_
مدري كيف ابدا الموضوع بس شيء لاحظته عسى ربي يعفو عنا وعنكم
رح ابدا الموضوع بدون مقدمات وان شاء الله يوصل الموضوع ونتغير للافضل
اكثر من مره شفت الوحده اذا تتابع مسلسل وجا وقت الصلاة تنتظر لما يجي الفاصل عشان تقوم وتصلي طبعا صلاتها ركض عشان يمديها ترجع تكمل
ومايفوتها مشهد
ي رب رحمتك بس لهالدرجة نترك مناجاة الله وعبادته عشان معصيه نأجل الفرض عشان معصيه يعني لو شي ثاني يدخل المخ
انا اعتقد شيء واحد مستحيل تجتمع طاعه ومعصيه في نفس الوقت مستحيل ي تكون نيتك للطاعه هي للمعصيه
لما نركض بالصلاة ومانفقه حتى وش نقول فيها ومانستشعر رد الله في في كل ايه من ايات الفاتحه حمدني عبدي اثنى علي عبدي ونحس بالمسافه البعيده بيننا وبين الله في الصلاة ونخاف الاعلان لاينتهي
ومن العجيب بعد ان الاغلب يصلي بنفس مكان التلفزيون ويرفع الصوت وغير اذا كانو الاهل متجمعين وكلن يسولف
يعني تصلي وقلبها مع غير الصلاة بالله كيف تخشع؟
والمضحك انها احيان تضحك ع سوالفهم واهي تصلي يعني ...............؟
وحده بهالحال كيف تحس ان من بيده سبع سماوات و سبع أرضين قاعد يكلمها بصلاتها لو خشعت
واول ما ينتهي الاعلان تركض بسرعه تختم صلاتها حتى اذكار الصلاة ماتقولها ولو تسمع نفس او صوت احد يخرب عليها صوت المسلسل اتوقع تسوي حرب وتعصب
طيب وين هالعصبيه لما كنتي تصلين والكل يقطع صلاتك بصوته وازعاجه وصوت الموسيقى بالفواصل
يعني اقل شي صلي بعيد عن هالمكان حتى 5 دقايق هذي اللي هي نجاتنا واول حسابنا بعد رحمة ربي نخربها
ما كفت 24 ساعه نضيعها
وشي ثاني لاحظته لما يمر اعلان عادي تتابع مايضايقها اي شي فيه بس لو يمر اذان ع طول ي تقصره ي تقلب القناة ي تقوم
سبحان الله كيف نقول ان الله احب الينا من كل شيء ونقدم عليه معصيه ليتها طاعه
انا بأنبه ع شيء لاتفهمون من موضوعي اني اقول لاتتفرجون لان هذي مو الغايه
انا قصدي لو فعلا قدمنا الله على انفسنا بنختصر اشياء كثيره على انفسنا
وشي طبيعي النفس رح تبدا تحاسب نفسها بكل خطوه هي لله والا لدنيا
ي اخواتي رح نحاسب ع هذي الصلاة وسبب تأخيرها
ولاحظت شي ثاني بعد تجيني وحده تقول انا دايم اوتر
مارح ادخل بنية احد بس وحده متابعه افلام 3 ساعات او يمكن ماسكه خط من العصر
ويمكن تواصل
وتنط تصلي هالركعه عالسريع بالله كيف تستشعرها؟
طبعها هالركعه تجي بعد ماينتهي الفلم ولو الفلم مطول مارح تقطعه وتصلي لا
ي وقت اعلانهم ي بعد ماينتهي يعني سبحان الله ما ادري كيف تستشعرها
انا ما اقول تتركها بس تحرك قلبها بهالركعات وتتدبر الايات والله مايجتمع ذكر ربي ومعصيه في نفس الوقت اصلن هي من نفسها رح تحاول تترك المعصيه لله لما تحس بطعم عبادتها
طولت بالكلام بس ي رب ينفعني واياكم ويجعلنا من الذاكرين الله والمخلصين والخاشعين
الله يرضى عني وعنكم ويجمعني بكم فالفردوس
قبل لاتطلعين من الموضوع جددي نيتك عسى ربي يغفرلنا اجمعين
ولاحظي نفسك وقت صلاتك والسبب اللي تأخرينها عشانه
ووقت صلاتك واستشعارك انها نجاتك من جهنم بإذن الله
خلونا نحاسب انفسنا ترا الموضوع ما يكلف بالعكس يفيدك
لو لاحظنا القرأن يخاطب المؤمنين وعشان نقيس الايمان في قلوبنا ان نجعل الله ورسوله احب الينا من اي شيء
سؤال هل افعالنا تدل على هذا الشيء؟
بقايا طفلهـ @bkaya_tflh
عضوة جديدة
يلزم عليك تسجيل الدخول أولًا لكتابة تعليق.
موضوعك جدآ رائع
عسى ان ينتفع به الناس
أسأل الله أن يهدينا لصالح الاعمال ويوفقنا لما فيه خير
سبحااااان الله وبحمده ..سبحااااان الله العظيم
عسى ان ينتفع به الناس
أسأل الله أن يهدينا لصالح الاعمال ويوفقنا لما فيه خير
سبحااااان الله وبحمده ..سبحااااان الله العظيم
الصفحة الأخيرة
خيييييير