أول شي لازم نحط في بالنا ان الناس أذوااق ..

و اللي يعجبني أنا ممكن ما يعجب غيري والعكس صحيح ..

ثانيًا ..

*أنا شخصيًا ما احب فساتين البنوتات اللي تجي شيفون ومنفوشة ..

و احيانا يكون فيها ورووود ..

او الام تلبس بنوتتها طوق ورود و شرعة (طرحة ) ..

احسه مرة مو حلو وموديل قديييييييييم جدا ..

* ومثل ماذكرتي الملابس القصيرة و المكشوفة ..

تقتل براءة الطفلة ..

* الشراب اللي فيه كشكش بطلوه من زمااان ..

و اصلا مو كل شوز يبغاله شراب ..

يعني أحيانا يكون الشوز فلات و ماله داعي الشراب ..

* الشعر غير المرتب يشوه كل اللوك ..

يعني طفلة شعرها مربوط ذيل حصان و في يوم العيد !

* كمان الملابس المبهذلة ..

يعني بنطلون جنز عادي و بلوزة قطنية سااادة ومافيها أي شي يجذب النظر ..

بالله هذا لبس عيد ؟!

يعني يوم العيد مميز جدًا ولازم تكون ملابس الاطفال مميزة كمان ..

* الملابس ذات الألوان القاتمة والجامدة للأطفال ..

يعني لبس كله لون بني و أسود و رمادي ..

كأن الطفل أو الطفلة في عزا ..

و الا تلبس الطفلة بلوزة بربري مع تنورة سودا عشان تصير كشششخة ..

و بدل اتصير انيقة تصير كانها طالبة ورايحة مدرستها وماينقصها غير الشنطة ..

المفروض _من وجهة نظري _ تكون ملابس بألوان فرايحية ..

لبس أحمر , أصفر , وردي , برتقالي , أخضر , أزرق ..

ألوان حلوة وتبهج النفس ..

أعتذر إذا أسأت لأحد أو ضايقته بـ كلامي ..

بس حبيت أكون صريحة بدون ما أوجه الكلام لشخص معين ..

و الله يهدي الجميع ان شاء الله ..

يعجبني يوم العيد اروح صلاة العيد عشان أشوف الأطفال بسم الله عليهم البعض تبارك الله ما شاء الله
ذوق كان في اللبس والشعر والحشمة ويعجبني الشعر يكون بطولة اما اللي تحف الشعر لين الأذن ما احبة تقتل انوثة البنات الصغار والتسريحات مال ابوها داعي
وبالنسبة لفساتين الطويلة المنفوشة ما قط أشتريتها بس من أشوفها على البنات في المصلي تعجبني عليهم وهم اللي يحسسوني بالعيد ويذكروني بطفولتي اما هذا العيد احس أغلب البنات لبسهم قصير هم جالسين اللبس واصل نص الفخذ ومعاه هيلاهوب
واحزن من اشوف بنات لبسهم أقل من العادي وباين انه رخيص يكون اللبس اقرب من شكل البجامة مدري هو مسألة ذوق لأن في الرخيص
ونفس الشكل ذوق لأن العيد اشوفه عيد الأطفال وتحزني نظرتهم كل طفل يطالع في الثاني ويميز ويقارن

والله انا اللي احزني اكثر البنات المراهقات اللي امهاتهم الحمد لله والشكر انهبلو ملبسينهم فساتين نص الفخذ اما الاطفال حدث ولا حرج وترى المساله مو مسالة رخص او غلا انا ماشاء الله عندي 4 بنات ارخصهم فستان طلع احلاهم بشهادة الجميع لكني افتخر ولله الحمد انه ولا وحده لبست عريان

اما مصلى العيد شفت بنات لابسين شعبي بس بطريقه روعه وبنات لابسين لبس ترحمينهم وناس كاشخه ماودك تصدين عنها

وبالاخير لو لا اختلاف الاذواق لبارت السلع

محب البنات يلبسوا لون اسود كثيريلبسوا بناتهم اسودوابيض وبعيد ماينفع لازم الوان حلوه
ولا شعر حاطه فيه شباصات ابو ريالين كلها مافي نعومه

موضوعك حلو
انا ماعجبني بالمسجد البنات لابسين نفاش حق الزواجات القديم احس مره ماله داعي
واعجبني بنات لابسين لبس القريقعان كان حلو مو كلهم بعضهم