قبل ما نبدأ نبني... رايكم يهمني..(التصميم بالداخل)

صراحة حلو تصميم بيتك ماشاء الله
بس ماتحسين غرفة الكوي بعيدة مررررررة عن غرفة الغسيل ؟
يعني يمكن لو صغرتي المخزن شوي وكبرتي غرفة الغسيل يصير بهذاك الجزء يكفي غرفة غسيل + غرفة كوي
ومحل غرفة الكوي اللي خلف الدرج إما سويه مستودع إضافي إذا حاسة إنك بحاجة لمساحة مستودع أو سويها غرفة صغيرة للعبايات تراها طالعة موضة يسوون غرفة لتعليق العبايات بدل مو مجرد دولاب :26:

كمان غرفة الملابس التابعة لغرفة النوم الرئيسية ماتحسينها صغيرة ؟ يعني شكلك كذا راح تضطرين تحطين دولاب بغرفة النوم نفسها وهذا الشيء راح يشوه منظر الغرفة برأيي فواحد من إثنين ياصغري مساحة المكتب لصالح غرفة الملابس أو صغري من غرفة النوم وأنا أحس هذا أفضل بس مدري أنت منت حاظة المقاسات عشان الواحد يحكم

وبالنسبة للمطبخ التحضيري أقترح عليك تشيلين الجدار اللي بينه وبين الصالة وتخلين المطبخ على شكل كاونتر يطلع الشكل أرقى

والله يوفقكم إن شاء الله

مرحبا اختي...
.... التصميم حلو:26:
وعندي كم ملاحظه...
ماعندك مخازن كفايه في الدور الارضي واعتقد انها مهمه كثير
باب المطبخ بعيد شويه عن مدخل غرفة طعام الرجال
لو دمجتو غرفة غسيل الملابس مع غرفة الكوي يكون احسن

اتمنى ان ملاحظاتي ماتضايقك........ ومنزل مبارك ان شاء الله.

شكرا جدا على افكاركم. الرائعه.. بصراحه افكار ابدا ما جت على بالي وان شاء الله اطبقها.... بالنسبه للمقاسات ساضيفها..
وايضا بالنسبه لغرفه الكوي... انا خليتها بنصف البيت لانه احيانا نحن نستخدمها... وليس الخادمه فقط..و اشوفها بتكون بعيده لو وضعتها عند غرفه الغسيل...
باب المطبخ انا اتعمدت اني احطه بعيد... عشان ريحة الاكل اخاف انها توصل للرجال...
وشكرا مره اخرى....

وانا بانتظار افكاركم الرائعة......
:26:

الأخت أم سعود قالت حولوا المطبخ التحضيري لكاونتر ، والاخت حلااا قالت زيدوا المخازن
دمجت أفكاركم النيرة وقمت بتعديل المخطط باللون الأحمر حيث حولت المطبخ التحضيري إلى مستودع، وحطيت كاونتر في الجهة المقابلة.
مشكورين ، وأتمنى المزيد منكم...

السلام عليكم ورحمة الله وبركاته
اختي ورده ماشاء الله بيتك تصميمه واضح ومرتب مافيه تعقيد بس عندي بعض التعليقات الي راح اوضحها على الرسم مباشرة بما اني مهندسة عماره وتخطيط وانشاء الله افيدك قد مااقدر راح انزل المخطط بكره انشاء الله والله يوفقك:27: :27: :27: