووف انها اعرفت تربينا يووم كبرت لقتنا كلنا حواليها كل يووم انزورها..الزبده كنت شريره بمراهقتي وخايفه عيالي ايصيروون مثلي ..الله يرحمك يابوي ويوسع لك في قبرك ويجمعنا فيك بجنات النعيم..ويجا امي خير الجزا ويطول عمرها على طاعتك يارب