قبل مانكتب اي تجربه عشان الكل يستفيد

بنات اش رايكم نتفق قبل ما اي وحده الله تكتب تجربتها او تجربة حد تعرفه والنتيجه اللي وصلتو او وصلو لها في شعورهم على الآتي عشان الكل يستفيد ويطبق صح قبل ذكر التجربه نكتب البيانات التاليه:
اولا" العمر
ثانيا" نوع الشعر ناعم متوسط خشن ولونه الطبيعي ( مصبوغ او لا)
ثالثا" نوع الغذاء او نظامج الغذائي اللي تمشين عليه عادة
واذا غيرتي اثناء التجربه توضحين
رابعا" المشكله اللي ركزتي على علاجها وتعالجت اولا ومتى لاحظتي ظهور النتيجه
واذا ماكان علاج للمشكله المحدده شنهي التغييرات اللي حصلت وفرحتي فيها
خامسا"اوقات التطبيق ليل او صباح يوميا او يوم ويوم او مره بالأسبوع او مره بالشهر
سادسا" فروة الرأس وكل كم يوم تغسلينها دهنيه جافه عاديه قشرة او بدون
سابعا" كمية التساقط ومتى تزداد مع التمشيط او مع التحريك او بمجرد لمس اطراف الشعر
ثامنا"اي علاج يستخدم خلال الفترة التجريبية سواء يخص الشعر او الجسم
تاسعا" الماي المستخدم في الأستحمام ماي عذب والا فيه نسبة ملوحه ودرجة حرارة الماء ساخن او دافئ او بارد
عاشرا" نوع الشامبو
هذا اللي يحضرني حاليا" ولو في معلومه تحسون انها مهمه ياريت تضيفونها عشان كل وحده
تعرف الحاله الأقرب ومدى ملائمتها ادري السالفه طويله وتعجيزيه على البعض بس انا مابي كل وحده
تقعد تجرب وماتستفيد وتفكر العيب في الخلطه بس بهذي الطريقه اتوقع راح يكون الكل دقيق في اختياره
وآسفه جدا جدا على الأطالة والموضوع مش منقول وانما طرح ذاتي خطر ببالي واعتذر اذا موضوع
متكرر لأني احب المنتدى وعشرة عمر بس من بعيد لبعيد لأني قليلة مشاركه
حبيت اطرح فكره قد تعجب الأغلبيه وتصبح خدمه تسهل على الجميع الوصول للهدف بطريقه دقيقه نوعا ما
لكم مني خواتي كل الود والأحترام