قد خصمتي من راتب خدامتك ؟ تعالي نوريني

مسا الخير حبايبي
كل عام وانتم بخير جميعا :26:
عندنا خدامة سريلانكية
بالثلاثينات عمرها لها سنة عندنا الان باقي لها سنة وتنقلع الله لا يردها

من اول ماجت لاحظت عليها السرحان
يعني قلة الفهم وانها ماتفهم بعض الكلام اقدر امشيها
لكن السرحان ! اني اقول لها سوي الحاجة وارجع القاها ماسوتها وتقول ماسمعت ماانتبهت !!
كذا حطت علي حمل اني لازم اتابع وراها
المشكلة الثانية فيها غباء ونقص بديهة
تتصرف بطريقة غلط مرات وكذا مرة انبه عليها لا تسوين شي الا يوم تعلميني
مع ذلك مافي فايدة
مرة رمت علب عطور صغيرة بغرفتي بدون ماتشاورني
ومرة شافت سندويتش بغرفتي اكلة منها لقمة وحدة فقط
على طول كبتها بالزبالة بدل ماتغلفها وتحطها بالثلاجة او حتى تسالني عنها
غير المرات الكثير الي تقطع طماط ولا شي للطبخ وتخليه مكشوف
غير انها ماتميز وش الي ينحط بالثلاجة وش الي عادي بدون ثلاجة
غير النار الي اضبطها على درجة معينة القاها قاصرتها من غير ماتقول لي
صرت كل ما اقول لها تسوي شي لازم ارجع اشوف سوته او لا

مع ذلك ساكتة لها انا وامي ونداري

اخرتها قبل كم يوم سمعتها ترادد امي !! ورحت فهمتها انه لا تراددين ولا تعلين صوتك
لان ماما ممكن تزعل هذا حرمة كبير
والي وصلني اقصاي قبل كم يوم
جايبين لحم مفروم ونبي نحطه باكياس صغيرة
مو عارفة تحط الكمية الي تكفي استخدام واحد قمت انا كيسته
وعلى اساس ان امي قايلة لها وديه فوق حطيه بثلاجة الفريزر
اتفاجا انها حاطته بثلاجة التبريد ماودته فوق
اقول لها قومي وديه تقول بعدين !!!!!!
انا هنا صعقت انهبلت انجنييييت
قلت لها قومي هذا ماينفع يطول بالثلاجة
وترد بنفس الكلمة وتزيد انه اذا طلعت فوق تنام تشيله معها
واكرركلامي ويالللله قامت من ورى نفس
رجعت وانا اسوي لي شغلة وباقي مواعين اقول لهاقومي رجعي المكينة والاغراض مكانها
تطنشني البجيحة كني ماقلت شي ، انا هنا مسكت اعصابي وقلت يصير خير بعدين
يعني فوق ما احنا صابرين على فهاوتها وقلة فهمها بعد تبي تشتغل بمزاجها !! لا اوفر كذا
فالي ناوية اسويه اني اخصم منها على قد الي تقصر فيه
تعبت من تكرر الغلط ،وهي تعودت ان حنا نفوت لها فودي الحين امشي بنظام الخصم
هل في احد منكم طبق نظام الخصم من الراتب وكيف ؟؟؟ راتبها 1300

الي بتتفلسف وتسطر لي مثاليات وحرام وماحرام انتبهي :
بيتنا مافي الا انا وامي
ضيوفنا بالشهر مرة مرتين يجون مو اكثر
باليوم تشتغل من 3-4 ساعات فقط وبينها بريكات بعد
يعني مدللة على الاخر شغل خفيف وراتب معتبر