ادارتنا الموقره ياليت تخلون موضوعي هنا
لأن نسبة المشاهده اعلى وان شاء الله الاجر لي ولكم
/
موضوعي اليوم بسيط وميسر بس يحتاج تفكير واعادة نظر !!
بسألكم سؤال ..بنات تضمنون تعيشون للأبــــــــد
تضمنون ان الاعمال اللي قدمتموها ترضي الله تعالى وتدخلكم الجنه ؟
طيب ..ابغى كل وحده فيكم تسأل نفسها سؤال هل انا صح هل عملي صح
بنات انا ماازكي نفسي والله اني شايله هم ربي مو راضي عني
وادعيه يهديني اتبع الطريق المستقيم
/
\
اعتبروا اللي فوق مقدمه
\
اصل موضوعي اني اذكركم انو احنا امهات ومسؤولين عن اجيال
وعن مستقبل وعن حضاره وقبل كل هذا مسؤولين امام الله ..
وتذكروا ان الله ماخلقنا عبث وانا محاسبين على كل صغيره وكبيره !
وابدأ بحديث "قوله صلى الله عليه وعلى آله وسلم : "أَلَا كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ فَالْأَمِيرُ الَّذِي عَلَى النَّاسِ رَاعٍ وَهُوَ مَسْئُولٌ عَنْ رَعِيَّتِهِ وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ أَلَا فَكُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ""
كل وحده تروح تشوف دولاب بنتها
وشو نوع ملابسها ؟؟ تشوف جهازها وش فيه من صور واغاني
طيب تروح لولدها تشوف الكدش والسبايكي والسلاسل والملابس اللي مدري وش تبي
بنات انا ادري اني كثير منكم مربين عيالهم بس برضه في كثير لا مو كذا !
والله اننا مسؤولين امام الله عن امه قادمه والله اني اخاف يتعلقون ابناءنا في اعناقنا يوم القيامه
لسوء ماعلمناهم وربيناهم
اطلب منكم طلب حاولوا قدر المستطاع وابرؤا ذماتكم بالنصيحه والتعليم ..ابغى كل وحده تقرا حديث وتفسره وتجلس مع عيالها تعلمهم تذكرهم بالحلال والحرام بالغلط والصح (كوني داعيه في منزلك )
احنا والله في زمن كله فتن .. ! حرام نترك عيالنا واهلنا ..من غير ماندلهم ع الطريق الصح
نذكرهم بالله وبالاخره وبالرسول وبآخر الزمان بالمسيح الدجال< حتى التخويف يجيب نتيجه
صدقوني لأن هذي حياة مو لنا حياتنا ان شاء الله في الجنه والله ماخلقنا الا لنعمل ونجتهد
..ادري كلامي ملخبط بس هذا اول موضوع لي لاتشرهون :unsure:
وانا قصدي نصيحه لوجه الله
ياليت تراجعون انفسكم وفي نقطه اقلقتني كثير ايش اللي صاير وكيف الاهل صاروا يسمحون لبناتهم يلبسون
القصير واللي فوق الفخذ الحين امهات والله فتحة الصدر تصرخ والبنات الفخذ يقول شوفوني :blink:
شيء مخيف و محزن بكرا ايش بنشوف ياربي ..هنا اقول انتم الامهات وانتم المسيطرين على الوضع
لاتسمحون لبناتكم واولادكم ينجرفون خلف تيارات التطور المهلك والتطور العقيم ..
تذكروا محمد صلى الله عليه وسلم كم صبر واوذي عشان يعلمنا امور ديننا ..نجي احنا وعيالنا نحرف وننحرف !
.. الصدق مو تحريف الا تقليد اعمى لليهود والنصارى في حياتهم و لبسهم ..وكلامهم!
بذكركم بحديث النبي عليه افضل صلاة وتسليم روى الشيخان عن أبي سعيد الخدري رضى الله عنه قال: قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه"
عارفين ايش يعني القذة بالقذه < يعني تتبعونهم اشد الاتباع ومنهم عشان نتبعهم واحنا اللي نصرخ ونقول
قدوتنا رسول الله الحين صحيح هو القدوة والا مين بالضبط ؟
/
\
في الختام اتمنى محد يزعل من كلامي
ولاتنسون الدين النصيحه
والله من وراء القصد