صباحكم او مسائكم الله بالخير
كيفيكم يا صبايا
اليوم جايه لكم غريبه بس مو اى غريبه
غريبه اللوز
ادماااااااان من جد ونكهتها جداا رائعه وغير كل هذا مقاديرها متوفره
نبدأ باسم الله
اولا لازم يكون عندك لوز امريكى مو يمنى عشان ما تطلع فيه حبات مره وتخرب الحلى وهذى صورته
المقادير
1 ونصف كاس لوز مطحون ناعم
2كاس دقيق ابيض
1كاس سكر
1كاس زيت
بس يا حلوات تعجن كلها مع بعض
بدون اي اضافات وتشكل مثل ما تبغين (طبعا تتفتت فى يدك حاولى تضغطين عليها لحد ما تشكل معاك)
انا مكورتها وحاطه فى الوسط لوز
بعدين على الفرن وحاولى قدر المستطاع ما تكون متشققه عشان ما تخرب الشكل
ما تأخذ وقت انتبهى لها من اسفل واذا حابه تولعى من فوق (انااحب احمرها شوى من فوق عشان احب طعم اللوز مقمر:22: )
وهذا صورتها بعد ما طلعت من الفرن
وهذا زوووووووم
من جد لذيذه وسهله ما تأخذ وقت وتجلس في العلبه اسبوع كامل مايتغير طعمها وتستاهل التجربه وريحتها واووو وراح تدمنو عليها تستحق التجربه :32:
تحياتى ارجو انها نالت على اعجابكم هذا اول موضوع لى فى المنتدى الغالى ... وشكرا
foofah..A