![الجو]222](https://cdn.hawaaworld.com/images/user_avatar.png){kind=avatar}
الجو]222 @algo222
عضوة
قدامهم ابتسم واضحك ومن وراهم ابكي وانقهر ؟؟
مرحبا بنات
انا ترددت وايد قبل لا أكتب مشكلتي
انا يا بنات كل يوم ابكي:44: في داخلي ولا اقدر اقول لأي أحد على الى في داخلي
أعرف ان مشكلتي ماره على وايد من البنات بس حبيت افضض واطلع بالقهر:( الى في داخلي
انا يا بنات صار عمري 32 سنه ولا أحد اتقدم لي وانا البنت الوسطى في عيلتنا يعني عندي اخت أكبر مني ومتزوجه وعندها عيال واختي الثانية عمرها 20 سنه وحبيت اقول لكم اني مو من النوع الى كنت حاطه موضوع الزواج وايد في بالي لأني شالغه روحي بس من وقت من صار الى صار تغيرت 180 درجه
بنات وصلني تليفون : انتي فلانه قلت : نعم آمري ردت : انا جارتكم الى كنت مسافره من خمس اسنين قلت : هلا والله آمريني يا أم فلان ردت : بصراح ومن دون ما أطول عليكي أنا شفت أخت معاكي بالسوق وعجبتني وانا ناويه اخطبها حق أخوي ساعتها وكأن الأرض أنشقت وتبي تبلعني والله يا بنات دارت فيني الدينا ما عرفت شرد عليها لكن تمالكت روحي وقلت لها أصير خير ****لله قفلت الباب وتميت ابكي ابروحي ولحد يدري عني وقتها حسيت بالموضوع الى ما كنت حاطته في بالي يعني انا كبرت عرفت كلمة عانس عرفت ان مالي نصيب حتى اختي الصغيره يخطبونها ، صدقوني يا بنات اني ما بينت حالتي النفسية للأهل وللأختي خذت الأمور ببساطة قدامهم شاورت أمي وبالفعل تم الموضوع وتمت النظرة الشرعية بين أختي والولد الى ياي يخطبها وكل تطور اصير قلبي عورني لأني اكون متمنية ان اصير لي هذا الوضوع قدامهم اكون فرحانه ومبتسمه ومن وراهم ابكي ، والله يا بنات اني كل ليلة ابكي ابروحي بدون ما حد يدري عني ، وكنت معاها في كل لحظة من فترة تجهيز حق حفلتها بس اقول لكم اني كنت انقهر اشوي لما اختي الكبيرة تاخذ اختي على جنب واتفهمها على حياتها اليايه وأقول لكم على موضوع حسيت اني صغيره فيه وأثر في نفسي (( مره كان خطيب اختي داز لها مسج جان اتقوم اختي واتوريه اختي الكبيرة حتى اتفهمها شترد عليه فيه جان اقول لها وريني المسج جان اتقول آسفه هذي مسجات خاصة بس للمرتبطين )) ساعتها صار فيني قهر غير طبيعي
المهم صار كل شئ وتمت الملكه على خير ويت الحفل وكنت كاشخه وايد وكل من شافني انبهر من فستاني ، مكياجي ، جمالي لكن صار لي موقف ثاني (( دخلت الحمام في الصالة ليلة الخطوبة جان اسمع وحده من المعازيم اتقول حق صديقتها (( شفتي فلانة خت العروس مسكينة صكت الثلاثين ولحد الحين محد تقدم لها رغم جمالها وحلاوتها وخفت دمها لا وتشتغل بعد لكن تدرين انا لازم اخبرها عن الخطابات )) ساعتها حسيت ان قلبي طلع من مكانه معقولة وصلت يا بنات لهذي الحاله الكل يتكلم عني
هذي مشكلتي يمكن ما لها حل بس حبيت افضض يكمن ينزاح عن صدري اشوية من همومه
42
3K
يلزم عليك تسجيل الدخول أولًا لكتابة تعليق.
هلاhh
•
حبيبتي ماتدرين وين الخيرة فيه
وكل تأخيرةفيها الف خيرة
وصدقيني رزقك للحين ماجاء
اكثري من الاستغفار وقيام الليل
والله يوفقك ويرزقك الزوج الصالح اللي يسعدك ويهنيك يااارب
وكل تأخيرةفيها الف خيرة
وصدقيني رزقك للحين ماجاء
اكثري من الاستغفار وقيام الليل
والله يوفقك ويرزقك الزوج الصالح اللي يسعدك ويهنيك يااارب
الصفحة الأخيرة
وان شاءالله ان شاءالله راح يرزقج بولد الحلال .. لي ترتاحين له
تدرين انا يوم حد يسألني يقولي انخطبتي .. كنت اقولهم وين .. الريال بعده مضيع مايدل بيتنا ^_^
مضيع الخريطة
حبيبتي خذيها مني كلمه الزواج ستر بس والله والله انه تعــــــــــــــب تعب مايوووصف وانتي شابفه اشكر المشاكل
عيشي واستانسي وفرحي .. وان شاءالله الله بيرزقج بولد الحلال .. يملي عليج هالفراغ كله