قبل ما تتهوري وتقشري ركبك ادخلي واقري تجربتي والله على ما اقول شهيد !!!

السلام عليكم
كيفكم بنات
واش اخباركم؟
انا دخلت هنا والله عشان اقولكم تجربه صارت لي واللي بسببها حالتي النفسيه في الحضيض وقسم بالله اني صادقه بكل كلمه
انا يا طويلات العمر زواجي بعد شهر ( حطو تحتها خط )
وقبل سنه رحت لمستشفى كبيييير في جده حق جلديه وراجعت عند بروفيسور !!!!!
وقلت له ابي ركبي يصير لونها افتح من كذا ( علمآ بأن ركبي ما كان فيها سواد كثير يعني إسمرارها قسم بالله لا يكاد يذكر )
قال بسيطه واعطاني كريمات مقشره وقال استخدميها شهرين بالبدايه كان جلدي يتقشر بهبل قلت بس بدت النتيجه تظهر وانبسطت ,
واستخدمتها شهرين وبعد الشهرين للاسف صارت سوداء رجعت كلمته قال تعالي اشوفها رحت له قال باعطيك خلطه واستخدميها شهرين برضه.
وانا من هبالتي استمريت وزاد السواد سواد وليتني تبت رحت له مره ثالثه (كله والله من خوفي لأن وقت الزواج بدأ يقرب )
طبعآ ركبي في هالمره كانت شي خراااااافه قسم بالله قسم بالله إنها دائره كبييييييره على كل ركبه ولونها يمين بالله اسووووود ما اقول سمراء لا سوداء
اول ما شافها اخينا في الله قال ( تو تو تو تو تو تو تو تو تو تو تو تو تو ! )
انا ماتوقعت انها تكون هيك ابدآ انا بعمري ما مرت علي حاله هيك !!!!!
بس لا انشاء الله باعطيك كريمات من نوع ثاني وميه بالميه بتروح قلت له يادكتور انا خايفه موعد زواجي قرب قال ليش تخافي يابنتي انا باقولك ميه بالميه بتروح طبعآ استخدمتها شهرين واكيد عرفتو النتيجه
ما نفعت طبعآ
رحت لمستشفى ثاني عند دكتوره وسوت لي جلسات تقشير 4 جلسات وما نفعت كمان .
طبعآ الحين بطلت كل شي وركبي على حالتها وما اقول إلا الحمد لله على كل حال
وزواجي للاسف بعد شهر ورب البيت يابنات ان نفسيتي زفت من هالموضوع ومهما وصفت ركبي مستحيييييل تتخيلون!!
آآآآآآآآسفه طولت عليكم مرررره
بس نزلت تجربتي عشان كل وحده تاخذ العظه و العبره وما اقول اعطوني حل لأن حالتي مالها علاج
إلا الدعاء فتكفون كل وحده تقراء موضوعي اسالكم بالله تدعي لي لأن ما يرد القدر إلا الدعاء .