السلام عليكم


مروة يا عسل

انا تحت امرك مش حيفرق بلوزة ولا فستان

اختارى وانا تحت امرك ان شاللة الاثنين بس ياريت رقم الصفحة

مش رقم الموديل لان كدة حضطر اقعد اعد الموديلات

وانا اخرة اعد لرقم 10 واتلخبط فيهم كمان ههههههههههههههههههه

انا منتظرة الموديلات ورقم الصفحة

دي الموديلات إللي تقصدها مروة :)

الله يجزاك الف خير ياجود على الاقتراح
ويجزاء الاخوات الفنانات على التفاعل
لاني من زمان حابه اعمل بلايز لبناتي
من الكروشيه بس ماعرفت
مشكووووووووووووورين
************************

صح صح صح عفريتةةةةةةةةةةةةةةةةةةةة
انتي دايما فاهماني عالطاير
الله ايخليكي واينجحك ياررررررررررررب

انتي فعلا طوق النجاااااااااااااة ليا .. ولو اني نعرف انعوم كويس ههههههههههههها

يوكو انتي العسل ياعسل .. اما انا فعسل اسود بعيد عنك .. وحطوه في التلاجة يومين والتالت رموه لانه اتعقدددددددد ومايتاكلش ولا حتى يتزرط يععععععععععععععععع .. شامة الريحةةةةةةةةة
افيييييييييييييييييييييههههههههههههه

يلا نبدا بالسهل البلوزة وبعدين الفستان .. وحبقى افكر في القطعة التالتة ايه هي
مش قلتلك ... وكمان مرة "" بجاحة ما حصلتش ولا عمرها حتحصل ""
حفظتيها الجملة .. اكيد طبعا .. طب كويس .. الحصة الجية سمعهالي

السلام عليكم


الاخت مروة


بص يامروة البلوزة دة معمولة من خمس قطع وهم

الظهر وقطعتين الامام والكمين حلو كدة

احنا نعملها اسهل من كدة ونعملها ثلاثة قطع

البلوزة والكمين ودة حيكون اسهل ليكى

طريقة عمل البلوزة

اعملى سلسة بوران الهنش كاملة يعنى الامام والخلفبس تكون واسعة سنة صغيرة

ثم اشتغلى عليها غرزة الفيلية المتبعة فى الباترون

وهى عامود ثم 2 طائرة وعمود اشتغلى هذة الغرزة حتى الطول المناسب ليكى

فى البلوزة حتى تصلى الى حردة الابط ثم عدى المربعات الناتجة من شغل الفيلية

ثم اقسميهم على اثنين خلاص كدة حنجعل النصف الخاص بالظهر قطعة واحدة

والنصف الخاص بالامام مفتوح من الوسط ماشى طبعا الكم دة مربع حيبقى مفيش حردة

الابط ولكن حنترك خمس مربعات من كل جنب يعنى كل جنب حقفل اثنين ونصف مربع

للظهرواثنين ونصف مربع للامام ثم نشتغل كل قطعة لوحدها مثلا نشتغل الظهر بعد كدة دون

تنقيص حتى حردة الكتف

طبعا الباترون دة مفيهوش حردة كتف يعنى حتقفلى الشغل عادى

لكن لو حبيتى تعملى حردة كتف يبقى تعدى المربعات وتقسميهم على ثلاثة

ثلث للكتف اليمين وثلث لحردة الرقبة وثلث للكتف الشمال

نقفل ثلث الكتف على ثلاث مرات وبعد الانتهاء من الكتفين نقفل الثلث الخاص بالرقبة

مرة واحدة ودة بالنسبة للظهر

اما الامام فنشتغل مثل الظهر مع عمل حردة الرقبة فى نفس الوقت

وحردة الرقبة تعمل هكذا
مش المربع بيساوى 2عامود و 2 طايرة نبدا من بعد حردة الابط فى ترك

غرزة من ناحية فتحة الرقبةيعنى اول مربع من ناحية فتحة الرقبة اشتغلة

عامود وغرزة واحدة طايرة ثم عمود ثم السطر التالى يكون عمود و3 غرزة طايرة

يعنى مش حعمل العمود الثانى ثم السطر اللى بعدة عمود و2 طايرة واللى بعدة عمود

وغرزة طايرة نفضل ننقص بهذا النظام حتى نصل لحردة الكتف وتكون مساوية لحردة كتف

الظهرنقفل الكتف على ثلاث مرات مثل كتف الظهرثم نخيط الاكتاف وكدة تكون البلوزة نفسها

خلصت

ثم نبدا فى عمل الكم

طبعا الكم هنا معمول قطعة مربعة خارجية احنا حنغير فية زى ما غيرنا فى البلوزة

بص يا ستى الطريقة دة سهلة قوى

بعد قفل الاكتاف حنجد ان فتحة الكم عبارة عن دائرتين حدود الدائرة عبارة عن

مربعات الفيلية الخمسة المتروكة لبداية حردة الابط و المربعات الناتجة من

شغل باقية ارتفاع البلوزة لحردة الكم خلاص نشتغل فوق المربعات دة

بدوران الدائرة حتى نصل لطول الكم المطلوب كدة يبقى البلوزة كلها خلصت خالص

نبدا فى عمل الكورنيش للحروف كدة لسة الخيط مشبوك فى اخر غرزة للكم

نبدا بعمل 3عمود داخل ال2 طايرة ثم 3 عمود فوق العمود اللى بعد ال2 طايرة

ثم 3 عمود فوق ال2 طايرة اللى تحتهم ثم 3 عمود فوق العمود اللى بعدهم

وهكذا لعمل الكورنيش ودة مشروح بالتفصيل فى اليلجرام اللى مع الباترون

وبعد الانتهاء من عمل الكورنيش للاكمام نعمل نفس الكورنيش لدوران البلوزة

كلها وكدة تكون البلوزة كلها خلصت ومافيهاش غير خياطة الاكتاف بس

ودة اسهل طريقة لعمل البلوزة

واى سؤال انا تحت امرك

وملبوس الهنا مقدما