قبل لا يلفظ أنفآسه ينآدي: وينهآسآره..؟!
على ذاك النهـر قصه حكاها شايب ٍ عميان
ويصرخ يا زمن خذني لابنتي وامها وداره
لقيته يم باب البيت يشكي قسوة الأزمان
لقيته جالس ايهذري سوالف تكسر وقاره
ويقطع صرخته بونه رهيـبه ونــــة الحرمان
وتنثر ونته دمعه تحاول تجبر اقداره
تموت(البنت)في لحظه ويبقى للألم عنوان
وياخذ(امها) معها وطل الحزن باخباره
تزوج في شهر واحد وعاش بزوجته فرحان
ويدعي ربه الخالق بطفل يضحك جواره
ومضت اعوام ودعواته تناجي ربه الرحمان
ورب الكون ماخيب رجاه وجابله ساره
يا فرحت كل هالديره بساره بنت ابو سلطان
يا سعد الأب وياالأم عقب أعوام جباره
نمت ساره في هالحاره وصارت وردة البستان
وصارت تحلم بحب ٍيشع بقلبهاانواره
وتحقق حلمها الوردي بطلة جارهم سلمان
ياحلو البسمه في وجهه يابخت اللي يجي جاره
وصارت كل يوم تعيش في حلم وهوى فتان
وترسم بإيدها قلبين وسهم الحب باسواره
يمر اليوم تستنى بكل شوق وهوى وألحان
ويروح اليوم ولا شافت خيال الجار والجاره
وصدفه شافها سلمان وصار بشوفها هيمان
وحاول ينطق بكلمة ولكن تاهت افكاره
جلس يومين والثالث وفكره تايه ٍ حيران
وجا في يومه الرابع وشد الفكر باعماره
وفجاه شافها صدفه تغنى بصوتها الرنان
تغني للزهر وتقول:ألا يا قلبــي شخباره؟؟
وناجي صوتها سلمان ألا يا قلب يا ضميان
ابيك توصل أحلامي وحبي ياهوى لـ/ساره
وصل صوته ووناته لساره والتقا القلبان
وصاروا أسعد وأبهى يا زين العشق وازهاره
ومضت اعوام ورى اعوام وصوت الحب فيهم زان
والى من شافهم إنسان تمنى الحب لو زاره
ونمت ساره وكبر سلمان وعهد الحب والايمان
يقول إن ساره لسلمان وَلهْ سلمان في ساره
على ذاك النهرحطوا عباره والعهد عنوان
.ياغير القبر ما يفرق جسدنا والجسد داره
ولو دارت ليالينا وذقنا بهمها الحرمان
حشى ما ننسى ايامن ٍ كتبها الحب واسراره
خطبها اليوم والفرحه بدت تقرب من العرسان
بقىيومين بس../يومينودار الوقت بادواره
عجيب الوقت والأقسى تصاريف الفرح احزان
تجيك ايام طربانه بعدها ايام غداره
غدر هالوقت في ساره ذبحها والغدر نيشان
يقطع قلب من صابه يموت القلب باسواره
في ليلة دخلته حادث توفى بسبته../سلمان
توفى قبل ما يحظن كفوف اللي تبي جواره
يموت ويهتف بكلمه تزلزل كلمته الاركان
قبل لا يلفظ انفاسه ينادي: وينهاساره..؟؟
وصل علمه ووناته لساره بنت ابو سلطان
وصارت تشهق وتبكي يا شين الحزن واخباره
تنادي يمه يا يمه ابيكي تقولي ذا بهتان
ابيكي تكذبي القصه يا يمه ماتت ازهاره
دخيلك يمه قولي لي دخيلك اطلبـي سلمان
قولي له : تكفى ياسلمان تعال ونِورالحاره
يايمه ضاقت انفاسي واحس إن الجسد ذبلان
يايمه وش بلا عيوني تضيق بشوفها انواره
يايمه قربي مني يايمه صدري به نيران
يا يمه اسمعه ينادي يقول إن العهد زاره
وصارت تهتف تنادي انا يمك بجيك الآن
وطاحت وردة ٍ حمرا .. اظنها وردة الحاره
علىذاك النهر قبـر ٍ حوى في داخله سلمان
على شطه على ترابه كفن يحظن جسد ساره
.
.
احتراماتي..]
:44:
:44:
يلزم عليك تسجيل الدخول أولًا لكتابة تعليق.
صهوة الجواد
•
ابداااااااااااااااااع.. كلمات حزينة وفيها اسى وحرمان..
يسلمو غلاتي ..
تقبلي مروري بود..
يسلمو غلاتي ..
تقبلي مروري بود..
سنوبل
•
كلمات جدا رائعه ومؤثره
يعطيكي العافيه
ولكن عندي سؤال
هل هي تحكي قصه حقيقيه ام خيال؟؟
لانها والله اثرت فيني جداا وابكتني
يعطيكي العافيه
ولكن عندي سؤال
هل هي تحكي قصه حقيقيه ام خيال؟؟
لانها والله اثرت فيني جداا وابكتني
الصفحة الأخيرة