قدر الله وماشاءفعل تقرر لي اكيد عمليه تعالوا شورو علي وين اسويها ونصائحكم بعدالعمليه

الله يفرج همك بالنسبه للمشاري زوجة اخوي والده فيه من 8شهور تقريبا وتمدح فيهم اذا بتولدين في اهلي ارشح دله بصراحه واذا عندك ضيق بالحوض خلاص الولاده تكون قيصري والحمد لله لا تخافين صارت الان سهله والله يسهل امورك

الله يعطيك العافيه أوشن دريم
طيب دله من ترشحين من الدكتوره
وزجت اخوك لما زرتيها كيف كانت غرف المشاري زينه يعني نظيفه اهم شي نظيفه وشكلها مقبول ما تهمني الفخامه بس ابي يكون حاو ونظيف ومرتب مو اثاث قديم ومكسر
ووش راي زوجه اخوك في المستشفى وعنايتهم والممرضات

نسيت اسأل لو فيه مستشفى حكومي بيقبل حالتي اني قيصري لان الجنين مقعدي والحوض صغير ما ابي يجربون فيني جفت ولا طلق او احتمال يقلب او نصبر
اذا فيه مستشفى حكومي اذكروه لي
يعني العسكري ممكن يقبل لو اجيب واسطه فيه
او خالد الجامعي مثلا وهل خالد الجامعي هو الي فيه طلاب تدريب الطلاب يجلسون يجربون فيني
او الشميسي وهل صحيح مجددينه
انا ما تحمست للحومي ابد بس ارضاء لخاطر زوجي على انه والله ماله دخل في الحساب الولاده علي وقايل بيكفك بس مدري وراه مره يقول بكيفك ولدي في اهلي اهم شي سلامه الجنين وخصوصا اننا ننتظره لنا فتره وجاء بعد علاج للزوجي ومره يقول ما ودي تخسرين فلوس وهي قيصري سويها في حكومي احسن لو طبيعي روحي لأهلي

الولاده تساهيل من ربك

تلقين ثنتين ولدوا بنفس المستشفى وحده تمدح وحده تذم

ربك بيهونها عليك ان شاء الله

قولى يارب

انا مو من الرياض فما اقدر افيدك بالمستشفيات
لكن الولاده القيصريه انا مجربتها
والله انها خيار سهل ومريح للحوامل اللي تتعسر ولادتهم لاي سبب من الاسباب
صدقيني انا جربت الطلق شي لايوصف تشوفين الموت
وجربت العمليه راحه مابعدها راحه من حيث الطلق
صحيح تجلسين حول الثلاث اسابيع بعدها تعبانه واول اسبوعين يالله تقومين
مقارنه بالطبيعي اللي من ثالث يوم صاحيه

لكن بالنسبه لي هي خيار مريح و والله لو انتي من النوع اللي طلقك حار وتشوفين الموت راح تفضلينها لولاداتك الباقيه
لكن للاسف هي ماهي خيار للحامل زي الغرب

عموما انصحك بالمشي ثم المشي بمعنى لا يخدمك احد انتي اللي قومي اشربي المويه وجيبي لنفسك العصير
وسيري للمجلس والصاله وطلعي ثيابك من الدولاب يعني مارسي انشطتك بنفسك
وشي ثقيل لاتشيلين الا بعد 6 شهور

وبس فيما عدا ذلك انتي زيك زي اللي والد طبيعي من كل النواحي