هذه تجربتي بقدر الشوي ايزوك والي شريته بعد موضوع الأخت مرت الدب المملوح ... بصراحه القدر اعجبني خاصة للشوي للبطاطس والدجاج روعه ..بس حبيت اجربه في الرز وطلع حلو وناويه ان شاء الله اجربه مره ثانيه بطريقه افضل ...
المهم نجي للطريقة التجريبيه
في الأول جبت صينيه اقدر احطها بالقدر ايزوك حمست البصل والطماط مع شويه بهارات وبعدها وضعت الأرز ثم وضعت الصينيه في القدر .
اضفت الماء المغلي حسب كمية الأرز .
تبلت الدجاجه بالبهارات والملح والكركم وحطيتها على الشبك الطويل بحيث تكون الدجاجه فوق الأرز وأي زيت او ماء ينزل على الأرز مثل المندي ..
غطيته وتركته تقريبا ثلث ساعه انشوت الدجاجه وطلعت محمرة ومشويه لكن الأرز بما انه كان نازل شويه طبخه كان بطئ طلعت الدجاجه وخليته ياخذ راحته ورفعت على الحراره ..
بعد ان استوى النتيجه كانت كبسه لذيذه والمره الجايه راح اقلل الماء علشان يكون الأرز نثري اكثري والغي الطماط " مدري ليه حطيته "
والبطاطس تبلته مثل طريقة الأخت " سجلت خلاص " وشويته بالقدر وطلع ولا الذ ... باقي اجرب سلطة المشويات في وقت قريب ان شاء الله لأن شكله مخصص للشوي اكثر شئ ..
اترككم مع الصور
صورة الأرز
وضعت الدجاجه
اثناء الطهي
بعد الأنتهاء
وهذا البطاطس المشوي
