لا بس صار لي العكس وتنرفزت من هالشي ! لان احس مو طبيعي هالشي عموما على حسب كلام البنت وتصرفاتها اذا اعجبت ببنت يبين عليها اذا تبي تتعرف لاجل شخصيتها او اجل اعجاااب لشكلها

هذي في المراهقة تكون تحس انها احسن منها واذا تقربت منها بتتعلم وتقتبس اشياء تعجبها فيها والين صار الشك في البعض انه تبي الكببر وخبيثة ونيتها في الجس والسحاق واشياء هيا نهاية الوصاخة احسن حل الهروب انا دايما هاربة ولا ابرر ابدا اخلي الي فهم عني شي يشوفه بكرى نيته تعقب عليه هذا الي تربيت عليه واني كنت محبوبة بس مبتلية في شي معين ولا يمكن تصاحبني غير بنت استظرفت شخصيتي وشافت قلبي وحست فيا انو احب الانس والسوالف والفرفشة

هذا الموقف صار وانا باولى ثانوي ، قبل أقول الموقف احب أقول اني منيوم دخلت المدرسة وانا مالي صديقات اروح واجي لحالي لاني كنت حساسة مررة واتضايقلمن احد يضحك علي او يذب أي كلمة ما تعجبني وزيادة ما كان في احد يبادر يتكلم معيوان انا بادرت تعرفون بعض البنات تضحك على أمور ماتضحك فاتحسس وماعاد ابادر ابد ،وهالشي خلاني طول الابتدائي والمتوسط شبه وحيدة وصديقاتي 2 او 3 بالكثير ( للعلمانا مالي خوات ) ، المهم بسبب وحدتي من جهة واحتياجي المعنوي للصديقات صرت أي بنتتعاملني بذوق واحترام اطييييييييير بها واحاول احافظ على علاقتي فيها( أقول لكمانرحم ☹ )
المهم ودخلت أولى ثانوي وتعرفت على بنت بفصلي ما شالله متدينةواخلاقها حلوة ، وكانت تعامني بود وتسال عني شلونك وش سويتي مع الواجبات يعنيحسستني بالاهتمام ، كنت وقتها راعية أغاني وحالة وتعرفون البنات بهالسن ، لكن هذيبنت الحلال راعية قران ودين وكانت دايم تنصحني يا الهام عودي نفسك تقرين قران ولاتخلين الشيطان ياثر فيك وهكذا تحاول تبعدني عن الأغاني وكذا يعني البنت ماشاللهعشرتها طيبة وعشرة خير ..
جلست كم أسبوع اسولف معها جوا الفصل لان هي وراي تقريبا لكن برا الفصلاجلس معها مرات ومرات لا لان لها شلة وانا اتحسس ادخل معهم ما تعودت عليهم ، بعدهالكم أسبوع واقوم اسوي الاكشن :
مسكت ورقة مدري أوراق واقوم سلمكم الله اكتب لها رسالة اعجاب !
ما أتذكر بالضبط وش قلت ، عبرت عن مشاعري وقلت انتي حبيبة وانتي مريحةوانتي ذوق وانتي وانتي
وحطيت مدري كم بيت شعر من وييييييين ؟ من الأغاني الي كنت اسمعها :42:
البنت راعية قران وانا اسطر لها كلمات أغاني مدري وين عقلي وقتهافهاوتي كانت منقطعة النظير !
واعطيها إياها من بكرة !!
( طبعا ما عرفت اني جبت العيد الا بعديييييييييين )
المهم البنت خذتها من هنا
ومن بكرة جتني كنت اشوف ملامحها ادور ملامح فرحة ادور ملامح شكر !
البنت جتني ملامحها كانها مصدومة ! تقول بما معناه : والله يا الهاممدري وش شقول لك لكن خلينا زي الخوات نحب الخير لبعض ... وما قدرت افهم بالضبط وشتقصد لانها كلمتني ومعها وحدة مدري 2 من خوياتها ومابي اناقش قدامهم
بعدها انقلبت علي البنت ما عاد تسولف مثل اول ما عاد تمشي معي واناماني فاهمة وش الي انا سويته خلاها تتغير علي !!
كنت بمعنى الكلمة على نياتي ماعندي أي فكرة كيف فهمتني ؟ وكيف ان فيهنوع محرم من الاعجاب !!
طبعا كنت كل مابي اكلمها تعز علي نفسي من ناحية ومن ناحية ثانيةصديقاتها معها انحرج ..
يوم كبرت ، وسمعت عن الاعجاب المحرم ( الي هو اعجاب الشذوذ كفانا اللهالشر ) عرفت كيف فهمتني
فهمت من رسالتي اني معجبة فيها كبنت وابغى معها علاقة محرمة !! يمكنيحق لها بسبب اسلوبي بالرسالة
لكن سؤال مهم: هل أسلوب كتابة رسالة اعجاب يكفي عشان تحكمين على بنتانها مو مضبوطة ؟
اقصد البنت كم أسبوع وتروح وتجي معي انا متاكدة انها ما قد لاحظت عليكلامي او تصرفاتي أي شي مشبوه ولا ماكانت استمرت معي ولا كانت حبت شخصي ..
كبرت وعرفت عن هالنوع من الاعجاب المحرم ، وانصدمت كيف كثير من الناسللأسف ما يحرصون يفرقون بين الاعجاب العفوي ( الي منتشر بين البنات الصغار تجاهبنات المدرسة او المدرسات ) وبين الاعجاب المحرم ( الي نشوف مظاهره بالجامعة ) ،وقهرني سوء الظن منهم .. كيف الوحدة من تسمع ان فلانة معجبة فيها او تلاحظ اهتمامأي بنت فيها على طوووول يروح بالها للاعجاب المحرم !! ليش كذا ؟ ليش ما تنتبهوتتاكد قبل تتهم البنت بشي ماهو فيها ..
انا شخصيا الان وانا كبيرة وفاهمة لو الاحظ أي بنت معجبة فيني وتحرصتتواصل معي ، رد فعلي اني بنبسط !
بفهم ان شخصيتي شدتها وروحي اعجبتها ! متى ابدا اشك ؟ لمن يكون كلامهامريب ( مرة ومرتين وثلاث تكرر كلام مريب ) هنا يحق أخاف واشك ..
القصة قديمة ليش انا كتبتها ؟
مو بس عشان طرت ببالي هاليومين وكنت اضحك على منظري وقلت اشارككمتفكيري الي هلى قدي وقتها هههههه
لكن عشان أقول شي من زمان بخاطري، وهو اني مصدومة من سوء الظن عندالناس الي مدري وش سنعه
يعني كل هذا حرص على الدين ولا يقال لها ذكية مو سهل تنخدع فتقوم تشكمن أولها ؟!

اسفة على الاغلاط وسط الكلام بنات ، ما انتبهت وانا اكتب بالوورد وهنا للأسف ما يسمح بالتعديل

اي