قد زرتي ماليزيا ؟!! اذن تفضلي هنا وعطينا رايك فيها ؟!!

مااااااااااليزيا
لا تعليق انا قضيت شهر العسل هناااك يازين ايامها وزين جوها الخيااااااالي

سبحاان الله ياليتني عايشه فيهاعلى طول لاني احب الطبيعه :(

بصراحه تستحق كل دعايات السياحه وخصوصا بينانج ولنكاوي لا فنادقها على البحر مباشره

مرحبا اختي كنوز ..

ماجاوبتي على كل الاسئله يابت ماراح اعطيك

العلامه الكامله ==> يقال انكت مع وجهي ..

افيدنا هل كان صيف ولا شتا وكملي اجابتك على كل الاسئله ..


في انتظارك ..

موضوعك حلو ...

انا الحين مشغوله ..راجعتلك بكره ان شالله ..:)

الموضوع حلوو بتواجدك وابداء رأيك ..

في انتظار عودتك ان شاء الله اختي ..



بالتوفيق ..

اهلين اختي ~ Om Joud ~ انا رحت لماليزيا ......وبقولج عن رأيي فيها ....بس اعتقد انه كل وحده على حسب الاماكن اللي راحتها اعتقد؟؟؟؟؟

انا يا حبيبتي رحت في الصيف.....والجو في الصيف والشتاء نفس الشي تقريبا لانها استوائية ....واخوي راح في الشتاء قال حاره وروطوبه....

المهم اللي صارلنا اول شي ان شركة السياحه الله يسامحهم ودونا اماكن ما تستاهل ....يعني مثلا السايق ودانا مصنع الملابس؟؟؟؟ احنا شو نبغي في الملابس بالله؟؟؟؟؟ وكان شهر العسل يعني نبغي اماكن رومانسيه؟؟؟؟؟؟ المهم وياريته كان حلو...
وبعدين ودانا مكان فيه مدفع وعلم وقعد يتكلم عن تاريخهم وقالنا لفوا ساعه وبرجعلكم؟؟؟؟؟

والمشكله الجو كان حار ورطوبه ؟؟؟؟؟؟؟؟؟؟؟؟؟؟؟؟يعني كان لازم يفهم ويودينا اماكن مغلقه وفيها ترفيه مش مصانع ومادري شوووووووووووووووووووو....

وبعدين ودانا مصنع الذهب؟؟؟؟ وبعدين معبد وممنوع الدخول؟؟؟؟ وبعدين مصنع الفضيات وبعدين دوار التحرير ومادري شوووووووو المهم انتي ما تبغين كل هذا بس سمحيلي انا ما صدقت لقيت فرصه افش خلقي في الشركه ههههههه


المهم بعدين قالولنا في حديقة السبلان ...الخضره فيها روعه بس 10 دقايق ما استحملنا من الحر والرطوبه حتى السايق قال انا ما بنزل معاكم لانه حر ....

المهم وانا بعدين تذكرت اني قاريه عن حديقة الطيور والفراشات وقلناله هل هي مفتوحه؟ قال ايوه فغيرنا رأينا وما رحنا بسبب الحراره والرطوبه ...

هذا كان في بيننج....ما ارتحنا فيها ابدا...

وبعدين رحنا جنتنج ....اخيرا جو بارد روووووووعه ....بس للاسف الحديقه اللي فيها كانت مسكره من الضباب والتلفريك بعد مسكر .....بس الجو حلو كان ....بتنا فيها ليله لانها صغيره وبعدين رحنا العاصمه كوالالمبور...

العاصمه مش بطاله .....هي المنطقه الوحيده اللي ارتحنا فيها شوي ...بس من كثر الخليجيين ماشاء الله ما ارتحت وايد ....

بس هذا شوي من المواقف اللي صارتلنا وانا مافيني اكتب القصه كلها ....بغثكم ادري :)

وفي النهاية كل وحده وحسب الاماكن اللي راحتها يعني اعتقد فيها اماكن حلوه اكيد بس ما حالفنا الحظ نروحها .....بس يعني انا خلاص قلت توبه اروحلها مره ثانيه ههههههه