بنات مافي غير سالفه هالراتبين اللي جابت الهم معاها
وبينت معادن الرجال وايش اللي تخفيهم صدورهم
من جد حزينه يابنات
يشهد علي الله اني اوفر القمه لو نفسي فيها واخليها لزوجي
ابديه على نفسي
لكن انا قويه الشخصيه حقي ماتركه
بمناسبه هالراتبين سالت زوجي قلتله ليه مسحت المسج تبع رساله البنك اللي فيها يبين المبلغ اللي استلمه
قال وانتي ايش لك شغل
قلتله يالله ليه مالي شغل
قام زعق علي وقالي عاد تبغين اقولها انتي حاسده وتعطيني عين
صرت اخاف اقلك ايش بيجيني وتعطيني عين
ماعمري قلتلك بشي فيه فلوس الا انحست
سيارتي خربت بسببك وغيره كلام يسد البدن
قلتله انا كذا ..
انا اللي حرمت نفسي عشان خاطرك واحرم نفسي من الشي الحلو اللي ماتقدر عليه عشان
اوفر لك
انا اقوم الليل وادعي ربي يرزقك من واسع فضله احسب ان الرزق لنا طلع لوحدك انت
قال انتي حاسده والله يعين اختك المدرسه تعطينها عين
انا بالقوه تمالكت نفسي والدمعه فعيني قلت بما انك اتهمتني بالباطل ودعوه المظلوم مستجابه الله لايرزقك
وهددته قلتله والله لاادعي عليك لين تشوف الفقر بعينك
ورحت الحمام اكرمكم الله وبكيت لين دمعي جف كيف يتهمني بالباطل
لي 4ايام ماكلمته ولافي امل اكلمه الين يتادب
وارسل فلوسي مع بنتي اللي من الراتبين
والله احس مجروحه يابنات تكفون واسوني
يلزم عليك تسجيل الدخول أولًا لكتابة تعليق.
**الشووق**
•
الله يفرج همك ولا تضيقين صدرك كلام قاله فى لحظه زعل
تبين الصراحه عادي مشيها اذا رضيتوا حاكيه باسلوب ودلع وأنها حزت بنفسك وانتم مروقين بعدين كيف تخليه اربع ايام ماتحاكيه ماتخافين انو يطلع ومايرجع ولا ينام ومايقوم عاتبيه بذوق وخلاص الرجال اذا بتزعلين وتاخذين بخاطرك من كل هرجهم والله تنجلطين بس لازم تصبرين الحياة عبره ع قوله أمي فاعبريها بسلام
لاحول ولا قوة الا بالله
اقرصيه حتى يتأدب
اغلب المواضيع بالمنتدى عن هالراتبين بدل مايفرحونا يزعلونا
اقرصيه حتى يتأدب
اغلب المواضيع بالمنتدى عن هالراتبين بدل مايفرحونا يزعلونا
الصفحة الأخيرة