انا استخدمتها عشان اسمن ماسمنت ولا كيلو ..


وبالنسبه لشعري يعني مالاحظت ولاشيء

سبحان الله البارح شفتها والله مع سلفتي وتمدح فيها كثير تقول شعري اتحسن عليها وما لاحظت سمنه ولما راحت لاهلها بااجازة ابين الفصلين انبهرو من شعرها يقولون وش مسويه شعرك كاثر ويجنن قالت من هالحبوب قرت عنها باحد المنتديات واستعملتها على طول وشعرها ماشاء الله طايا وكاثر
بس حبيت انقلك تجربتها لاتحرميني من دعواتك

الصوره ما طلعت لي بس اذا بتقصدين هذي العلبة واللي جواتها لونها غامق على شوكولاته فهي مرررررررره روعه وافضل من كبد الحوت وربي انها رررررررررروعه مره وانتي مو خسرانه شي لئنها اصلا فيتامينات

ياجماعة الخير اربع صفحات فيها نقاش وقلت وقالت وحماتي وسلفتي وللمتزوجين ول........

نعنبوا الشيطان ماتعرفون تقرون انجليزي ؟؟؟ ماتعرفون تفرقون ؟؟ وش ذا

خلاص قولو فلتريت وبس

سفن سيز ومدري وشو

هذي شركه اسمها السبع بحور تنتج انواع متعدده من الفيتامينات والمكملات الغذائية

مثل جي ان سي اللي عندنا فروعها مالية الارض والسماء وغالية على الفاضي

هذي شركة ممتازة

وبعدين تعالوا وش سالفة التسمين عندكم ؟؟؟

عمركم شايفين ( حديد ، نياسين ، فسفور ، وزنك وفيتامين بانواعه ، وفوليك ... يسمن ؟؟)

عمركم سمعتوا عن حديد يسمن

ولا فيتامين يسمن ..

إلى متى وانتم على وجيهكم غمة سوداء تحيط بكم إلى متى كل وحده تلعب على الثانيه وتنقل تجارب أغلبها كاذبه (سامحوني لكن انتي في مجتمع كل وحده ماتعرف الثانيه إلا من النك نيم تبعها)

ياشيخه متعيجزه تدقين على صيدلة السقاف او النهدي او بيت الصحه وتسألين الصيدلي ؟؟

صيدلي مكرس حياته للمهنه تجين تسألين وحده عمرها 18 عن الفوائد ؟؟ عجبا !!


زيت كبد الحوت مايسمن
اي فيتامين مايسمن


بس إذا جينا طال عمرك وسويتي دلة قهوة وجبتي صحن الحلى واكلتي حبة فيتامين وركبتي على الميزان وصرتي زايده كيلو ولا كيلوين وقعدتي تصيحين وترجعين السبب إلى الحبه المسكينه !! بصراحه مادري وش اقول .


اي فيتامين مايسمن ومسألة انه يفتح الشهيه مو يفتح الشهيه بس تحسين انك بعافيه لمن تاكلينها تحسين انك طبيعيه وتحسين بنشاط ومعروف الواحد لمن يحس بنشاط تزيد عنده القابليه للأكل ..

هي تحسن وظائف الدماغ والقلب والعضلات والطحال وال...... وبكذا تحسين انك مبوسطه ومستانسه ونشيطه


اقول بس بلا تسمن بلا خرابيط .

والاخت العزيزه اللي تقول ان الجينسينج ماينفع إلا للمتزوجين ..

ترى الجينسينغ ماتنحصر فؤائده على تحسين الطاقة الجنسية فقط .. له منافع حتى للاطفال ومرحلة البلوغ ..

مشكلة العقل المنغلق بنعجز وبنموت وإلى الحين عندنا قاعده ( هذا مايصلح إلا للمتزوجين )

وإذا جينا لسالفة ان بعض الكبسولات تسمن نعم فيه ادويه تساعد على السمنه انا مااقول مافيه ادويه تساعد على السمنه فيه بس مو اللي انتم حاطينها وغالبا ماتكون تحتوي على الكاربو هيدرات والعسل والمكسرات والجيلوكوز .... إلخ )

الله المستعان .

واسفه إذا طولت او بالغت بتحمسي بالرد .. لاني من جد رحمت كل وحده تعتمد على زميلتها في اخذ النصيحه

اقدر الحين اقوم اتفلسف عليكم واقول اختي اخصائية تغذيه وتقول انها تسمن واحرم كل وحده شاريتها او بتشتريها الصحة والعافيه والشعر والجمال عشان كذبه اقد العب عليكم .. لاتاخذون كلام غيركم بالجد ، مااقول كذبوهم ولا اقول صدقوهم
انا اقول اسألي استشاري اسألي دكتور أسالي صيدلي ..

بس مو كل من جرب تروحين تسألينه ..

ملاحظة : بعض انواع الفيتامينات لها رائحة نفاثه غير محببة لهذا تطلى بعض انواع الفيتامينات بمادة سكريه او منكهات كالشكولاته الصناعية او النكهات مثل البرتقال والفانيلا .. لتحسين الطعم فقط حيث لايؤثر على سالفة السمنه حقتكم .

تحيتي .

والله يااختي انا اليوم اشتريتها وشكلي انا وانتي اول التجربه بس الصوره مو طالعه عندي بس **** الله يفيدنا