قتل روحها الجميله ..... الله يسامحه ويعوضها في الفردوس

السلام عليكم
انا اليوم جايه افضفض احس اني حامله هم اكبر من سني بكثييييير يابنات اانا بين نارين نار امي ونار ابوي بعطيكم نبذه عن هذي المخلوقه العظيمه في عيني وعيون ناس كثير مو لانها امي لا والله لكن ابوي يستحقرها ويذلها كثيرماانكر انه يوديها المستشفى ويجيب كل الطلبات ولايقصر من هالناحيه لكن المعامله الطيبه اللي تحتاجها و حتى ابين الصوره هالانسانه كانت مدلله عند جدي الله يرحمه وكانت متعلقه فيه بشكل كبير كان موبس اب كان صديق وام وكل شي وكان يحبها كثير ويعزها كانت متفوقه في دراستها كانتذكيه وفطينه والله على مااقول شهيد وابوي كان يتيم وعايش مع جدي كان يعامله معامله قااااااسيه مره وضرب وقساوه وجلافه لابعد حد مع والده وتزوج ابوي امي وعاملها معامله قاسيه ماتعودت عليهاواصيبت من كثر السب والشتم والكراهيه والضغط النفسي بمس اثر على حياتهاابوي عصبي صدق لكن قد يكون للمس سبب في المشاكل اللي بينهم والتنافر اللي بينهم اكتب لكم وقلبي محروق عليها والحمد لله على كل حال لا انا قادره انفعها بشي ولا اعوضها وبس ابكي وقلبي يحترق عليها امس قاعده تسولف لنا عن جديوعن تفوقها في الدراسه وعن ايامها فجأه غطت على وجهها وبكت جديله حول 15سنه متوفي ومن يوم توفى تأزمت حالتها كثييييير وصار بحياتها فجوه كبيره وازداد المرض الروحي وصارت طول وقتها بغرفه لحالها تتذكر جدي وحياتها كيف كانت وطفولتها لدرجة اوقات تكون جالسه معانا وذهنها شارد وفجأه تترحم عليه مو قادره تنساه ولو شوي حاضر بحياتها بكل وقت وبعد وفاة جدي ازداد طغيان واستحقار ابوي لها وتخيلوا وهي نايمه الله لايوفقها الله يلعنها الله لايسامحها بس لوةصدر خطأ بسيط منا ولا تأخروا البنات عن المدرسه قال السبب منك وانتي فيك وانتي فيك واللي خلق السماوات السبع والاراضي وسخر الجبال ان امي مافي زوجه يمكن تقدر زوجها مثله لدرجة توصينا عليه تقول ابوكم ضلمني في حياتي ونكد علي لاكن لاتعصونه انا هنا مااتحمل قلبي ينحرق حرررق وهو والله ماغير يسب فيها ويلعنها حتىى اوقات تقول سمعتهاليوم وش قال فيني اوقات تبكي واوقات تدعي عليه اوقات مع هذا كله تمزح معاه بمزح عفوي يزعل ولايعطيها وجه واوقات اذا كنا جالسين وهي معانا حتى السؤال عن شي هي المفروض يسألها مايسألها !!! تطنيش واستحقااااار احس بينهم نفور مو طبيعي حسبي الله على هالمرض ربي يفك لها منه رمضان اللي فات تسامحواوفي الغالب هي اللي تطلب الصلح لكن رجع ابوي وزعلها ونفس الموال تقول انا مقدر اروح واترككم هي عاطفيه بزياده ولو راحت عند اخوانها مارح تلقى منهم وقفه ياماشكت منه وياماتعبت روحها واخوانها يقولون ليش قاعده معاه بس مااحد يوقفه عند حده ابوي عالعين واللراس واحبه مثل مااحبها لكن ذي امي ضعيفه وانت متعبها من جهه ووفاة ابوها من جهه ومرضها من جهه هي تقول لوتركت عيالي بنحرم منهم ومابتحمل فرقاهم عشان كذا صابره ومتحمله واذا كلمت ابوي لااراديا ابكي بكاء شديد وانفعل واتذكر مرضها وانها اوقات ماتنام في اليوم الا 3 او 4 ساعات واتذكر وجهها التعبان الحزين ويرجع اوقات يدعي علي بعدم التوفيق يبيني اوقف معاه اوقات اقول يارب تتطلق وتتزوج احد غير ابوي لان امي صغيره والله يعوضها عن الفقد اللي عاشته انسان يحسسها بقيمتها اللي فقدتها من توفى ابوها حتى الدراسه على تفوقها ماخلاها تكمل آه يااميربي يعوضك في شبابك وروحك اللي تعبانه ويجمعك بجدي وترتوين من حنانه ومااقدر اقول لابوي غير الله يسامحك ظلمت امي وظلمت نفسك وتعبتها وتعبتنا معاك 💔💔💔 مابيكم الا تدعون لها بالشفاء والثبات وان ربي يعوضها في الجنه ولاتدعون على ابوي لانه بالاخير يبقى ابوي وكان جدي هو السبب في نفسيته وعصبيته وهنا المصيبه وهنا النار اللي محرقتني حتى في الدوام اقعد ابكي وفي السياره ابكي ... كانت مجرد فضفضه من قلب محروق ومحتار بين ناري تكفون بنات لاتنسونها من الدعاء بتفريج كربها وشفائها الله لايحطكم مكاني ولايجعلكم تشوفون امهاتكم بذا الوضع .