:)
ما أطول عليكم بس هي من العنوان مايبي لها
لاحد يناظر كرشي يحسبني حامل ما بعد اعرست عشان افقس
بس اختي اللي حامل الله يتمم لها على خير وهذا ثاني حمل لها بعد سنه زواج لأن الأول توفى فــ الله يعوضها
المهم انه توحمت فيني
نرجع لأختي لأنها من كم يوم سوت فيني حركه تعتبر وصخه صراحه بس هي معذوره
المهم قالت بعشيكم وطلبت عشا اوكي وكلش يوم جا العشا جتني
قالت مع نظرات كلها حقد واحتقار<<
: ترا انتي اللي بتدفعين فلوس عشاك << 
هنا حسيت اني مو بنتهم حسيت اني البطه السودا جد يعني احساس لو هي مب حامل صفقتها
المهم انا هالفتره نفسيتي مدحدره وكلن يجيني مع جهه ترا اختك متوحمه فيك لا تقولين لها شي
طيب وانا يعني جدار ماعندي احساس << عالعموم مب مآكلها الا انا يعني انتم حاكوها تخف علي وقسم اني مآكله هوا بس الله يتتم لها على خير يارب
اقتباسات من بعض الردود بالموضوع:)
صديقتي عاد ذي النكته اللي مانساها الله لايبلانا عقب عرسها بثلاث شهور
تقول كنت ماشوف عقب زوجي احد اموت بماطا رجله وعقب مدري وش جاني
مير كرهته فجئه واروح بيت اهلي وكل يوم ادق عليه اتطاق معه
وانواع الملافظ الدسمه واسكر بوجهه وكل ذا يحسبونه اهلي عين ومنظوله
ومره جاني في بيت اهلي على اساس يتفاهم معي.. واسمع حسه مع الدرج
وتصيدني جنية الوحم ونا اجيه ركض والقط الجزمه الله يعزكم واحذفه به مع الدرج
واهزئه الين هج.. وعقب امي شكت بحالي ورحت حللت وطلعت حامل
والحين بنتها تزقح كبر البقره ورجعت المياه لمجاريها واحلى
بس حالف زوجها ان توحمت مره ثانيه ليحطها بقفص بالحوش الين تخلص دركولا وحمها
ياني ضحكت ضحك على هالـــرد
نجي للموقف اللي بعده
على طاري الوحام هذا واحد من الشباب يسولف علينا قبل يومين ، يقول ان زوجة واحد من أخوياهـ توحمت < ياخال ابوي حك ظهري
المهم أن الزوجة دخلت على رجلها وقالت طلقني وش السالفة يابنت الناس قالت أقولك تطلقني يعني تطلقني الرجال تصرف وقام وداها لبيت أهلها ، وهي في السيارة تقوله اقولك طلقني قبل ماتولع الإشارة خضراء < لاهذي من عندي امزح يوم وصل بيت أهلها ويمسك اخوها على جنب ويقوله السالفة كذا وكذا ، راح الولد ويمسك الأم على جنب ويقولها السالفة كذا وكذا < العائلة ذاك اليوم كلهم ممسوكين على جنب جت أم البنت وشرحت لرجلها انها تتوحم الحين وخلها عندنا كم يوم لين ربك يفرجها
طبعاً مرت الأمور بسلام ولله الحمد ، بس الحلو في الموضوع أن الرجال مسك نفسه ولا لو أنه واحد نفسه في خشمه كان طلقها ولاينهان عشرين ألف مره تقوله طلقني وهو مستسلم ولاكأنه شيء
عندي نقطه اللي يقولون يمكن تتوحم على أي شيء ولو ماجبته لها يمكن يطلع على شكل وحمه في المولود ، طيب لو نفرض أن زوجتي في المستقبل توحمت على وايت مويه ولاقدرت اجيبها لها بيطلع ولدي ولا بنتي على شكل وايت < هذا اللي مدرعم صدز
ههههههههههههههههههههههههههههه
بس على الجرح جت هالسالفه
أجل فيه أم تتوحم ببنتها الكبيره
مالقيتي الا انا يمه ربنا يسامحك بس
