السالفه حقيقه وليست خيال ...
زميله لى بالعمل معلمه ... دائم تورينا صور خاصه لها بجوالها
هذه صورتى بالحديقه الفلانيه
وهذه صورتى بحوش بيت أهلى
وهذه صورتى بسفرتى الاخيره للديره العلانيه
وهذه صورتى بزواج ولد خاله عمتى
وهذه صورتى بملكه بنت اخت ام جيراننا
وهذه صورتى بصاله بيتى
و............
وصور
بناطيل
وقصير
ومكياج
باعتبار أنها صور خاصه
قلت لها
يافلانه
تعوذى من ابليس
وادحرى الشيطان وامسحى الصور
لو جوالك ينسرق
او يضيع
او ....
والصور وش مصيرها
قالت:
خلى عنك الوسوسه انا حريصه
مايروح من يدى ...
وفي يوم ماعندى درس
بغرفه المعلمات اصحح الكتب
لقيت جوالها على مكتبها ...
وهى طالعه ... تجهز غرفه المصادر عندها درس
سول لى الشيطان وأخذت الجوال وحطيته على الصامت
واخذته معى ... ودق الجرس
وطلعت حصتى بكل قلب جامد
ورجعت الا الدنيا قايمه
جوال ابله فلانه انسرق !!!
لا لا
جيت عندها وقلت لها
عسى ماهو غالى !!!
قالت والدموع بعينها
ماهمنى سعره
صورى !!! صورى
وش اسوى
يارب الستر
وتركتها تضرب كف بكف
وتقلب بالغرفه
وتحوس تدور
وانا ساكته
ويدقون عليه صامت مايسمع
وطلعت الاقاويل
فتشوا البنات
اسئلوا العاملات
تهقون الفصل الفلانى حاقد عليها
لانها عاقبتهم ذاك اليوم ,, وسرقوا جوالها
ومن بعيد ......
اشوف صاحبه الجوال حالتها حال
ولا,, لان القلب لها او رحمها
وهى تقول:
وش اقول لزوجى !!!
والله لو يدرى بيذبحنى انا وصورى
والله لو احصله
امسح كل الصور
توووبه!!!!
>>> حتى انا بعد توبه !!
ماعاد احط لى ولاصوره
هنا
كانه الضمير عندى صحى وطلعت الجوال
ورجعته لها
وهجيت من قدام وجهها
خفت من رده فعلها
بس نفذت وعدها ومسحت كل الصور
لاتحطين صورك بالجوال
مشتاقه لخشتك
شوفى المرايه تمقلى لين ماتشبعين
صور الجوال
بعضهن مليان صور اختها
وبنت اخوها وبنت خالتها
كبار !!!
ماتخاف يطيح بيد احد من اخوانها او غيرهم ويشوف الصور
زميله ثانيه
حاطه صوره ملكه اختها بجوالها
وبالغلط !!!!! شاف زوجها الصور
وعرفت انها بمصبه لما نطق الزوج
والله محظوظ اللى خذا اختك وش الزين !!!!!
كم وحده نست جوالها بسياره اجره
او مع السائق
وش مصير الصور !! الا وسيله ظغط
عيشت زميلتى برعب
ثلاث ساعات
كانت كفيله
انها تاخذ قرار صح
وتابت هى بعدها تحط صور
وتبت انا اسرق جوالات ......
المشكله الحين اى جوال ينفقد
!
يقال وينها حراميه الجوالات !!