الموضوع باين من عنوانه ..
عفوا السؤال باين من عنوانه خخخخ
ما كنت تلعبين مع أولاد يوم كنت صغيره ؟
ماكنتوا تلعبون عروسه وعريس ههههه
فيه وحده منكم تزوجت الولد اللي كانت تلعب معاه ؟ :icon28:
يا بنات أنا أموت ضحك كلما اتذكرت الأولاد اللي كنت ألعب معاهم وانا صغيرة .. لما كبروا واتزوجوا ودي أقول لزوجاتهم عن هبالهم هههههه ..
بس تعرفون الأيام هذه مو مثل هذيك الأيام ..
ألحين لو فتحتي فمك بكلمه قالوا انك كنت حاطه عينك عليه ..
أقولكم موقف ..
كنا دايما نلعب انا واخواتي وأولاد خالتي تعرفون الحريم اذا بغوا يتكلمون مع بعضهم يحذرون ألف مرة من رادارات الأطفال عشان ما نقول لآبائنا عن ايش كانوا يتكلمون خخخ .... والله ياكانوا يصرفونا تصريف من أول ما ندخل بيتهم الييييييين يقولون يالله بنروح بيتنا واحنا ما نشوف امهاتنا ماغير اللعب في الحوش ..
ويوم كبرنا شوي ( سادس ابتدائي ) صرنا نتصفق عشان ما نلعب معاهم :icon33: أطفاااااااال والله اننا نستغل اي فرصه اهم شيء نلعب مع بعض هههه.. ويوم كبرت شويه صار يلعب مع بنات اختي اللي اصغر مني كنت اشوف اني كبييييره وان هذا التصرف يرجعني بزرة وتفوتني سواليف امي وخالتي خخخخ
واليوم يوم كبرنا بطبيعه الحال صار فيه كلفه كبييييييره بيننا ..
يوم من الأيام ضرسي عورني وانتفخ خدي منه وسخونه وحالتي حااااله
وما كان عندي أحد من أخواني الله يحفظهم في البيت كانوا مسافرين وماعندي احد يوديني المستشفى .. فاتصلت امي على خالتي وطلبت منها ان ولدها يوديني انا وامي المستشفى وما قصرت الله يسعدها جوا لنا وودونا المستشفى والله اني كنت مستحيه بمووووووت من الحياء ما توقعت هذا كله مني كان بالنسبه لي أخ صغيييير كنت أصفقه واليوم استحي منه هههه :42: والله دنيا غريبه ... ويوم سألت الدكتورة وش اسم المريضة ؟كان مسوي نفسه مو عارف اسمي يقول لأمي وش اسمها ؟ والله اني من ذاك الوقت الى يوم رجعت للبيت وانا ميته ضحك .. أجل ما يعرف اسمي خخخ مسوي مستحي وانا اكبر منه ومن أخواته كلهم ..
آآآآآآه ياليت أيام الصفاء والنقاء تعود يوماً ..
احنا عندنا في عائلتنا اولاد خالي اكبر مني يعني كانوا رجال
ماكنت العب معهم .. ماعد واحد بس خطب من ورفضنا اما اولاد عمتي
كانو اكبر مني او أصغر يعني مافيه مجاااااااااااال .. بس أيام الطفوله ايام رائعه ..