انتم لوو تجربون هالشعور انه احد يكرهك ومايطيقك ويدور عليك الزله قسم ان تنتحرون
تخيلوا كنت بعد في عز المراهقه يعني محتاجه وشسمه حنآإن وزي كذآإ
امي كانت ماتطيقني انواع الهواش والصراخ علي على اتفه الاسباب
ولافيه احد يعلمني بعد انها تتوحم وكنت اروح اخم مخدتي واصيح<<تعلمكم انهآإ حسآإسه
والله يآإني كنت آكل هوآإ وتبن وكل ابو شي
تخيلوا الموقف اللي للحين حآإقده على امي فيه <<
مره يوم كنت ادرس بثآإلث متوسط كنت كثيرة الكلام
وكان فيه مجلس امهاتومدري وش جاها امي وتروح له تبي بس الزله علي
وتمسك المدرسآإت وحده وحده تقولهم سوو فيها اللي تبون
ليه بنت الشغآإله أنآ
والله ماانسى هذيك الايام واللحين بتخرج من الجآإمعه وللحين أذكر امي فيهآإ
وتقول اذا اعرستي تجربين وماتلوميني
كل شي يهون تتوحم برجلها احسن من العاهات اخواتي
وحده تتوحم بديزل خخخخخخخخخخخخ
اذا كانت معي وقفنا عند محطه تفتح الشباك وتقعد تشم خخخخخخ
ولا اذا سياره ديزل قدامها تفتح الشباك وتشم خخخخ رجلها يفطس ضحك بس يعلق عليها واذا شاف سيارة ديزل يمشي وراها ويفتح الشبابيك واختي مروقه هههههههههههههههههههههههههههه
اشك بوضع اختي اجل ديزل خخخخخ
والثانيه كانت تستحي وماتقول لاحد
كانت عندي نايمه المهم الاخت قامت نزلت تحت يو م صحيت ولا اشوف
بمكانها معجون حق اسناني ومعفط وحالته يرثى لها
طلعت بالعتها الاخت بالعافيه عليها
والثالثه
ملح وعسل خخخخخخخخخخخ تخلطهم مع بعض وتبلعه
الرابعه
حومت تسبد وربي
تعرفون سنكويك الحامض بالبرتقال عرفتوه؟!!
مدري موب متاكده من الاسم بس حاااااااااااااااامض
تحطه مع بيض وكم ملعقه حليب بودره وبالخلاط
وتشربه
ياهو ريحته خااااااااااااايس شويه عليه
على فكره كل اخواتي عيالهم شيون وعاهات كله من وحمهم الخايس
الله لايبلانا
انكم تووحف من جد اما الي متووحمه في غبار كفر سياره
انا اعرف وحده متووحمه في الغبار الي يطلع ورا السيارات الي في البر < ينعن ام شرحك كانت تنشب لزوجها الا طلعني البر ولازم يكون فيه زحمة مواتر ذا البر واول ماتمر سياره تشيل الطرحه وتفتح فمها تجمع نصيبها من الغبار الي جاهم
وبرضو اعرف وحده عاد هاذي حالتها حاله مسكينه متوحمه في ابط زوجها كل شوي يرفع يده يعطيها جرعه
ههههههههههههههههههههههههههههه اووما يعيطيها جرعه
وحـده كبيره اعرفهـا تقول يوم كنت حامل كنت اكره ولد اختي الصغير
ولي اجتمعو عند بيت ابوهم تقول ما اواطنه يلعب قدامي >كان ابو خمس سنين
تقول ومن شدة كرهي له غيرت موعد زيارتي لهلي عشان ماشوف وجهه
والحيـن هالولد تزوج بنتها الي كانت حامل بها وتوحمه فيه
عجبني الموضوع وفكرته ونقلته لعيوونكم
هالحين دوركم << بدري
تجاربكم يعني قد احد توحم فيكم
او مرت عليكم قصص غريبه غير اللي تتوحم بفحم اوطباشير او البويه << أحس مابقيت شي اديور ازين
وغير كذا احس انه الوحام يجي براس الزوج توي ادري ان يجي لأخت الحامل او في امها :)
لكم المــــــايــــــــك:26:
الله يوسع صدرك وربي الموضوع تووووووووحفه