قبل مانبدأ بأي نوع من أنواع الدايت

لاحظت الكثير بدو يبدأ رجيم بدون أي تفكير في الرجيم هل هُو كويس ولا لا؟! المُهم ينقصو وزن ، متجاهلين الأعراض السيئة إللي بتحصلهم بعد عَملهم للرجيم... أوكيه نِتفق إنو الرجيم القاسي أو المحتوي على عناصر قليلة جداً فعلياً ينقص من وزنك لكن بينقص إيش من جسمك ؟ دهون ولا عضلات وموية ؟طبعاً الإتنين الأخيره! عضلات وموية ، يعني كُتلة الدهون موجودة موجودة ومانقصتو منها شيء..المفترض يكُون الشيء إللي تطمحو لهُ في خسارة الوزن "خسارة الدهون"..لإنو بسبب الدهون دي رح تتدهور صحتنا ومارح تتحسن وحتكون فيه مشاكل ، وبسبب الدهون رح تكون شغلة إننا نرجع لوزننا السابق ونزيد بالوزن جداً سهلة وسريعة وماتاخذ وقت...الرجيم أو الدايت ماعمرو كان حِرمان .. أبداً!!... ... يعني فيه رجيمات فعلياً بعيدة كُل البعد عن العقل ، تفطري موية أو تُوست ، وتتغدي فاكهة والعشا مافيه ملغي وإذا مرا جوعانة أشربي مُوية...........................سلامات !؟ فين العناصر اللي يحتاجها جِسمك!! إنتي كِدا بتخسري وزن بسهولة رح يرجعلك ........ ليه ؟ لإنك نقصتني من الدهون والموية بس لا أكثر... .. يا جميلات قَبل ماتبؤو تعملو أي رجيم ركزو على عناصر الأكل .......الإرادة إللي تخليكم تبدؤو رجيم قااسي كِده جميلة ، بس ليه مانستعمل الإرادة الجميلة دي ونبدأ نِظام غذائي صحي أكثر ؟يعني نبدأ نظام صحي متوازن يحتوي على البروتين والكاربوهيدرات بكل أنواعو ويتحسن ناكل خضروات وفواكه عشان الفيتامينات و... وناكل دهون صحية -زي المكسرات- .......................................... الوزن إللي ناويين تخسروه ، لازم تتأكدو إنك ماترجعوه ثاني ، صح ولا لا ؟ عشان كِدا لازم نختار نِظامنا الغذائي بكُل عناية............................................................................................................. بنفس الوقت للناس إللي يقولو مانقدر نتمرن ومافيه وقت ومابعرف إيش .. طيب قوليلي إيش المشكلة لو بدأتي بـ 5دقائق يومياً تركضي في مَكانك نفس تمارين 1ميل ؟ ترا الرياضة مش شرط تبدأي بنص ساعة ولا ساعة وأكثر !! لاااء أبدأي بالتدرج على قُدرتك ................................................................................................................ وأكبر طريقة مُساعدة لِك للتمرين بشكل دائم ويتركك ملتزمة بالتمرين ؟ قبل الإستحمام خصصي دقائق قليلة أتمرني فيها........... شفت مواضيع سابقة وأنظمة فعلياً أستفزتني فلقيت نفسي كاتبة الموضوع دا XD أتمنى مِن أي وحده ناوية تبدأ دايت تنتبه على هالشيء.