بقولكم يابنات على قصة حياتى هههههه انا ون يوم تزوجت اول شهر حملت وجبت خدامة وجلست 3سنة وراحت وبعدة حملت وجبت خدامة الان لة 3 سنة عندي وبي تسافر بعد 3شهور وبتي شقة وعندي ولدين وفكرت الحمل شيالة من بالي يعني بعد 3سنة ومني عارفة كيف انظم وقتي بعد ماتروح وبقلكم شي من واقع تجربة الخدامة راحة جسدية وتعب نفسي والله يعين الجميع

الحمدلله في احد مثلي
لحظة خلوني اكفكف دموعي
متأكدين انكم زيي ماعندكم شغالات و موظفات وا3 اطفال 7و6و1ونص
قولوا لي كيف عايشين والله اني ماحس اني انثى
كنت متعوده على الشغالات وهذا عيبنا عند اهلينا
نسيت اكمل شكوتي وبيتي كبير وسيراميك
وبعدين بكمل عندي اخوي بروح وارد لكم اكمل

هلا
رجعت لهالموضوع...
انا بعد فتره من الاستغناء لقيت ان الشغاله ضروره...
مو لان بيتي كبير...ولا لان ضيوفي كثار..لالالا
لان ازواجنا مايساعدون ابد
ولان ضيوفنا مايرحمون ابد...يعني ماتقدرين تحطين لهم شي بسيط وانتهينا اهم شي ننبسط سوا
لازم الاصناف والمواعين والكشخه
تموتين والله
ولو ان اجمل ايام حياتي يوم ارتحت من وجودها...لكني جبت الحين

طيب يابنات اللى ماعندهم شغالات كيف تلحقون الطبخ والغسل والاطفال
انا اذا اشتغلت ماطبخت امشي باي شي عادي و خفيف
انسى نفسي و كشختي احسني شغالة ونفسيتي زفت
ارجع من الدوام حالتي حاله
الله يخليكم قولوا لي كيف تسوون

السلام عليكم ورحمة الله وبركاته

تزوجت بعد الثانوي مباشرة وكملت دراستي وجبت خلال 4سنوات خادمتين
وبعد تخرجي من الجامعه قعدت خمس سنوات بدون خادمه قدرت أصمد خلالها ولله الحمد والمنه
وكان وضعي ممتاز
لأني دائما" أفكر
إن الوضع تحدي وأنا قد التحدي
أحيانا"
تمرعلي حالات غريبه
وماودي أشتغل في البيت
وأحس عمري رآح
اليوم مثل بكره مثل بعده
والعمر يخلص والشغل مايخلص
لكن الحمد لله أتغلب عليها
وأتعوذ من الشيطان
لأني أعتبر العمل في البيت عباده
ومأجوره بإذن الله
وبعدين توظفت وإضطريت أستقدم خادمة
ولماسافرت أخذت إجازة لمدة شهرين وجلست بدون خادمة حتى شرفت الجديده
لكن ما أعتقد حاليا" أقدر أصمد مثل أول
أول كنت فاضيه وربة بيت
وحاليا"
دوامي سبع ساعات وإرجع هلكانه من التعب
والله يعينا عل الخدم
شر لابد منه