قدرت استرجع صحة شعري ب6 ساعات .. وانتي بعد تقدرييين

مساكم الله بالخيير خواتي :)
اليووم يايبتلكم موضوع من واقع تجربة شخصية ..
مثل ماتدرون انه الحلبة ريحتها موحلوة .. بس كثرماريحتها موحلوة حبيتها :)
تدرون ليش .. لانها رجعتلي صحة شعري الي كنت فاقدتها :)
شوفوا الله اسلمكم .. انا يدتي تقريبا بشكل يومي تحن علي عشان احط حلبة وانا الصراحة اشمئز من ريحتها .. ومن كثر ماحنت علي .. قررت اجربها واشووف شبصير .. !!!
حطيت الخلطة والي كانت عبارة عن :" حلبة + ثوم + حل " ..
ولمعلوماتكم الخلطة ماصارت من جهل ..
الحلبة ---- يعطونها للوالدة بالنفاس لتقوية عظامها ويعطونها الحصان بعد :)
الثوم ----- يستخدمونه لعلاج الثعلبة (مرض بالرأس يطيح الشعر)
الحل ---- دهن شعر اكثر من يستخدمه الهنووود وماله داعي اقوول اشلون شعورهم

ويوم حطيت هالخلطة قعدت فيها مدة 6 ساعات .. وقعدت فترة 10 دقايق بالشمس ( الشعر يحتاج الشمس مع الدهن ) ..
وعقب ماغسلت شعري .. لاحظت تغير رهيييب عليه .. لمعة + ملمس عجججيب .. ومن يومها وانا كل جمعة احط هالخلطة وادعي حق يدتي :)
فا ماحبيت اني اصير انانية ومااقولكم عن هالخلطة .. وجربوها وادعووولي انا ويدتي :)
وشكراا لوقتكم :)