السلام عليكم
اول موضوع لي في الحلويات اتمنى تشجعوني لاني فنانه حلويات عشان اتحفكم بحلوياتي
قدره قادر اللي الاغلب يشوفه حلى صعب ومو اي وحده تضبطه
انا طنت مثلكم سويته اول مره طلع حلو بس ريحت البيض صدعتني وانا مااحب البيض في الكيك
وجلست اكثر من ست شهور وانا ماسويته صرفت نظر عنه وفي يوم من الايام رحت عند اهلي واقول لاختي بنسوي في الليل اذا نيمنا البزراين قدره قادر ونحطها بالثلاجه وننام وسويناها وجلست اكثر من ساعه ال ربع والكيكه مانتفشت ولاحتى طلعت على الكريم كراميل الكريم كراميل كان فوق يعني خبيصه
وانا رايحه جايه اتفقدها الا شوي اسمع صياح هستيري وضحك اثاري اخت انتبهت انا ماحطت بكنج بودر وصارت من قدره قارد الى ولله في خلقه شؤون
لاكن مايئست قمت ثاني يوم الساعه 11 ونص واسويها وادخلها الفرن الساعه 12 وعشر الين الساعه 1 وعشر واطلعها وادخها الثلاجه الين 3ونص بس واطلعها واقلبها وطلعت تاخذ العقل وكل مره عن مره اسويها تضبط اكثر واترمس فيها
كنت اسمع اناها اقل شي ست ساعات ووووو عشان تضبط لكن والله طريقتي سهله الحمدلله وثلاث ساعات واقلبها وتطلع تجنن
شوفوا الصور لو كنت عارفه اني بنزلها كان صورتها وهي مقعه لكن صورتها عشان ارسلها لاختي واكيدها
278348
278349
278350
278351
هاه اشرايكم
تبغون الطريقه ولالا
قبل كل شي جهزي صينيتين وحده للكيك ووحده تدخلي فيها الصينيه عشان الحمام المائي وحطي بصينيه المويه مناديل بالوسط وحطي الصينيه وحطي السكر الجاهز اللي مع الكريمه انا اسوي كذا
الطريقه سلمكم الله هي
اول شي نسوي الكيكه ونخليها على جنب ومقاديرها بالكاسه الصغيره لان انا اسوي بصينيه صغيره
كاسه حليب
كاسه سكر
كاسه ماء
نص كاسه زيت او اقل بشووووي
وملعقه نشاء (هذا حسب الرغبه )
نخلطها الين مايذوب السكر ونضيف كاسه دقيق وملعقه بكنج بودر ونخلط انا احبها الكيكه سميكه فازد ابو نص الكاسه او اكثر بشوي دقيق ونخلط ونسيب على جنب
نروح على الكريمه انا اعملها بهالطريقه وهي طريقه وحده في المنتدى اظنها مون سهيل
كاستين مويه
اربع ملاعق حليب
اقل من ربع الفنجان قهوه سكر
ونسيبها الين ماتفور ونضع عليها ظرف كريمه الين ماتفور ونسكر عليها النار
طبعا انا كتفي بسكر الكريمه احطه بقاع الصينيه
بسرعه نحط الكريمه بالصينيه طبعا لازم تكون الصيينيه جوات الصينيه بتاعت المويه ولانحط المويه الا اذا خلصنا من الكريمه وخليط الكيك
واذا خلصنا الكريمه نحط الكيك في الوسط من غير توزيع
خذي كاسه وعبيها مويه وصبيه في صينيه الحمام المائي الين النص او اكثر بشوي عشان مايطلع على الكيك لما يغلي في الفرن لان لو طلع على الكيك راح يروح تعبك ع الفاضي
دخليها الفرن بشويش وسيبيها على حراره 200 او اقل بشوي وسيبيها ساعه او الين امتستوي ممكن اذا قل الوقت ساعه الا عشر كل وحده ع حسب فرنها
حاولي قد ماتقدري انك ماتفتحي الفرن ابد
الحين نجي لااسرار نجاحها
اما انك تكوني واثقه من نفسك وتطلعيها منا لفرن بدون ولا حركه عشان الكريمه لو تحركت راح تكون بعدين لما تجمد فيها مطبات او طعجات
او تخليها بالفرن الين ماتبرد ويجمد الكريمه من حالها وبعدين تطلعيها وتحطيها في الثلاجه هذي ماجربتها
انا اخليها ثلاث ساعات او اربع واقلبها بس الحق ينقال الاحظ لما يبقى شي واكله اليوم الثاني يكون طعمه الذ كانه حلى ثاني
اتمنى يعجبكم وتجربوه وشجعوني اذا تبغوا ابداعاتي لاني كسوله
ولاتحرموني من جميل دعواتكم
ام الحلى كله @am_alhl_klh_1
كبيرة محررات
يلزم عليك تسجيل الدخول أولًا لكتابة تعليق.
ahha1234
•
الصفحة الأخيرة