وه وه الله يحمينا

اب

الحمد الله ماكد صار لي مثل هالمواقف بس انا الصاله اخليه دايم مرتبه والمجلس انظفه ومسح طاولته بمويه وعطر وغطيهن بكيس ملابس وقفله علشان اذا جان احد بس اشيل الكيس ولقى النظافه والريحه يسلام

أنا موقفين جدا محرجين الاول أول ماتزوجت أول شتاء مابعد شريت دفاية للبيت وكنا أذا جلسنا بالصالة نجيب انا بطانية وفروة لزوجي وراح زوجي للبقالة وبيرجع ودق الباب وقلت مشاء الله رجع بسرعة وروح جري أفتح الباب ومستعجلة برجع لبطانيتي كان مووووت بررررررد ألا وجارتي ومعاها بنت أخو زوجها ودخلهم بالصالة وهم تفشلو أكثر مني لما شافو البطاطين بس الموقف الثاني كنا بايعين غرفة النوم وطلعت كل اللي فيها بمجلس الرجال أمتلى أكياس وملابس واغراضي أنا وعيالي وفجأة جاء زوجي الظهر ومعاه أخوة جاي من بعيد طافي نوم ويدخلون وأنا مفهيه بالصلة من الفشلة واسمع الضحك بس حطو لهم مكان بالنص وسط العفش ونام أخوة وصحى العصر وتقهوا بالحوسة وعيالي عندهم فالينها يحبون أجواء الحوسة

السلام عليكم

والله يابنات اناعندي موقفين الله لايوقع احد فيهم كل واحد اردى من الثاني

اول موقف كنت ساكنه عند اهل زوجي فوقهم وحامل ووحام وعيالي صغار لعبهم وجلستهم كلها بالصاله وهي قبال الباب وانا كنت نايمه بغرفتي وحالتي حاله السله جنبي وشغاله بس استفرغ الا ويدق الباب وتفتح بنتي طلعت عمتها جايه ومتواعده مع صديقتها يتقابلون عند اهلها وماادري وش نغص عليهم قالو يطلعون عندي فوق ازين المشكله مااعرف الحرمه ودايماً يحكون فيها انها رزه وكشخه ومدري ايش الزبده فتحت بنتي الباب دخلت عمتها وين امك ابيها قالت لها بغرفتها وتجي جري لغرفتي وانا بنص السرير ماسكه السله واستفرغ حتى السلام ماقدرت اردعليها والله ماشفت الا نحشتها شالت صديقتها ونزلت من مكان ماطلعت ....استحييت وربي بس عاد امر الله وضعي مايسمح من حالتي...

السالفه الثانيه هذي عاد امر سالفه عندي ومخجله ومخزيه اللي تقدرون تقولون سموها
كان زوجي مسافر برمضان ورجع على الساعه احدعش الليل تسحر وقعد مع عياله وهم راحوو ينامون وانا واياه دخلنا غرفتنا على الساعه وحده كذا وتعرفون واحد غايب عن حرمته وش بيصير عقبها وشوي الا اخوي حارق جوالي اتصالات سحبت مارديت صراحه ويمسك جوال زوجي اتصال عصب صراحه وقعد يهاوش يقول وش يبي اخوك وش ثقل الطينه ذي هذا وقته مايستحي قلت خلاص تكفى امسحها بوجهي وشوي الاباب البيت يدق شالو الباب من كثر الدق وجوالي وجوال زوجي شغال اتصال من اخوي بصراحه خفنا وانفجعنا قام رد زوجي هلا وش فيه قال له اخوي نزلت امي عندبابكم افتحولها رايح مشوار انا وزوجتي وبنرجع لها بعد ساعه كذا طبعاً عارفين.الرجال في مثل هالامور كيف ردة فعله قال له ياخي مشغولين والعيال نايمين قال له اخوي والله انا قد نزلت امي عند بابكم ومشيت اففففف ويطنقر زوجي وانا وجهي بالارض قال علي اليمين ان تفتحي لها وترجعين ولا وربي لايصير شي موطيب الليله ياربي كيف السواة رمضان والوقت قرب يأذن الفجر وامي جاييه ماادري اصلاً وش اسوي قمت بسرعه صحيت بنتي الكبيره قلت لها افتحي لجدتك وضيفيها وقولي لها امي بالحمام لاخلصت جيت وانا رجعت لغرفتي ساعه الاربع كذا وطلعت لامي متسبحه ولابسه قلت المعذره والله كنت بالحمام مشغوله شوي هي حست اصلاً باحراج قالت لاعادي انا جيتكم بوقت غلط خذي راحتك يمه روحي شوفي زوجك تووه جاي فشله قلت لها لالا قد تسحر ونام ماصدقت على الله مرت السالفه الله لايعيدها يارب بجد فشله مابعدها فشله